Sitta: Nafaa kuwa Rais wa Tanzania!

[Super Sub Steve]

Sitta kajipoteza kiulaini Kama kweli una nia na Urais naona hesabu zake zimeenda vibaya.Naanza kuamini kuwa EL kajipanga.Membe anategemea kubebwa.Wait and see

 

[Replies]

Nyambaffffffffff.
Hizo ni ndoto zenu wajinga msiojitambua!
Lowassa ni marehemu mtarajiwa na kisiasa tumeshamzika.
Raisi wako ajaye ni BENARD MEMBE na waziri mkuu ni SAMWEL SITA. If you don't like it!!!!!
Start parking your bags

Kwa hili likitokea nahamia nchi jirani kukwepa aibu hii

 

[Kakke]

MWENENDO wa Mwenyekiti wa Bunge Maalumu la Katiba, Samuel Sitta, umeanza kutiliwa shaka huku baadhi ya wajumbe wenzake wakidai anateswa na dhambi ya unafiki.

Sitta, ambaye aliongoza Bunge la Tisa la Jamhuri ya Muungano kwa uwezo mkubwa chini ya falsafa yake ya viwango na kasi, alichaguliwa kwa kura nyingi kuongoza Bunge la Katiba akiahidi kuendeleza falsafa hiyo.

Hata hivyo Sitta ameanza kushindwa kuitekeleza ahadi hiyo baada ya kuruhusu kufinyangwa kwa kanuni za Bunge pamoja na kufanya uteuzi wa wajumbe wa kamati ya uongozi akiwapendelea wajumbe kutoka CCM.

Tanzania Daima Jumapili limedokezwa kuwa kuyumba huko kwa Sitta kunachangiwa na ndoto zake za kutaka kuwania urais mwaka 2015, hivyo anatafuta kuungwa mkono na CCM.

Sitta anatafuta kuungwa mkono na CCM kwakuwa chama hicho mwaka 2010 mara baada ya kumalizika kwa Uchaguzi Mkuu kilimtosa kuwania uspika kwa madai ni zamu ya mwanamke.

Miongoni mwa sababu zilizokuwa zikitajwa chinichini ni kuwa kiongozi huyo wakati akiwa spika aliruhusu mijadala iliyozusha makundi ndani ya chama na serikali.

Katika utawala wake Sitta, aliunda Kamati Teule ya Bunge kuchunguza zabuni iliyoipa ushindi wa kuleta mitambo ya kuzalisha umeme wa dharura Kampuni ya Richmond, iliyokuwa ikilipwa sh milioni 152 kwa siku.

Kamati teule hiyo iliyokuwa chini ya Dk. Harrison Mwakyembe, ilitoa ripoti iliyobaini kulikuwa na utata katika kuipa ushindi zabuni ya Richmond, waliodai ni ‘hewa' na yenye mkono wa ‘bwana mkubwa'.

Kashafa hiyo ilimfanya aliyekuwa Waziri Mkuu, Edward Lowassa, kujiuzulu baada ya kuguswa na kashfa hiyo.

Hata hivyo mchakato huo ulifungwa na Sitta, katika mazingira ya aliyekuwa Mbunge wa Igunga, Rostam Aziz (CCM), aliyeguswa pia na kashfa hiyo akitaka iundwe tume huru ya majaji watatu kuchunguza sakata hilo.

Tangu hapo Sitta, amekuwa kwenye uahasama mkubwa na makada wenzake pamoja na chama ambacho kinaamini utawala wake ndio uliozalisha wapinzani wengi bungeni hivi sasa.

Kutokana na dhana hiyo, Sitta hivi sasa amekuwa akifanya mambo yanayoonekana kutafuta huruma ya chama chake ambapo pia nusuru kisimpe ridhaa ya kuwa Mwenyekiti wa Bunge Maalumu, nafasi iliyokuwa ikitajwa kukaliwa na Andrew Chenge.
Miongoni mwa mambo anayoshutumiwa kuyafanya Sitta ni kuwakemea wenzake kwa ufisadi wanaoufanya wanapotoa fedha kwenye harambee na shughuli za kijamii ilhali naye amekuwa akipita makanisani kuomba huruma ya wananchi.

Sitta pia analaumiwa kwa kuruhusu uvunjwaji wa kanuni za kuliongoza Bunge kwa kuruhusu Mwenyekiti wa Tume ya Mabadiliko ya Katiba awasilishe rasimu ya katiba kabla ya Rais Jakaya Kikwete.

