isajorsergio
Platinum Member
- Apr 22, 2018
- 4,125
- 6,250
Taifa katika kuhakikisha tunazipiga hatua na kusonga mbele kwa maendeleo ya sasa na vizazi vijavyo hatuna budi kuhakikisha tunawekeza nguvu katika sera safi na bora, elimu yenye kiwango na teknolojia. Taifa ni lazima lijikite katika kujenga misingi imara na mfumo dhabiti kuzunguka raia na wananchi wake.
Misingi imara kwa taifa itatokana na sera bora wezeshi na jumuishi ambazo zitakuwa chachu ya mabadiliko katika nyanja mbalimbali sera hizi zitachagiza uwajibikaji, utawala bora, mgawanyo sawa wa rasilimali na upatikanaji wa fursa.
Sera bora ni zile zinazotatua matatizo bila kuleta mpasuko wa kisiasa na kutatua tatizo bila upande mmoja kutokubaliana na kuanzishwa kwake. Sera bora huchagiza, kukuza na kuboresha tabia zifaazo kwa mamlaka na raia, kudhibiti shughuli mbalimbali katika misingi, kufikia uthabiti na ufanisi katika utendaji wa serikali na kupunguza hatari za kimfumo kwa serikali na taifa.
Sera bora ni zile zinazogusa maslahi mapana katika nyanja zifuatazo;
Mfano; Katika sera bora zinazoangazia utawala, usalama wa jamii, uwekezaji, kodi na matumizi ni lazima kutakuwa na mfumo thabiti wa kusimamia fedha za umma kwa ufanisi, uwajibikaji na kuhakikisha mazingira thabiti ya uchumi na kijamii kuongeza ajira na tija kwa taifa.
Marejeo; Kutokuwepo kwa sera bora ni matokeo ya haya yote taifa tunapitia — sera za kiutawala, kodi na matumizi zinalinyima taifa fursa ya kupiga hatua kimaendelo na uchumi kutokana na matumizi mabaya ya rasilimali, na ufujaji fedha.
Sera Bora Kuchagiza Elimu
Elimu haitaachwa nyuma — msingi na nguzo kuu kwa taifa endelevu kwa kizazi cha sasa na vizazi vijavyo na kichocheo kikuu cha uwajibikaji na utawala bora.
Kuongezeka kwa upatikanaji wa elimu bora ya hali ya juu kuna uwezo wa kubadilisha mtu, jumuiya, jamii na taifa kwa ujumla. Kuwekeza katika elimu kuna faida zisizoweza kupingwa: kunapunguza ujinga, tofauti ya kijinsia, huongeza uwezo wa kujitawala, ukuaji wa uchumi, kukuza amani, na kuwaondoa watu katika lindi la umaskini.
Elimu bora ni yenye kuzingatia;
Ikiwa tunahitaji tamaduni za kujifunza zinazokuza utayari, ubunifu, udadisi, mawazo, na uvumbuzi, basi tunahitaji kuunda mazingira ya kujifunza ambayo wanafunzi watajihisi salama na kujitoa. Mazingira haya wezeshi yatachagizwa na utumiaji wa teknolojia kuleta ufanisi kwa;
Faida za kutumia teknolojia katika elimu ni kuwatayarisha wanafunzi kwa siku zijazo, ambazo zitawekwa kidijitali kwa ukamilifu maana ulimwengu unasonga mbele kuelekea kipindi ambacho kila kitu kinategemea na kuendeshwa na teknolojia.
Zana tofauti za elimu kwa njia ya teknolojia kama vile madarasa mtandao, usaidizi wa akili bandia, kujifunza kwa video, kujifunza kwa kushiriki na programu za televisheni, majukwaa ya kimtandao, n.k. zitawafanya wanafunzi kuwa na uelewa mkubwa wa teknolojia za kisasa.
Matumizi haya yatawasaidia kuweka vipaumbele katika kutumia teknolojia. Wataweza kutofautisha teknolojia zinazotumiwa kwa maana tofauti — kutoka kwa teknolojia zinazosaidia kujifunza hadi zile programu za michezo ya kubahatisha, programu za televisheni, matangazo ya moja kwa moja, majukwaa ya kimtandao, n.k.
