Sababu zipo, nyingi lakini hizi ni chache;
Mpaka sasa Ukraine amepewa msaada wa dola za kimarekani Bilioni 74 ambazo ni zaidi ya Trilioni 150 za kitanzania, ambazo zilitumika kununua silaha za kisasa kabisa kutoka NATO. Msaada huo wa kijeshi haujazaa matunda yoyote baada ya Counter-Offensive ya Ukraine kugeuka kuwa Meat-Grinder na kusababisha hasara kubwa mno kwa vikosi vya Ukraine. Inadaiwa kwamba wanajeshi zaidi ya laki tatu wa Ukraine wamefariki tokea mwaka 2022. Mtu yoyote anayefikiri vizuri hili lazima limuogopeshe.
Mbali na hapo, Prof John Mearsheimer anasema moja ya sababu kubwa ya Ukraine kufanya vizuri siku za mwanzo ni kutokana na msaada mkubwa kutoka vikosi vya kijeshi vya NATO na mashirika ya Ujasusi ya THE FIVE EYES OF INTELLIGENCE. Imezidi kufahamika kwamba SAS, NAVY SEALS, CIA, MI6 na BND wanafanya kazi na vikosi vya Ukraine kwa karibu, kwa kutoa mafunzo na kuongoza oparesheni zake. Mkuu wa Ujasusi wa Ukraine, Kirill Budanov amepata mafunzo ya CIA tokea mwaka 2014. Kinachoshangaza, mbali na msuli mkubwa wa NATO na G7, bado mpaka kufika sasa hawajaizuia Urusi kusonga mbele, japo kwa taratibu sana.
Vikwazo zaidi ya 15000 vya G7, EU na NATO kwa nchi moja, ambayo uchumi wake ni asilimia 4% tu ya uchumi wa dunia (Global GDP), vimegeuka kuwa baraka kwa Urusi. Jana nilikuwa namsoma mchumi nguli, Prof James K. Galbraith wa taasisi ya NEW ECONOMIC THINKING ambapo aliandika chapisho lake linalosema "The Gift of Sanctions: An Analysis of Assessments of the Russian Economy 2022-2023", ambapo anaandika kwamba vikwazo vimeubeba sana uchumi wa Urusi kuliko kuumiza. Akataja sababu kwamba vikwazo vimeifanya Urusi iwe nchi ya kujitegemea (An Autarky) ambapo Warusi wamenufaika na biashara za mashirika ya Magharibi yalioondoka tangu vita ianze.
Mwaka 2013, takwimu za IMF na WB zilisema kwamba uchumi wa Urusi (GDP) ungeanguka kwa asilimia 12% ndani ya muda mfupi, lakini baadaye wakabadilisha takwimu na kusema umeanguka kwa asilimia 3% tu kutokana na vikwazo. Upande mwingine wametoa takwimu nyingine za makadirio ambazo zinasema uchumi wa Urusi unafanya vizuri na utakuwa kwa asilimia 3.5% ndani ya mwaka 2024. Huku ikifahamika kwamba uchumi wa Urusi unachuana na wa Ujerumani kwenye Purchasing Power Parity (PPP).
Mtu akifuatilia haya ni lazima ufahamu kwamba Ukraine is a lost cause.