Inadaiwa alifanya hivyo ili kumtengenezea mazingira Rais Kikwete, kujibu mapendekezo yaliyokuwamo kwenye Rasimu ya Katiba ili kuipa ahueni CCM inayopinga mfumo wa serikali tatu uliopendekezwa kwenye rasimu.

Sitta pia anadaiwa kufanya uteuzi wa wajumbe watatu kati ya watano kuingia katika kamati ya uongozi ambayo inaongozwa na wenyeviti 12 kutoka CCM.
Miongoni mwa walioteuliwa kwenye kamati hiyo ni Profesa Ibrahim Lipumba, ambaye alikataa uteuzi huo huku akimlaumu Sitta kwa kufanya uteuzi unaoangalia zaidi masilahi ya chama chake kuliko taifa.

Baadhi ya wajumbe hususan wapinzani wanadai Sitta anayumbishwa na Chama chake Cha Mapinduzi (CCM), hivyo kufikia hatua ya kuzivunja kanuni za Bunge na kuibua mivutano.

Udhaifu wa Sitta

Baadhi ya wajumbe wa upinzani wanasema tabia ya kutokuwa na msimamo aliyoanza kuionyesha Sitta hivi sasa kwa kufuata matakwa ya chama chake bila kujali uzito wa hoja husika kumemvunjia heshima.

Hoja yao ni kuwa falsafa ya ‘Kasi na Viwango' aliyoitangaza ameshindwa kuionyesha katika Bunge Maalumu kiasi cha kuyumbisha mchakato wa mijadala bungeni.

Pia ndani ya CCM, Sitta anatazamika kwa sura mbili. Mosi, washindani wake kisiasa wanadai anaongoza Bunge hilo kwa kuwasikiliza zaidi wapinzani ili kujijengea uhalali wa kugombea urais 2015.

Kundi la wafuasi wake, lenyewe linaona kama Sitta yuko imara kusimamia mchakato wa Katiba isipokuwa anakwazwa na mahasimu wake ndani ya chama wanaomuundia zengwe aonekane dhaifu.

Kangi Lugola (CCM), alikuwa wa kwanza kumtahadharisha Sitta kuhusiana na uongozi wake, akisema nafasi yake ni sawa na Jaji wa Mahakama Kuu aliyepelekewa mtuhumiwa wa mauaji amhukumu.

"Sitta ndiye amepewa jukumu la kuhakikisha anasimamia mchakato huu ili wananchi wapate Katiba mpya na nzuri, kushindwa kufanya hivyo wananchi wataondoa imani kwake na chama," alisema Lugola ambaye pia ni Mbunge wa Mwibara.

Lugola aliongeza kwamba licha ya CCM kuwa na wajumbe wengi katika Bunge hilo lakini Sitta alichaguliwa kwa kuaminiwa kutokana na utashi wake wa kisiasa, hivyo anapaswa kutumia busara.

Naye Godbless Lema (CHADEMA) alimtaka Sitta kuwa makini na kila iana ya ushauri anaopewa na wenzake ndani ya CCM, kwamba mwingine una lengo la kumchafulia rekodi yake.

Lema ambaye pia ni Mbunge wa Arusha Mjini, alisema kuwa wabaya wa Sitta wamekuwa wakijidai kumshauri hata mambo ambayo baadaye yanaleta matatizo kwa lengo la kutaka kuonyesha kuwa alishindwa kusimamia mchakato wa kuandika katiba.

"Wako wabaya wako wanataka mchakato huo usifanikiwe ili ionekane ulishindwa kusimamia wananchi wapate katiba, hivyo waseme haufai hata kugombea urais," alisema Lema bungeni.

Naye John Shibuda, anasema Sitta anatafunwa na dhambi ya unafiki wake ambao hauwezi kumfikisha katika anachokifikiria.

Shibuda alisema Sitta amejikuta wakati mwingine akifanya uamuzi wa kuibeba CCM ili kujinafikisha aonekane ni kada mwaminifu na wakati huo huo anataka kujijengea ushujaa ili katiba mpya ipatikane, atumie turufu hiyo kujipigia debe la urais 2015.

Wiki iliyopita Katibu Mkuu wa CHADEMA, Dk. Willibrod Slaa, alisema Sitta ni dhaifu na ndiyo maana anashindwa kuongoza Bunge Maalumu la Katiba kwa sababu ya kuegemea zaidi kwenye chama chake.

