Sehemu ya (05),
WhatsApp 0755577488.
ILIPOISHIA.
Sisi hatukuamini kabisa kama ni kweli maana hata
kumbukumbu ya ndoto ilianza kujirudia vichwani
mwetu.
Tulianza kujadiliana sisi kwa sisi kuwa hatutaudhulia
katika mchezo huo, tena tulipanga hata siku hiyo ya
Ijumaa tusiende shule kwasababu tuliogopa
tuliamini kabisa kuwa ndoto ile huwenda ikatimia
kwasababu hatukuwahi kuota ndoto ya
kufanana..........
SONGA NAYO.
Basi tuliendelea kukaa mpaka siku hiyo ya Ijumaa,
lakini cha kushangaza tulipata hamasa ya kwenda
shule, na tulisoma vizuri kabisa. ulipofika wakati wa
kwenda msikitini hatukwenda kabisa, hatukwenda
msikitini, na hiyo ndiyo ilikuwa mala yetu ya kwanza
kutoenda msikitini siku ya Ijumaa. Kilichokuwa
vichwani mwetu tulikuwa tunawaza muda wa
michezo ufike twenda kushangilia, ndani ya muda
mfupi tulijikuta tunasahau kabisa ndoto ambayo
tuliiota wiki iliyopita siku ya alhamisi.
Hatimaye wakati wa michezo ulifika siku hiyo ya
ijumaa, wanafunzi wote tulikusanyika kwenye uwanja
wa michezo. Saa nane na nusu mpila ulianza
kuchezwa lakini mpila ulipoanza tu hivi mapigo yetu
ya moyo yakaenda mbio, wasiwasi ukazidi
kututawala, tukajishauri tuondoke, maana sasa
tunakoelekea ni kutukuta kilichotukuta kwenye
ndoto. Bado tukiwa tunaangalina na kushauliana
mala wanafunzi wa upande wetu walishangilia, kwa
maana hiyo timu yetu ya shule ilikuwa ishapata gori.
Aaaa! Nasi tukajiunga kushangalia tukasahau kabisa
kuwa lazima ile ndoto ilikuwa na maana yake, basi
tulipomaliza kushangalia tulitulia mpila ukaendelea
lakini dakika mbili tu, kilitokea kimbuka kama kile
kile cha kwenye ndoto, hapo sasa ndipo tulishikwa
Bumbuwazi.
"Tuondoke haraka lazima ni lazima"
Tulijikuta tunasema, lakini tulipogeuka nyuma
ulizuka tena upepo mkari kutokea nyuma yetu,
upepo huo ulichanganyikana na vumbi zito,
tukageuka tena upande wa uwanjani napo hatukuona
kitu vumbi ndilo lilikuwa limeisha tawala sehemu
yote. Hatukua na ujanja tulijisemea tu ngoja litimie
ambalo lilikuwa linakusudiwa kwenye ile ndoto.
Lakini sasa hali ile hatukuweza kuivumilia, tulianza
kukimbia hovyo huku tumeshikana mikono, harafu
sasa cha ajabu tulikuwa hatugongani na Mwanafunzi
yeyote, ilikuwa kama tupo njiani peke yetu.
Tulikimbilia tusikokujua ghafra tuliona pango Dogo
kwenye lile vumbi tukatamani kuingia humo kungoja
upepo utulie ndiyo tuchukue hatua nyingine.
Tukiwa mule ndani ya pango hilo dogo tulisikia
kelele nyingi azieleweki watu si watu mbwa si
mbwa tena Kama vile zinatufuata. Tuliamua kutoka
tukimbie lakini atukuweza. Badala yake lile pango
lilikua kubwa, pana halafu ndani ikawa Kama kuna
vitu vya kung'aa.
Tuliogopa sana ila atukujua tutokee wapi. Tukiwa
wenye hofu, ghafra walitokea watu wawili wazee;
Mwanamke na mwanamume wakatwambia
"Karibuni katika makao yenu mapya".
"Makao yetu mapya!? Tuliuliza Kwa mshangao sana,
swali letu halikujibiwa. Badala yake wale wazee
walipotea.