Mtaala wa elimu utahitaji kuzingatia na kuzunguka katika Ujuzi wa Karne ya 21. Ujuzi huu umegawanyika kwa sehemu tatu ambazo ni;
Ujuzi wa kujifunza
Ujuzi huu hulenga kuwafundisha wanafunzi kuhusu michakato ya kiakili inayohitajika ili kukabiliana na kuboresha mazingira ya kisasa ya kazi.
Ujuzi wa kusoma na kuandika
Ujuzi huu huangazia jinsi wanafunzi wanavyoweza kutambua ukweli, vyombo vya uchapishaji na teknolojia inayowasaidia. Huku mkazo mkubwa ukiwa katika kubainisha vyanzo vya kuaminika na taarifa za ukweli ili kuzitenganisha na taarifa potofu zinazojaa katika majukwaa mbalimbali.
Ujuzi wa maisha au (Stadi za Maisha)
Stadi hizi za maisha huangazia vipengele visivyoonekana vya maisha ya kila siku ya mwanafunzi. Mambo haya yasiyoonekana yanazingatia sifa binafsi na za kitaaluma.
Sehemu hizi kuu tatu hutengeneza ujuzi mbalimbali wa karne ya ishirini na moja ambazo ni;
Sera Bora Kuzunguka Teknolojia
Teknolojia imekuwa na jukumu muhimu katika kusaidia ukuaji endelevu, ni suluhisho la kibunifu ambalo linakuza ustawi wa watu na uwajibikaji. Kuna njia mbalimbali teknolojia inaweza kutumika kuchochea utawala bora.
Teknolojia inaweza kusaidia kuongeza uwazi na uwajibikaji katika utawala kwa kuwawezesha wananchi kupata na kuelewa data za serikali kwa urahisi zaidi. Kusaidia kutengeneza huduma bora zaidi za serikali, kwa kurahisisha michakato, kupunguza karatasi na kufuata njia za kielektroniki na kiotomatiki.
Njia hizi zinaweza kusaidia kupunguza rushwa, kwa kurahisisha upatikanaji wa taarifa na kusaidia kuhakikisha maafisa wa serikali wanawajibishwa. Teknolojia inaweza kutumika kusaidia kutambua maeneo ya uboreshaji ndani ya huduma za serikali, kwa kutoa maarifa yanayotokana na data kuhusu huduma zinavyotumika.
Data hizi zinaweza kutumika kubainisha maeneo yanayoweza kuwa na upotevu au uzembe, kusaidia kutoa maamuzi linapokuja suala la ugawaji rasilimali na bajeti. Teknolojia itasaidia serikali kutambua maeneo ambayo huduma zinaweza kuboreshwa ili kuwahudumia vyema wananchi.
Video ikionyesha aplikesheni mbalimbali za serikali ya Hong Kong zinazowawesha raia kufikia huduma za serikali. Imerokodiwa kupitia tovuti ya ogcio.gov.hk na kinasa skrini.
Maeneo ambayo teknolojia inaweza kutumika kuchochea utawala bora, mgawanyo sawa wa rasilimali na uwajibikaji ni;
Kwa mfano, uchanganuzi wa data unaweza kutumika kutambua ni huduma zipi zinazojulikana zaidi na zinazotumiwa mara nyingi, na vile vile ni zipi ambazo hazitumiki sana. Data hizi zinaweza kusaidia kufahamu jinsi rasilimali zinavyogawanywa, na inaweza kusaidia serikali kutanguliza huduma ambazo ni muhimu zaidi kwa raia.
Sera bora zitaweza kuundwa endapo katiba mpya na bora itapatikana, itawezesha kusaidia michakato kwa kuwashirikisha wananchi, na sera hizi ndizo zitatoa ufumbuzi ambao utasaidia mfumo mzima wa mabadiliko, sheria, utawala bora na uwajibikaji kuweza kuleta maendeleo kwa wananchi na kukuza taifa.
Misingi imara kwa taifa itatokana na sera bora wezeshi na jumuishi ambazo zitakuwa chachu ya mabadiliko katika nyanja mbalimbali sera hizi zitachagiza uwajibikaji, utawala bora, mgawanyo sawa wa rasilimali na upatikanaji wa fursa.
