Tende ndio jina lake.

[bothlegs]

Tende ndio jina lake wala lisikusumbue.
Ni la ajabu umbo lake pia na utamue.
Utamu na ladha yake tofauti na rangie.
Ni kubwa haiba yake mlaji ndio ajuae.
Ni laini nyama yake watamani ujilie.
Usimeze kokwa yake uilapo ibabue.
Utatamani uende peke ilipo uichukue.
Uile papo kwa papo bila kujali mwenyewe.

Je wewe uheshawahi kula tende mara ngapi?

 

[Totos Boss]

Mimi sijawahi hata mara moja.
Ungeniwekea picha maana siijui hasa.

 

[mpemba mbishi]

Bahati haina kwao,
Popote inathibiti.

Ili niwe na upeo,
Nasubiri siipati.

Moyo nimesema nao,Isipokua sijuti.

Sihusudu wapatao,
Ingawa mimi sipati.

Toka kale hadi leo,
Naingoja haizuki.

Ni kwenye watafutao,
Naomba kila wakati.

Moyo wangu wenda mbio,Wachoka kwa harakati.

Ni kwenye wasubirio,
Tena tamaa sikati.

Basi sema nao hao,wajifanyao biyuti.

Wasitese wenziwao,
Wakawa watusaliti.

Uumiao ni moyo,
Na mwisho wake mauti!