Swali kwa Wanaopinga Mwendo wa Magufuli na Serikali Yake

[Mzee Mwanakijiji]

Swali la Ugomvi: Kwa wale ambao hawakubali mabadiliko ambayo yanaongozwa na Magufuli na Serikali yake ni kitu gani ambacho wao wasingekifanya ambacho Magufuli amekifanya? Kwamba, kama wangekuwa na uwezo "wangetengua" mambo gani ambayo Magufuli ameyafanya hadi sasa?

Nasikitishwa sana na baadhi ya watu wanaolaumu utumbuaji wa majipu yanayofanywa na Rais wetu mpendwa.
Mkurugenzi wa jiji la Dar es salaam alitumbuliwa tu juzi na wengine kusema alifanya makosa. Mkuu wa mkoa wa Shinyanga alitumbuliwa na wengine wakalaumu ambapo leo hii wafanyakazi hewa 226 wamebainika mkoani humo.
Haya majipu yanapokuwa yanatumbuliwa hadharani ndo inakuwa vizuri ili ambao hawajatumbuliwa wafanye Kazi bila mazoea maana walishaigeuza Tanzania kama Shamba la bibi.

 

[24th DECEMBER]

Kuzuia safari za nje

 

[Livejr]

Mkuu subiri vijembe tu kama vya waimba taarabu na kukujeli wewe mtoa mada pamoja na Dr. Tinga Tinga zaidi ya hapo hakuna atakayejibu. Watajifanya swali halijaeleweka.

 

[Barbarosa]

Swali la Ugomvi: Kwa wale ambao hawakubali mabadiliko ambayo yanaongozwa na Magufuli na Serikali yake ni kitu gani ambacho wao wasingekifanya ambacho Magufuli amekifanya? Kwamba, kama wangekuwa na uwezo "wangetengua" mambo gani ambayo Magufuli ameyafanya hadi sasa?

Sababu kubwa hasa ya wao kumpinga Raisi Magufuli wala haihusiani na yale anayoyafanya bali ni chuki binafsi tu ambayo wanayo dhidi ya Raisi Magufuli kama biandamu na pili dhidi ya Chama chake cha CCM, hakuna kitu ambacho Raisi Magufuli atafanya ambacho watamuunga mkono, kwa kifupi ni wafuasi wa fisadi Lowasa na lengo lao kubwa ni kutaka fisadi Lowasa wao abakie relevant kwenye siasa za TanZania na ndiyo maana wanakesha wakiomba Miungu yao ili tu Raisi Magufuli ashindwe kwa maana kuna watu wengi sana TanZania leo hii hasa wale waliompigia kura fisadi Lowasa wanasema kwamba anayoyafanya Raisi Magufuli fisadi Lowasa kama angeshinda Uraisi asingethubutu na wala asingeweza kuyafanya hata tu theluthi yake!

 

[chipolopolo 2]

Bomoa bomoa

 

[Alfan issa]

kukomalia ufisadi

 

[Determinantor]

Mngeyaeleza hayo ya Magufuli na ambayo yamepingwa! Vinginevyo tutakua hatuna akili.... tusiongozwe na hisia! Comparison nzuri haifanywi hivyo kama una andika hadithi. Sema amefanya hiki Jamaa wamepinga, amefanya kila jamaa wakapinga! Sasa uandishi huu wa ukasuku lazima na majibu yatakua ya jinsi hio hio GIGO theory

 

[taamu]

hiki chenyewe ni kijembe.mnauliza maswali halafu mnakuwa na majibu mnayoyapenda, pointi yako inamuandaa mtu kushambulia kuliko kuja kwa hekima.livejr

 

[taamu]

ushindi mzuri ni ule wa kipyenga cha mwisho.mi bado nasubiria maana mbwembwe nimishazoea ila sipingi chochote mpaka sasa.labda nishauri escrow ni jipu kubwa jipya jipya lenye usaha mwingiii.tafadhali litumbueni upesi.

