Watu wa ujerumani walijikuta kwenye mtanziko mkubwa wa kuhitilafiana mitazamo, wa magharibi wakawa na mitazamo inayokinzana na wa mashariki... Wakashindwa kabisa kupatana..... Na mwisho wakaja na wazo la kujenga ukuta wa kuwatenganisha....
Ukuta ule haupo tena, ulikuja kubomolewa baada ya miaka mingi kupita lakini ni baada ya kujitambua kwamba ukuta wa mawe hauwezi kuondoa tofauti zao bali ukuta wa kifikra ukuta wa kimtazamo... Walivunja kuta hizi kwanza kabla ya kuvunja ukuta ule unaoonekana..
Waisrael wanajenga ukuta kuzunguka ukanda wa Gaza kujikinga na Wapelistina... Hii ni dhana iliyojengeka mioyoni mwao.... Kuna siku ule ukuta utavunjwa....
Trump anataka kujenga ukuta mpakani na Mexico ni dhana iliyo mawazoni mwake anataka kuifanya halisi... Atajenga sasa lakini kuna siku itafika utabomolewa.
Ukuta ni kitu kisicho na uhai.. Ukuta ni kitu kinatokana na dhana... Dhana huzaliwa hukua hubadilika na hata kufa pia.
Ni wazo jema kabisa kujenga ukuta kuzunguka machimbo ya TANZANITE kule mererani... Ni kuonyesha jinsi tulivyoguswa na wizi wa madini yetu adimu, lakini Mererani ni sehemu ndogo tu ya tatizo kubwa halafu sugu... Tutajenga kuta ngapi Tanzania nzima ?
Ukuta bila UZALENDO ni kazi bure hujuma zitaendelea bila kukoma, rushwa itatamalaki.... Ukuta kuzunguka Mererani sio suluhisho.. Watu watafanya mtobozano.. Zitachimbwa njia chini ya ardhi na biashara itafanyika kama kawa binadamu halindiki... Baki na ukuta wako na makamera yako wanaume wanapiga kazi chini ya ardhi kwa raha zao... Chini ya ukanda wa Gaza kuna njia mamia zimetobolewa kuingia Israeli.
Ukuta wa mawe hapana, tujenge ukuta wa fikra za kizalendo, huu ni ukuta imara zaidi na usio na gharama kubwa, ni ukuta usio na mtobazano... Ukuta huu si kwenye madini tu bali kwenye kila tunu na rasilimali za taifa letu tukuka.
Twendeni tukajenge sasa.....
#UKUTA#