Baada ya wazee wale kupotea hatukujua ni nini
kiliendelea Bali nasi tulijikuta humu humu ndani ya
Jumba la A place with no name. Hatukuwahi kutoka
inje ya jumba hili na tunaishi kama kawaida, kama
ndiyo Dunia nyingine basi tushafika inatubidi
kukubali. kwanza toka tufike hapa hatukuwahi
kuuona mlango wa kutokea inje ya Jumba hili, lakini
Tunashukuru kwakuwa kila kitu tunapata"
Raulati alizungumza hivyo. Kisa chao kweli hata
Mimi kilinishangaza sana, lakini sikukiamini kabisa.
Nilijiuliza kirahisi tu hivyo, haiwezekani kimbunga
kivume harafu kiwapoteze watu kwa njia kama ya
kwao, japo kuwa kweli walianza kwa kuota ndoto
kama Mimi nilivoota ndoto, lakini ndoto yangu
ilikuwa kama ukweli kwasababu sikupewa nafasi ya
kuitafakari nikiwa nyumbani, Bali nilijikuta nimo
ndani ya Jengo lile la ajabu.
"Jumanne bado utuamini sisi?"
Jamila aliniuliza.
"Nawamini"
Niliwajibu kwa upole.
"Basi amka ukaoge na kupiga mswaki kama
uogopi"
Jamila alinambia tena, nilikuwa nashindwa hata
kusimama, lakini nilishangaa tu Raulati anasimama
na kunishika mkono huku akiniangalia usoni. Macho
yangu na yake yalikuwa yamepishana kama futi
moja tu, hakika yule Binti alikuwa Mzuri kabisa
alikuwa mzuri. Macho yangu yenyewe yalijikuta
yanamuogopa hata kumwangalia kwa Aibu.
"Twende ukaoge, siku tatu ujaoga tangu ufike hapa"
Raulati alisema.
Sikuwa na ujanja baada ya kushikwa na Binti yule
nilijikuta nasimama mwenyewe kisha wakaniongoza
njia ya kuelekea bafu lilipo.
Walinionesha halafu Mimi nikaingia bafuni kuoga,
kiunoni bado nilikuwa na tauro langu. Bafuni nilipo
ingia nilikuta bafu ni lingine kabisa tofauti na la
mwanzo. Palikuwa ni pasafi tu wala hakukuwa na
vitu kama nilivyovikuta mwanzo. Bafuni kulikuwa na
kila kitu kizuri unachokijua katika vyumba hivyo,
muonekano wake ulikuwa wa Kibillionare, kwakweli
mazingira ya mule yalipendeza sana, chumba kile
kilikuwa ni kikubwa tu na kilikuwa kimejitosheleza
kila kitu, kama ni maisha yalikuwa ni maisha
yanayoitajika kabisa, Bafu lile nashindwa hata
kulielezea labda kwasababu mazingira yangu
niliyokuwa nimeyazoea hayakukaribia kabisa.
Nilioga nikamaliza nikajifuta vizuri na taulo lingine
kabisa ambalo lilikuwa ndani ya Bafu lile
nimendaliwa, baada ya kumaliza nililivaa koti
ambalo Jamila alinipa kwa ajili ya kulivaa baada ya
kuoga. Taulo la gunia niliacha huko huko.
Nilitokea bafuni mule nikawakuta mabinti wale wote
wamesimama huku wakiniangalia kwa matamanio
kweli, Tabasamu ndilo lilikuwa limetawala ndani ya
nyuso zao.
"Tunakupenda Jumanne wetu"
Sauti nzuri ya mahaba iliwatoka mabinti wale. Kwa
Jinsi nilivyokuwa na mashaka Juu yao sikutaka
kabisa kuwajibu ila niliwaoneshea Tabasamu tu
basi.
"Chumba chako unakikumbuka?"
Jamila aliniuliza.
"Hapana"
"Kile pale nenda kila kitu kipo safi"
Nilioneshwa baada ya kukataa kuwa sikikumbuki.