 

[MAFILILI]

Kujaza katika nafasi nyeti watu wenye asili ya kanda ya Kaskazini

 

[Chakaza]

Mngeyaeleza hayo ya Magufuli na ambayo yamepingwa! Vinginevyo tutakua hatuna akili.... tusiongozwe na hisia! Comparison nzuri haifanywi hivyo kama una andika hadithi. Sema amefanya hiki Jamaa wamepinga, amefanya kila jamaa wakapinga! Sasa uandishi huu wa ukasuku lazima na majibu yatakua ya jinsi hio hio GIGO theory

Wanataka kuleta maswali kama wewe umeota nini usiku ambacho mie sijakiota

 

[mizambwa]

Swali la Ugomvi: Kwa wale ambao hawakubali mabadiliko ambayo yanaongozwa na Magufuli na Serikali yake ni kitu gani ambacho wao wasingekifanya ambacho Magufuli amekifanya? Kwamba, kama wangekuwa na uwezo "wangetengua" mambo gani ambayo Magufuli ameyafanya hadi sasa?

Magufuli anakurupuka katika uongozi wake. Jambo ambalo linakera wengi ni kuhusu Bomoa bomoa. Ni jambo zuri lakini amekurupuka mno.

Kwa sasa inapaswa kuangalia namna ya kuleta mabadiliko ya kiuchumi na ndio wimbo wapinzani walikuwa WANAIMBA KATIKA KAMPENI. Na pia ndio maana watu wengi walijiunga na upinzani kwa kutaka mabadiliko ya kiuchumi. lakini unapombomolea mtu nyumba katika kipindi hiki unampa umasikini wa hali ya juu kabisa.

Watu waliichukia CCM kutokana na miaka yote kushindwa kuleta mabadiliko ya kiuchumi kwa wananchi wake. na ndio maana wengi walijiunga na upande wa upinzani na kufanya uchaguzi kuwa mgumu sana kwa upande wa chama tawala.

Tuna changamoto nyingi ambazo zipo katika jamii ndizo serikali tulitarajia wataanza nazo. Hata katika kampeni Rais Magufuli hakutoa ahadi ya kuwa akichaguliwa, serikali yake watabomoa nyumba za makazi ya watu katika hali hii ambayo inawaacha wananchi wakikosa sehemu za kuishi. Huenda ndio moja ya sera ya CCM uchaguzi uliopia, lakini mbona hawakuisema katika kampeni ili tujue kabla??

Ni serikali gani hii isiyo na huruma kwa wananchi wake??????

 

[Barbarosa]

Magufuli anakurupuka katika uongozi wake. Jambo ambalo linakera wengi ni kuhusu Bomoa bomoa. Ni jambo zuri lakini amekurupuka mno.

Kwa sasa inapaswa kuangalia namna ya kuleta mabadiliko ya kiuchumi na ndio wimbo wapinzani walikuwa WANAIMBA KATIKA KAMPENI. Na pia ndio maana watu wengi walijiunga na upinzani kwa kutaka mabadiliko ya kiuchumi. lakini unapombomolea mtu nyumba katika kipindi hiki unampa umasikini wa hali ya juu kabisa.

Watu waliichukia CCM kutokana na miaka yote kushindwa kuleta mabadiliko ya kiuchumi kwa wananchi wake. na ndio maana wengi walijiunga na upande wa upinzani na kufanya uchaguzi kuwa mgumu sana kwa upande wa chama tawala.

Tuna changamoto nyingi ambazo zipo katika jamii ndizo serikali tulitarajia wataanza nazo. Hata katika kampeni Rais Magufuli hakutoa ahadi ya kuwa akichaguliwa, serikali yake watabomoa nyumba za makazi ya watu katika hali hii ambayo inawaacha wananchi wakikosa sehemu za kuishi. Huenda ndio moja ya sera ya CCM uchaguzi uliopia, lakini mbona hawakuisema katika kampeni ili tujue kabla??

Ni serikali gani hii isiyo na huruma kwa wananchi wake??????