Sera bora ni zile zinazotatua matatizo bila kuleta mpasuko wa kisiasa na kutatua tatizo bila upande mmoja kutokubaliana na kuanzishwa kwake. Sera bora huchagiza, kukuza na kuboresha tabia zifaazo kwa mamlaka na raia, kudhibiti shughuli mbalimbali katika misingi, kufikia uthabiti na ufanisi katika utendaji wa serikali na kupunguza hatari za kimfumo kwa serikali na taifa.
Sera bora ni zile zinazogusa maslahi mapana katika nyanja zifuatazo;
- Usalama wa Jamii
- Huduma ya Afya
- Elimu
- Ajira
- Uwekezaji
- Biashara
- Utawala
- Kodi na Matumizi
- Mafao kwa Wastaafu
- Nishati
- Ardhi ya Umma
- Utunzaji Mazingira
Mfano; Katika sera bora zinazoangazia utawala, usalama wa jamii, uwekezaji, kodi na matumizi ni lazima kutakuwa na mfumo thabiti wa kusimamia fedha za umma kwa ufanisi, uwajibikaji na kuhakikisha mazingira thabiti ya uchumi na kijamii kuongeza ajira na tija kwa taifa.
Marejeo; Kutokuwepo kwa sera bora ni matokeo ya haya yote taifa tunapitia — sera za kiutawala, kodi na matumizi zinalinyima taifa fursa ya kupiga hatua kimaendelo na uchumi kutokana na matumizi mabaya ya rasilimali, na ufujaji fedha.
Sera Bora Kuchagiza Elimu
Elimu haitaachwa nyuma — msingi na nguzo kuu kwa taifa endelevu kwa kizazi cha sasa na vizazi vijavyo na kichocheo kikuu cha uwajibikaji na utawala bora.
Kuongezeka kwa upatikanaji wa elimu bora ya hali ya juu kuna uwezo wa kubadilisha mtu, jumuiya, jamii na taifa kwa ujumla. Kuwekeza katika elimu kuna faida zisizoweza kupingwa: kunapunguza ujinga, tofauti ya kijinsia, huongeza uwezo wa kujitawala, ukuaji wa uchumi, kukuza amani, na kuwaondoa watu katika lindi la umaskini.
Elimu bora ni yenye kuzingatia;
- Usawa kati ya Wanafunzi Wote
- Miundombinu na Vifaa
- Mazingira Rafiki na Wezeshi
- Taaluma ya Walimu
- Teknolojia Mpya Katika Mtaala
- Kutoa nyenzo mbalimbali za kujifunzia
- Kurahisisha njia za ufundishaji
- Kuongeza wigo wa kujifunza kwa umbali
- Kuboresha ujuzi wa mawasiliano kwa wanafunzi shuleni
- Kusaidia wanafunzi kupata ujuzi na maarifa mapya
- Kuruhusu wanafunzi kuboresha ustawi wao wa kiakili
- Kuboresha ushirikiano kati ya wanafunzi na walimu
- Kurahisisha ufundishaji na kuleta tija zaidi
Zana tofauti za elimu kwa njia ya teknolojia kama vile madarasa mtandao, usaidizi wa akili bandia, kujifunza kwa video, kujifunza kwa kushiriki na programu za televisheni, majukwaa ya kimtandao, n.k. zitawafanya wanafunzi kuwa na uelewa mkubwa wa teknolojia za kisasa.
Matumizi haya yatawasaidia kuweka vipaumbele katika kutumia teknolojia. Wataweza kutofautisha teknolojia zinazotumiwa kwa maana tofauti — kutoka kwa teknolojia zinazosaidia kujifunza hadi zile programu za michezo ya kubahatisha, programu za televisheni, matangazo ya moja kwa moja, majukwaa ya kimtandao, n.k.
| Hii itawasaidia kuchora mstari, kuweka mipaka na kutumia teknolojia kwa busara kujiletea tija na maendeleo.
Mtaala wa elimu utahitaji kuzingatia na kuzunguka katika Ujuzi wa Karne ya 21. Ujuzi huu umegawanyika kwa sehemu tatu ambazo ni;
Ujuzi wa kujifunza
Ujuzi huu hulenga kuwafundisha wanafunzi kuhusu michakato ya kiakili inayohitajika ili kukabiliana na kuboresha mazingira ya kisasa ya kazi.