Nilisogea kwenye Chumba nilichooneshwa,
nikaushika mlango na kuufungua, nilisitaajabu sana
baada ya kukuta chumba si kile cha hawali na
kilipendeza sana kile Chumba hakiamungu
nilipendezwa sana na maadhari ya Chumba kile,
nilijikuta natamani kuingia haraka. Lakini Kabla
sijaingia ndani niligeuka Nyuma na kuangalia kama
Raulati na Jamila wananiangalia, lakini sikuwaona
pale walipokuwa wamesimama, kidogo wasiwasi
ulianza kuniingia tena. Basi niliingia ndani ya
Chumba hicho, nilipoingia kabisa ndani nilikuta nguo
safi zimekunjwa vizuri ziko juu ya kitanda,
nilizichukua na kuzivaa. zilikuwa ni nguo za kawaida
tu lakini zilinipendeza sana.
Baada ya kumaliza kuvaa nguo zile nilishitukia
mlango unagongwa, Sauti ilikuwa ya wale Mabinti
ikiliita jina langu.
"Hawa wamejuaje kama nimeisha maliza kuvaa"
Nilijisemea mwenyewe, maana wale mabint Mimi
nilikuwa siwaamini kabisa, nilijua wale ni majini tu,
kwa mazingira yale kwakweli Mimi walinitisha sana,
Fikra zangu zoote ziliamini kuwa lazima watakuwa
ni majini tu, lazima. Kwasababu hata mazingira Yale
sikuyaona kama ni ya kawaida, halafu kipindi hicho
nilikuwa nishasoma hadithi nyingi kuusu maisha ya
majini kutoka kwa watunzi tofauti kama akina
Mavugo, Rais wa Iramba zilizokuwa zinahusu majini
majini, hadithi zote zilionesha kuwa maisha ya
majini huwa yapo vizuri na ya kifahari, uthamani wa
Vitu vyao huwa mala nyingi vya dhahabu tu. Kingine
kilichonitisha ni ndoto nilio iota, kwani ndoto ile
nilikuwa kwenye ziwa Ngozi, ziwa ambalo historia
yake huwa inaogopesha, kwahio moja kwa moja
mabinti wale Mimi sikuwaamini kabisa lazima
walikuwa ni majini. Hilo tu ndilo lilikuwa wazo langu
kuu Juu yao, hata kisa chao walichonisimulia
niliamini si cha kweli Bali cha kutunga tu kama
hadithi zingine ambazo nilikuwa nishazisoma.
Nilitoka Chumbani mule kwa unyonge sana.
"Jumanne mbona ujiamini wewe.........Ebu jiamini
basi utaishi je kwa mashaka muda wote huu,
mbona sisi tushazoea wala hatuwazi kiasi hicho"
Mabinti wale walisema. Kweli walijitahidi sana kwa
nguvu zao kunishawishi lakini kwangu walikuwa
hawana mafanikio kabisa.
Nilitoka nao tukarudi sehemu ya kukaa tukaendelea
kuongea mambo mengine. Nilijaribu hata
kuwadadisi walizaliwa mwaka gani wakanambia
kuwa wao walizaliwa mwaka 1990 inamaana kwa
muda huo walikuwa na umri wa miaka kumi na
saba tu, walikuwa ni mabinti wabichi hasa.
Tukiwa tushaongea mengi mwisho nilianza kuhisi
njaa, nilipoiangalia saa nilikuta ni kama saa nane na
nusu, basi nikajikuta nasema kuwa"Nahisi njaa"
Ndivyo nilivyosema tu hivyo wale Mabinti wote
walisimama na kunifuata kisha wakanisogelea na
kunishika kwa pamoja.
"Jumanne mpenzi wetu twende tukale"
"Mh!"
Niliguna tu, nilishindwa hata kuuliza maana sikujua
chakula hicho kiliandaliwa muda gani. Nami
nilinyanyuka nilipokuwa nimekaa nikaongozana nao.