Ulitaka nini kifanyike kwenye swala la Ujenzi holela ambacho mpaka sasa hivi hakijafanywa na Serikali? Kwa maana kubomolewa ni lazima nyumba zibomolewa hilo halina ubishi, lkn wewe ungeshuri kipi kifanyike labda badala ya kulalamika tu?

 

[Imany John]

Swali la Ugomvi: Kwa wale ambao hawakubali mabadiliko ambayo yanaongozwa na Magufuli na Serikali yake ni kitu gani ambacho wao wasingekifanya ambacho Magufuli amekifanya? Kwamba, kama wangekuwa na uwezo "wangetengua" mambo gani ambayo Magufuli ameyafanya hadi sasa?

Kuna kauli ya kuipeleka tz kuwa nchi ya kipato cha kati,kwa mwenendo huu,wa serikali hii iliyopo,ambayo haina uwezo wa kumpa mtanzania huduma ya umeme wa uhakika kuwasha taa tatu,kuchaji simu pengine na tv tu kwa siku je hiko kipato cha kati tunafika kwa mwenendo upi?

Mfumo uliopo ni wakumuogopa Magufuli:

Wengi wa watu wanatenda kwa kumuogopa rais kama ilivyokuwa kwa hayati Moringe sokoine,alikuwa mkali sana ila ilivyoondoka na kuogopwa kwake kukazikwa rasmi,hata sasa watendaji wanatenda kwavile yeye Magufuli yupo madarakani,akiondoka?

 

[The Boss]

Naona usipo andika chochote utaulizwa huko
sasa inabidi uandike tu hata kama unajichanganya changanya

Mara hajaanza kazi,mara anaenda kwa kasi.....unahangaika sana


Makala


Kwa nini Magufuli hajaanza kufanya kazi?
Lula wa Ndali Mwananzela
Toleo la 438
30 Dec 2015