Ujuzi wa kusoma na kuandika
Ujuzi huu huangazia jinsi wanafunzi wanavyoweza kutambua ukweli, vyombo vya uchapishaji na teknolojia inayowasaidia. Huku mkazo mkubwa ukiwa katika kubainisha vyanzo vya kuaminika na taarifa za ukweli ili kuzitenganisha na taarifa potofu zinazojaa katika majukwaa mbalimbali.
Ujuzi wa maisha au (Stadi za Maisha)
Stadi hizi za maisha huangazia vipengele visivyoonekana vya maisha ya kila siku ya mwanafunzi. Mambo haya yasiyoonekana yanazingatia sifa binafsi na za kitaaluma.
Sehemu hizi kuu tatu hutengeneza ujuzi mbalimbali wa karne ya ishirini na moja ambazo ni;
- Kufikiri
- Ubunifu
- Ushirikiano
- Mawasiliano
- Ujuzi wa habari
- Ujuzi wa vyombo vya habari
- Ujuzi wa teknolojia
- Uongozi
- Mipango
- Tija
- Ujuzi wa kijamii
Sera Bora Kuzunguka Teknolojia
Teknolojia imekuwa na jukumu muhimu katika kusaidia ukuaji endelevu, ni suluhisho la kibunifu ambalo linakuza ustawi wa watu na uwajibikaji. Kuna njia mbalimbali teknolojia inaweza kutumika kuchochea utawala bora.
Teknolojia inaweza kusaidia kuongeza uwazi na uwajibikaji katika utawala kwa kuwawezesha wananchi kupata na kuelewa data za serikali kwa urahisi zaidi. Kusaidia kutengeneza huduma bora zaidi za serikali, kwa kurahisisha michakato, kupunguza karatasi na kufuata njia za kielektroniki na kiotomatiki.
Njia hizi zinaweza kusaidia kupunguza rushwa, kwa kurahisisha upatikanaji wa taarifa na kusaidia kuhakikisha maafisa wa serikali wanawajibishwa. Teknolojia inaweza kutumika kusaidia kutambua maeneo ya uboreshaji ndani ya huduma za serikali, kwa kutoa maarifa yanayotokana na data kuhusu huduma zinavyotumika.
Data hizi zinaweza kutumika kubainisha maeneo yanayoweza kuwa na upotevu au uzembe, kusaidia kutoa maamuzi linapokuja suala la ugawaji rasilimali na bajeti. Teknolojia itasaidia serikali kutambua maeneo ambayo huduma zinaweza kuboreshwa ili kuwahudumia vyema wananchi.
Video ikionyesha aplikesheni mbalimbali za serikali ya Hong Kong zinazowawesha raia kufikia huduma za serikali. Imerokodiwa kupitia tovuti ya ogcio.gov.hk na kinasa skrini.
Maeneo ambayo teknolojia inaweza kutumika kuchochea utawala bora, mgawanyo sawa wa rasilimali na uwajibikaji ni;
- Huduma za Afya
- Elimu
- Uchumi
- Mazingira
- Usalama na Uokoaji
- Umeme na Nishati
- Kilimo
- Biashara
- Usafirishaji
- Utalii na Michezo
Kwa mfano, uchanganuzi wa data unaweza kutumika kutambua ni huduma zipi zinazojulikana zaidi na zinazotumiwa mara nyingi, na vile vile ni zipi ambazo hazitumiki sana. Data hizi zinaweza kusaidia kufahamu jinsi rasilimali zinavyogawanywa, na inaweza kusaidia serikali kutanguliza huduma ambazo ni muhimu zaidi kwa raia.
Sera bora zitaweza kuundwa endapo katiba mpya na bora itapatikana, itawezesha kusaidia michakato kwa kuwashirikisha wananchi, na sera hizi ndizo zitatoa ufumbuzi ambao utasaidia mfumo mzima wa mabadiliko, sheria, utawala bora na uwajibikaji kuweza kuleta maendeleo kwa wananchi na kukuza taifa.