Dk. Slaa alisema uongozi wa Sitta bungeni utasababisha mivurugano mikubwa na kutoelewana baina ya wajumbe waliopewa jukumu la kuandika Katiba inayopendekezwa, ambayo itakwenda kupigiwa kura ya maoni na wananchi.

Sitta amekuwa akilalamikiwa na baadhi ya wajumbe tangu siku ya kwanza alipokalia kiti hicho kuwa anavunja kanuni alizotamba kuzisimamia kwa kasi na viwango.

Source: Tanzania daima

 

[Lyimo]

Kiti hiki kilikuwa mtego, ilikuwa vigumu kuendesha bunge hili kwa haki kwani ni wazi CCM walikuwa wameshapanga mikakati ya kulihujumu. Sasa hata wale wananchi wachache waliokuwa wakimtumainia Mh. Sitta, nao wengi wameshapoteza imani naye. Hapa wanaowania ticket ya Urais 2015 upitia CCM watakuwa wanasendelea kushinikiza kupandikiza vituko huko kwenye caucus yao vitakavyozidi kumuumbua Mh. Sitta ili azidi kujimaliza kabisa.

 

[Mr Rugwe]

Cpend na ctaki kabisa jambo hili nyeti ya maisha,ya watanzania kuingizwa hekaya,na matashi ya mtu au kikundi cha watu.
Nawasiii sana,wajumbe hli tekelezen maoni ya,wananchi na ondooeni itikadi zenu za aina yeyote ile

Mh sitta jamii ya,watanzania yote iko kwako sasa uckubal kuwa chambo cha kikund cha watu wachache ukawapoteza walio wengi

 

[mmaranguoriginal.]

ndio viwango na spidi alivyosema au hamkuelewa

 

[Mr Rugwe]

ndio viwango na spidi alivyosema au hamkuelewa

Speed na viwango vya namna hii cy tunavyovihitaji cc wananchi.
Tunahtajia speed yenye ueledi wa maoni ya wananchi na viwango vya ufanisi bora wa katiba ya watanzania wote na cy katiba ya wanachama au wanakikund fulani

 

[mjepo]

Hili gazeti lavituko kweli wanakaa ofisini na kutunga story mzee wa viwango hana hilo wazo.

 

[Makiri Unguluma]

Waliokuwa wanashindana naye kwa sasa wanachekelea maana alipoonyeshwa pesa na umaarufu akaingia mzima mzima, jamaa sasa wanacheka maana hawezi tena kutoa ushindani wa maana kwenye mbio za urais. Maisha yanahitaji umakini mkubwa sana, wamebakia wajanja wanaojua kuucheza mchezo

 

[sifongo]

Mimi nasema hicho kiti alichokalia Sitta hakihitaji SPEED NA VIWANGO bali kinahitaji BUSARA NA UTAIFA.

 

[gogologomonagongio]

Nilimshangaa alipogombea huyu mzee.Ni kama ameingiza mwenyewe kichwa kwenye mzinga wa nyuki.

 

[fakii Gireshi]

Mzee Sitta ambae kwa Upande wa mama yake ni Mjukuu wa Mtemi fundikira.ambae Mtemi huyu aliempatia Jimbo la Urambo Mashariki mwaka 1975 Mtemi huyu hakuishia hapo alienda mbali kumuombe kwa Ml.Nyerere apewe Wizara kwa Utambulisho wa kutoka katika koo ya kichief na Ml Nyerere bila kuchelea akampatia wizara ndogo ya Miundombinu na baada wizara ya sheria alipata kuliongoza jimbo hilo mpaka 1995 aliposhindwa na mgombea wa NCCR MAGEUZI na kurudi tena bungeni mwaka 2005 kwa msaada mkubwa wa ROSTAM AZIZ ambae alimwaga hela kama njugu ili Mzee Sitta awe Mbunge na tokea kipindi hicho yaenda sasa miaka 10 mingine kutimiza miaka 30 ya utawala wa kifalme katika jimbo hilo.na sasa yuko na mpango mkakati wa kuutaka urais wa Tanzania huku Jimbo la Urambo akitaka kumkabidhi Mke wake Magret Sitta kurithi kiti hicho.Jimbo hilo pamoja na kuongozwa na Nguli wa kisiasa Tanzania ni jimbo Maskini kuliko jimbo jipya ambalo ni zao la wilaya hiyo ambalo ni Kaliua.mwanasiasa huyu amekuwa ni mtu katika halmshauri ya urambo kama Mfalme.kwanini nimeleta thread hii ya mzee sitta.moja amekuwa muasi ndani ya familia yake kwa waliomshika mkono ambao ni ukoo wa chief Fundikira kiasi kwamba toka alipoondoka kwenye Mazishi yake 2007 akiwa na j.kikwete hajawahi kukanyaga tena mpaka ukoo huo ulipoamua kumualika Lowassa katika kazi zao za Kichief.alimgeuka Rostam aliemsaidia kuupata ubunge wake lakini pia amekuwa hana msaada woote katika jimbo lake kiasi kwamba jombo hilo halina barabara ya lami hata moja, Hospitali na zahanati ni mbaya sana katika Maji ndio tatizo kubwa ambalo mpaka sasa halijapatiwa ufumbuzi pamoja na kukaa madarakani kwa muda mreefu.nitaendelea kujadili ngoja niweke simu chaji