MTU unaponunua eneo kwa ajili ya shamba au ujenzi vitu vya kwanza kabisa ambavyo unaangalia ni kitu gani kinatakiwa kufanyika kwanza kabla ya kuanza kwa kilimo au ujenzi. Kama eneo ni jipya kabisa bila ya shaka ni lazima uhakikishe mipaka iko sawa sawa, na kufanya uamuzi wa wapi patatumika kwa ajili ya nini na kwa vipi. Kama ni ujenzi wa nyumba basi utafanya uamuzi wa wapi nyumba yenyewe itajengwa na wapi vitu vingine vitakuwepo kwa kulinganisha na nyumba.
Na kabla ya kuanza kazi yenyewe kubwa kabisa utakalofanya ni kusafisha shamba – kama eneo ni la kilimo. Kama shamba lilikuwa linatumika tayari ni lazima uangalie kama utalitumia walivyolitumia wengine au utabadilisha matumizi yake ya zao unalotaka kulima kulinganisha na waliotangulia. Ni lazima usafishe shamba kwa ajili ya kilimo hata kama ulikuwa unalitumia kabla; hii ni kuhakikisha kuwa mazao mapya yanaandaliwa vizuri ili kuhakikisha mavuno unayotarajia.
Hadi hivi sasa Rais wa Awamu ya Tano, Dk. John Magufuli hajaanza kazi; bado hajaanza kulima au kujenga. Amekabidhiwa ardhi kwa ajili ya kuihudumia kwa miaka mitano ijayo. Jambo la kwanza analolifanya na ambalo limemfanya achelewe kuanza kazi anayotaka ni lile la msingi; kusafisha shamba kwanza kabla ya kuanza kupanda mbegu anazotaka yeye kwa kutumia watalaamu wake.
Hii haina maana aliyekuwa kabla yake hakulima vizuri au hakusimamia shamba vizuri lakini ina maana tu kuwa sasa hivi kuna mkulima mwingine na y eye ana vipaumbele vyake. Kama mkulima aliyetangulia anaona kana kwamba mwenzie hafuati nyayo zake hili si jambo la kutolea maelezo; kila mtu kwa zamu yake na kwa nafasi yake. Hii ni zamu na nafasi ya Magufuli.
Kazi hii ya kusafisha kwa kiasi kikubwa ilioneshwa katika lile tukio la kusafisha siku ile ya Uhuru. Usafi ule haukumaanisha kuwa watu walikuwa hawasafishi (labda kweli walikuwa hawasafishi) lakini pia kulikuwa kunamaanisha juhudi zozote za kufanya usafi huko nyuma hazikuwa na matokeo yaliyotarajiwa. Hivyo, Magufuli anapokuja na wazo la kufanya usafi taifa zima alikuwa anatuma ujumbe tu kuwa hatuwezi kuishi na kuwa na maisha ya kufurahia kama hatuko safi; na hasa kama tumezungukwa na uchafu. Na sote tuliona jinsi gani nchi nzima kweli ilikuwa inahitaji usafi!
Hadi hivi sasa kwa kuangalia ambacho Magufuli amekifanya hadi hivi sasa hakuna shaka kabisa; kazi yake hasa itaanza baada ya bajeti ijayo. Miezi hii sita hadi wakati huo itatumiwa kwa kiasi kikubwa kusafisha na kupanga serikali na uongozi wake. Ni kwa sababu hiyo ni lazima watu wajiandae kiakili kuwa katika kutimiza lengo hilo la kupanga na kusafisha serikali kuna watu watang’oka, kuna watu wataenda kwenye ajira binafsi na tusije kushangaa baadhi ya watu ni lazima wang’oke kama kweli tunataka kujipanga vizuri.
Magufuli hadi hivi sasa ameshatuma ujumbe kuwa hakuna mti mtakatifu; kila kisiki kitaangaliwa na kile kinachotakiwa kung’olewa kitang’olewa. Ni lazima Watanzania wote tumuunge mkono Rais katika juhudi hizi. Hadi hivi sasa bado watu hawajashtuka vya kutosha. Kama nilivyosema huko nyuma kuwa hii siyo siku ya jana; leo ni siku mpya na ambaye bado anadhani hii ni jana inabidi tumsaidie atambue kuwa hii ni siku mpya.
Magufuli atasafisha, atang’oa, atahamisha (vinavyostahili) lakini jambo moja la uhakika ni kuwa hakuna mahali ambapo hapataangaliwa kwa karibu. Kwa watu ambao tumefurahia kuingia kwa Magufuli jambo jingine ni lazima tuliseme kama tunataka tuwe wakweli. Magufuli hawezi kulima kama alivyolima mwingine; hapaswi kupanda alivyopanda mwingine; na hapaswi kusimamia shamba kama alivyofanya mwingine. Anaingia akiwa na malengo yake, vipaji vyake, mitazamo yake na malengo yake. Kama anataka kuona mazao ambayo ataweza kusema ni ya kwake kweli basi ni lazima awe tayari kutengeneza anavyotaka yeye na kuhakikisha anasimamia ili wengine wasimharibie.
Rais Kikwete kama kuna kitu watu walikuwa wanakisema ni kuwa “anaangushwa na wasaidizi wake”. Ilifika mahali watu walikuwa tayari kulaumu watu wengine wote isipokuwa Kikwete. Hadi siku ile John Mnyika wakati huo akiwa Mbunge wa Ubungo aliposimama bungeni na kusema kuwa taifa limefikishwa hapa kutokana udhaifu wa wengi lakini kubwa ni “udhaifu” wa Rais Kikwete. Kusema kweli Jeshi linasimama au kuanguka na Amiri Jeshi Mkuu wake! Huwezi kulaumu askari wa chini, brigedi moja au kushindwa kwa pigano moja hata kama mwisho wa siku Amiri Jeshi Mkuu haongozi jeshi vizuri wakati wa vita.
Hatutampa anasa hiyo Magufuli; hatutalaumu watendaji wake, hatutawasingizia watu wa chini; yeye ndiye atakayebeba lawama zote pale ambapo mambo yatatokea na yeye akachelewa kuchukua hatua au akaja na mtindo ule ule wa aliyemtangulia. Tutamnyoshea kidole na kusema kama ni udhaifu wake.
Lakini pia tutamuunga mkono na kumpongeza. Kama mavuno yatakuwa mazuri na ya kuridhisha kwani hata asafishe vipi, hata akate visiki vingi, hata achimbue wapi na wapi mwisho wa siku tutapima kwa matunda tu. Kuna faida gani kusafisha shamba, kupalilia, kufyeka, kukata miti, kuweka mbolea n.k kama mwisho wa siku mavuno yake yatakuwa mabaya?

