Jina kamili: Suzanne Lewis
Jina la kisanii: Natasha
Mwaka wa kuzaliwa: 1967
Historia yake kwa ufupi: Kama wengi wanavyomfahamu ni mmoja kati ya waigizaji walio jasiri na mahiri katika kutekeleza majukumu yangu ya kikazi, kwa mantiki hii amekuwa akimudu kucheza nafasi nyingi katika sanaa ya maigizo na filamu kwa ujumla.
Pamoja na uigizaji wake mama huyu hakurudi nyuma katika shughuli za maendeleo kwani amekuwa akijishughulisha na miradi mbalimbali hasa ya ujasiriamali lengo ikiwa ni kujiletea maendeleo.
Natasha ambaye ni mama wa mtoto mmoja (Yvonne Cherl au Monalisa) na wajukuu wawili anasema katika kipindi cha miaka 41 tangu kuzaliwa kwake ameweza kushiriki kazi tofauti tofauti lengo likiwa ni kujiingizia kipato na kuendeleza familia yake.
Katika safari hii ya uigizaji ulianzia wapi?
Natasha: Nilianza na ukatibu Muhtasi katika ofisi ya ubalozi nchini Angola, hapo nilipata uzoefu wa mambo mengi sana katika maisha pamoja na kazi kwa ujumla
Nilifanya kazi hiyo kwa muda wa miaka minne na baada ya mkataba wake kuisha nilirudi nchini na kuendelea na maisha ya kawaida.
Nikiwa hapa niliona ipo haja ya kujiingiza katika sanaa ya maigizo kwani ndoto yangu siku zote ilikuwa ni kuwa msanii mwenye kiwango cha juu katika sanaa ya maigizo.
Hivyo akiwa jijini alijiunga na kikundi cha sanaa cha Jumba la Sanaa ambapo kwa wakati huo kilikuwa kikimilikiwa na Deo Kafwa.
Kuingia kwangu katika kikundi hicho kulikuwa ndio mwanzo wa safari yangu hii ndefu ambayo hadi hivi sasa naweza kusema bado haijafikia mwisho.
Pamoja na yote haya unafikiri ndoto yako ni ipi?
Natasha: Ndoto yangu ni kujenga jumba kubwa la sanaa theatre kwa ajili ya kufanya maigizo ya jukwaani, kwa sababu ndicho kitu nakipenda kutoka moyoni na ninaomba mwenyezi mungu anijaalie kwa hilo.
Baada ya kupata uzoefu katika kundi la Jumba la sanaa, mama huyu alienda kufanya kazi na kikundi cha Marehemu mzee Jongo na baadaye kundi la Mambo Hayo.
alikaa Mambo Hayo kwa muda kabla ya kundi hilo kuvunjika na baadaye baadhi ya wasanii tuliokuwepo kwenye kundi hilo tulijiunga pamoja na kuanzisha kundi jipya lilojulikana kama Nyota Academia.
Siku zote unapokuwa mkongwe katika kazi ubunifu na hata ujuzi huongezeka kwa hivi sasa mama huyu pamoja na kuigiza michezo pia ni mtunzi na muigizaji wa filamu anasema.
Mama huyu ambaye kwa hivi sasa amekuwa gumzo katika mchezo wa runinga unaendelea hivi sasa katika moja ya kituo cha Televisheni nchini ni mjasiriamali wa kutumainiwa.
Mbali na uigizaji unafanya kazi nyingine?
Natasha: Katika suala la kujiongezea kipato nimeamua kuanzisha miradi mbalimbali ikiwapo ile ya ubunifu na ushonaji wa mitindo ambapo nimeafanikiwa kufungua sehemu yangu ya kushona.
Si hivyo tu pia nafanya kazi ya kusherehesha sherehe mbalimbali (MC).
Ni nini sababu ya kuhama kwako kutoka kundi moja kwenda jingine?
Natasha: Natafuta maslahi bora
Kuna hili suala la utunzi je wewe ni mtunzi?
Natasha: Ndio mimi ni mtuzi na vilevile muongozaji wa filamu na hadi kufikia hivi sasa tayari nimefanikiwa kutunga na kuongoza idadi kadhaa ya picha ikiwamo Binti Nusa.
Una wito gani kwa wanawake wenzio?
Natasha: Wito wangu kwa wanawake wenzangu ni kwamba hakuna kuchoka katika kutafuta wajibidiishe katika kazi mbalimbali ili kusukuma gurudumu la maendeleo na hatimae tuuzike umasikini nchini kwetu.
Suzanne Lewis aka Natasha