Jumba lile lilikuwa limekamilia na Dyaning
ilikuwepo, huwezi amini nilipofika Dyning sikuamini
kabisa sijui walikuwa wanatembea na mawazo
yangu, nilikuta mezani kuna ugari na hotpot ya
nyama ya kuku tena alikuwa kuku mzima kabisaa
aliyekuwa kakatwakatwa vipandevipande kama
tulivyozoea, kabisa sikumbuki kama kulikuwa na
kipande kilichokuwa kimesalia katika yule mnyama
tena alikuwa Jogoo ambaye kwa kipimo alikuwa na
kilo zaidi ya tano.
"Jumanne utapasuka ukicheza na maisha ya huku,
yani huku ni television tu ndiyo hatuna, lakini vingine
vyote Burudani sana"
Wale mabinti walisema.
"Kwa maana hiyo hata Disko lipo?"
Nilijikuta nauliza swali hilo.
"Subili kama unalitaka wewe mwenyewe utafurahi tu,
lakini mpaka ukubali kuwa mpenzi wetu, ndiyo
vingine ivijue"
Nilijibiwa hivyo, Nilijikuta nacheka kwanza kwenye
ile meza ya chakula.
Tulizungumza vingi sana pindi tunakula, nao
walipata fursa ya kuniuliza jinsi nilivyifika pale, ni
nini kilinikuta Mpaka kufika pale? Bila kusita
niliwasimulia. Mchana wa siku hiyo uliisha kwa
kuongea tu na mabinti wale.
Baada ya stori zote za mchana hatimaye usiku
uliingia tukala tena chakula cha nguvu, wakati huu
tulikula wali na maharage pamoja na mboga za
majani. Baada ya zoezi la kula usiku kuisha,
niliagana na Mabinti wale nikaelekea chumbani
kwangu, nao pia wakaelekea Chumbani kwao.
Chumba cha mabinti wale sikujua kilikuwa upende
upi katika Jumba lile ambalo nilikuwa siijui hata
ramani yake.
Baada ya kuingia Chumbani nilikaa tu kitandani
huku nikuwaza. Nilijiuliza maswali mengi sana, vipi
nilifika pale, nilifanya kosa gani mpaka kufika pale?
Jumba hilo liko wapi Duniani hapa?"
Madirisha ya Jumba lile yalikuwa juu kabisa, yani
huwezo wa kulifikia ili kuchungulia inje ilikuwa si
rahisi kuyafikia na kuchungulia. Japokuwa ilikuwa ni
siku ya nne ndani ya Jumba lile, lakini niliona Kama
ndio siku ya kwanza kwangu, kwani siku tatu
nilizitumia kwenye usingizi mzito wa bila
kujitambua. niliwaza mengi sana, hata mabinti wale
nao nilianza kuwajaji mwenyewe, Yaani Jamila na
Raulati ambao walikuwa na mvuto wa ajabu, katika
kutafakari sana kuusu mabinti hawo, kidogo
niilijikuta nikifarijika moyoni. Nilijiona Kama vile
kwenye Jumba lile panaweza kuwa pahara sahihi
kabisa kwani nitaishi dunia ya peke yangu iliyojaa
furaha ya mapenzi kutoka Kwa mapacha wawili
wenye mvuto wa pekee. Mvuto wa wale watoto
wakike kwakweli sikuwahi kuona mwanamke wa
kuwafananisha nao toka kuzaliwa kwangu. Baada ya
kutafakari mambo mengi, sikujua usingizi ulinipitia
vipi ila nilishituka baada ya kusikia nagongewa
mlango. Tena mgongaji alikuwa akigonga kwa
nguvu sana.
"Nani anayegonga hivyo mlango wakati Mimi
nimelala"
Nilisema Kwa sauti ya uchovu.
"AMKA HARAKA HATUNA MUDA WA KUPOTEZA."
Ilisikiska sauti nzito ya mwanaume ikisema, sauti
hiyo ilitokea mlangoni, kwamaan hiyo kulikuwa na
Mwanaume ndiye kasimama mlangoni. Sauti hiyo
ilinifanya niogope na kujawa na wasiwasi mwingi.
"FANYA HARAKA TUONDOKE"
Bado nikiwa hata sijafikilia cha kufanya sauti ile
ilisikika tena ikisema. .........................