- See more at: Raia Mwema - Kwa nini Magufuli hajaanza kufanya kazi?

 

[Horseshoe Arch]

Mimi ni mmoja kati ya wengi ambao hatukumpigia kura Rais Magufuli, sababu kubwa ni kwamba kwa style ya uongozi wa ndugu Kikwete CCM ilikuwa imechokwa kama jino bovu na niliwahi kwenda mbele zaidi kifikra nikafikiri kama aliweza kuendesha nchi kwa mfumo wake ule basi hata kama asingekuwepo kwa miaka yake kumi still nchi ingejiongoza yenyewe.

Kwamba aliibiwa kura ama aliingia kwa mizengwe ya aina gani siyo jambo la kujadili kwa sasa ila frankly ni mapema mno kutoa mawazo ya jumla kuhusu utendaji wa Mh. Rais ila jitihada alizochukua hadi sasa ametufumbua macho na wengine ambao tulikuwa tunashabikia hata yale ambayo hatukuwa tunayafahamu vyema.

 

[mizambwa]

Ulitaka nini kifanyike kwenye swala la Ujenzi holela ambacho mpaka sasa hivi hakijafanywa na Serikali? Kwa maana kubomolewa ni lazima nyumba zibomolewa hilo halina ubishi, lkn wewe ungeshuri kipi kifanyike labda badala ya kulalamika tu?

 

[General Mangi]

Mkuu umeadimikaa siku hizi?
Umekuwa kama MsemajiUkweli yani ni mipasho na ngonjera JF

 

[G Sam]

Labda nikuulize swali Mzee Mwanakijiji,
Kwani Magufuli amefanya nini?
Kukusanya mapato ni kazi ya kila siku! Hata Kikwete alijivunia kutoa mapato kutoka bilioni 177 hadi bilioni 970 na wafuasi wake walimpongeza kweli huku wakimponda Mkapa! Huyu JK aliongoza mapato mara 7 zaidi! Magufuli naye ameongeza na watu harakaharaka wameanza kufanya yaleyale waliyofanya kwa Kikwete!

Nikuulize mleta mada; Magufuli kafanya nini?

Nyie wakati Kikwete alipokuwa "rais fresh" kisha akasuluhisha mgogoro wa Kenya, akateuliwa mwenyekiti wa AU akawika kimataifa si mlimsifia usiku na mchana? Leo ni kama mmebadili mlo kutoka wa mchana kwenda wa usiku ndani ya nyumba ileile!

Mimi naanza na sipepesi juu ya hili nampinga kwakusema kuwa; Sera yake ya bomoa bomoa ina makosa mengi kiufundi! Pia kama siyo utapeli Mbona hakuinadi ili watu wamchague huku wakijua kuwa tutapambana na bomoa bomoa? Kama alivyoinadi sera ya mahakama ya ufisadi?

Nikuulize tena kwa mara ya tatu; Magufuli kafanya nini?

 

[HAMY-D]

Nilikuwa tayari kuona Tanzania inaoongozwa na Rungwe lakini sio kumuona fisadi Lowassa anachukua nchi. Kila maamuzi ambayo rais Dkt Magufuli anafanya yapo kwenye Ilani ya CCM...Kama chuki ya hao Nyumbu ipo, basi waichukie CCM ambayo imemtuma rais Magufuli atekeleze Ilani yake. Na hiyo inajumuisha ishu ya bomoa bomoa pia. Kurasa mbili zimeongelea hili suala na rais analitekeleza kwa ufasaha kabisa.