 

[kenwood]

Huyu 6ni mnafiki haswa, urais atausikia kwenye radio

 

[Gloria]

Road to urais ya Sitta ipo hivi; kulichelewesha/ahirisha bunge la katibu kwa kadiri ya uwezo wake mpaka term ya urais ya Kikwete itakapo kwisha. Baada ya hapo "bunge la katiba" litapokea na ku assume madaraka ya rais mpaka zoezi la katiba mpya litakapo kamilika na yeye Sitta atakuwa "Rais" wa mpito.

Ni kwa bahati mbaya sana hata wapinzani wameingia mkenge kwenye hili na wapo pamoja na Sitta kwa ahadi ya kuwa na katiba bora yenye mazingira "rafiki" kwa chama chochote kushika madaraka.

Food for thought; Sitta alipoambiwa hawezi kuwa Mwenyekiti wa Bunge kwa kuwa yeye ni mhimili wa utawala alikuwa alisema ikibidi yupo tayari kujiuzulu uwaziri muradi awe Spika wa Bunge la katiba! kuna nini kwenye Uspika wa miezi miwili?

 

[notradamme]

kwa hili likitokea nahamia nchi jirani kukwepa aibu hii

then start packing your bags

 

[law27]

msisumbuke kuwa nani atakuwa rais kwani tayari yupo.
sisi ni ksubiri kupiga
kura za ndio au hapana.NDIO+HAPANA=RAISI WA JAMHURI YA MUUNGANO 2015.Kwani kukataa+kukubali sio zambi.kilichopo tujue hili kuwa(YEYOTE ASIYEPIGA KURA NI FISADI KULIKO FISADI ALIYOPO MADARAKANI)

 

[msambaru]

Katika hali ya msuguano unaoendelea chini kwa chini ndani ya chama chakavu CCM, mbinu iliyotumika kumuengua mzee Sitta kugombea uspika kutumika kuwa mgombea urais awamu ya 5 awe mwanamke.

Je Membe, Wassira, January, Lowassa na Sitta watasubiri nafasi za kuteuliwa au watakuja kupitia CCJ? Et Migiro ndio anatajwa.

E8eee Mungu wapige na upofu wa kufanya maamuzi hayo ili kurahisisha chama teule toka mbinguni kushika dola.

 

[Kishimbe wa Kishimbe]

Kweli?

 

[Kishimbe wa Kishimbe]

Katika hali ya msuguano unaoendelea chini kwa chini ndani ya chama chakavu ccm, mbinu iliyotumika kumuengua mzee sita kugombea uspika kutumika. kua mgombea urais awamu ya 5 awe mwanamke, je membe, wasira, january, lowasa na sita watasubiri nafasi za kuteuliwa au watakuja kupitia ccj? et migiro ndo anatajwa, eee Mungu wapige na upofu wa kufanya maamuzi hayo ili kurahisisha chama teule toka mbinguni kushika dola.

Hebu 'WAJARIBU!'

 

[mangikule]

Katika hali ya msuguano unaoendelea chini kwa chini ndani ya chama chakavu ccm, mbinu iliyotumika kumuengua mzee sita kugombea uspika kutumika. kua mgombea urais awamu ya 5 awe mwanamke, je membe, wasira, january, lowasa na sita watasubiri nafasi za kuteuliwa au watakuja kupitia ccj? et migiro ndo anatajwa, eee Mungu wapige na upofu wa kufanya maamuzi hayo ili kurahisisha chama teule toka mbinguni kushika dola.

Hadi raha!! haya majambazi yatahangaika, yatoroga, yatajambajamba sana lakini 2015 ni mwaka wa UKOMBOZI mwaka Bwana alioutangaza wa ukombozi kwa WATZ!! UKAWA mbele kwa mbele!!