RIP Mzee F.M. Ngosha lakini....

[Mshana Jr]

Kwanza nitoe pole nyingi sana kwa ndugu jamaa na marafiki wa mzee Ngosha. Mzee amemaliza safari yake kwa amani kwa kutimiza ndoto na dhamira yake ya muda mrefu ya kumkabidhi mkuu wa nchi picha tatu za marais wastaafu alizochora kwa mkono wake.

Taarifa za kuwepo hai mtu aliyechora nembo ya taifa na hali aliyonayo ziliibuliwa kwa mara ya kwanza na kituo cha habari cha ITV. Haraka haraka serikali ilitoka ilikotoka na kuchukua jukumu la kumhudumia mzee huyu fukara aliyekuwa hana mke watoto wala ndugu, akiishi kwenye chumba kimoja Buguruni malapa kwa hisani ya mwenye nyumba na majirani.

Ni wakati huohuo habari hizi zikienea kwa kasi ilijitokeza familia iliyojitokeza kupinga habari za marehemu mzee Ngosha, na kudai kwamba baba yao ambaye pia ni marehemu kwa sasa ndio mchoraji halisi wa nembo ya Taifa.

Kituo kimoja cha habari kilifika nyumbani kwa familia hii na kufanya nayo kipindi akiwemo mke wa marehemu, watoto na hata wajukuu. Habari zao zilitoa mwanga fulani kuhusiana na nembo ya taifa.

RAI YANGU

Kwa ajili ya kuweka historia sawa, kutenda haki na kuepuka upotoshaji serikali ichukue jukumu la kiutafiti na kutoa taarifa kamili na sahihi kwa manufaa ya vizazi vijavyo.

 

[Kidume cha mbegu]

Rip mzee wa watu

 

[Benjamini Netanyahu]

Mzee ngosha alikuwa hadai chochote, sema ile familia walijua atapiga hela nyingi sana, amekufa akiwa hana invoice yoyote mkononi. R.I.P mzee ngosha

 

[Mshana Jr]

Rip mzee wa watu

Ni lazima uchunguzi ufanyike ili ijulikane wazi nani hasa alikuwa mshindi wa uchoraji nembo yetu ili isije kuwa hata washiriki walioingia tatu bora nao wakajiita ni washindi wa nembo ya Taifa
Na ikithibitika kweli kama marehemu mzee Ngosha ndio alikuwa mshindi na serikali ikamtelekeza kwa kiasi hiki basi itabidi imuombe radhi imuenzi na kumpa heshima anayostahili hata huko kaburini

 

[Mshana Jr]

Mzee ngosha alikuwa hadai chochote, sema ile familia walijua atapiga hela nyingi sana, amekufa akiwa hana invoice yoyote mkononi. R.I.P mzee ngosha

Lakini Bado tunahitaji kumbukumbu ziwekwe sawa kwa manufaa ya historia

 

[Nyanidume]

jamani naomba tuwekeeni nembo ya JAMHURI YA TANGANYIKA kwa mwenye nayo.

 

[Benjamini Netanyahu]

Lakini Bado tunahitaji kumbukumbu ziwekwe sawa kwa manufaa ya historia

Hii nchi ya viwanda ina maana haina kumbukumbu sahihi mkuu?

 

[Mshana Jr]

Hii nchi ya viwanda ina maana haina kumbukumbu sahihi mkuu?

Haina ingekuwepo wasingehaha na marehemu mzee Ngosha na huu mkanganyiko uliotokea

 

[Benjamini Netanyahu]

Haina ingekuwepo wasingehaha na marehemu mzee Ngosha na huu mkanganyiko uliotokea

Shida ubabaishaji mwingi

 

[Mshana Jr]

jamani naomba tuwekeeni nembo ya JAMHURI YA TANGANYIKA kwa mwenye nayo.

 

[Bonge]

Kuna kumbukumbu za zaidi ya miaka 150....sisi hatuna kumbukumbu ya miaka 50 ?? Tuna kitu hakiko sawa sisi waafrika!

 

[Nifah]

Hiyo picha aliyomkabidhi rais iko wapi?

 

[mwasu]

Mzee ngosha alisema mkewe alifariki mwaka 1982, ila kuhusu watoto hakuzungumza inawezekana hakujaliwa watoto au walifariki pia, mzee ameishi maisha magumu sana ukiangalia mahali alipokuwa anaishi dah! inasikitisha sana kuona kuna mtu anajitokeza na kusema ndio anae msaidia, madaktari wamesema kula yake ilikuwa mbaya imechangia maradhi yake. R.I.P.

 

[Mshana Jr]

Hiyo picha aliyomkabidhi rais iko wapi?

Atapelekewa

 

[NAKWEDE]

View attachment 516930

stempu ya posta

 

[Mshana Jr]

stempu ya posta

Yenye nembo ya Tanganyika

 

[Medecin]

Mzee Ngosha ameshapumzika kilichopo tuiambie serikali ianze kuwatafuta wote waliohusika na masuala yenye kufanana na hili la Ngosha mfano waliobuni nembo mbalimbali za taasisi zetu mfano tra, bot, tanesco n.k.

 

[Kididimo]

Lakini Bado tunahitaji kumbukumbu ziwekwe sawa kwa manufaa ya historia

Wazo lako ni kubwa sana. Mkuu historia ya nchi yetu kwa siku za karibuni inapotea kwa kasi! Ninafikiri moja ya sababu ni kutokana na kutofanya maadhimisho ya matukio ya kihistoria; mfano sikukuu za uhuru,hazifanyiki ipasavyo au kuheshimiwa hadi vijijini kama ilivyokuwa zamani. Kulikuwa na viwanja karibu kila kijiji,Wilaya hadi Mkoa vya maadhimisho haya na kuliwekwa kumbukumbu mbalimbali za kihistoria kukumbusha watu tulikotoka. Pia hapo nyuma tulijifunza mambo mengi ya kihistoria achilia mbali ile ya darasani, ila kupitia nyimbo,maigizo na hotuba wakati wa sherehe za kumbukumbu za kihistoria,mfano kina Seth Benjamin,Bibi Titi Mohamed,Lucy Lameck,Mh.Kawawa bila kusahau kina Morisi Mnyusa (mpiga ngoma),tuliwajua kupitia nyimbo mashuleni n.k. Ukiniuliza leo kazi walizozifanya kupigania uhuru wetu,nitakueleza bila kusoma mahali. Pia viongozi wetu sijui niseme wamekuwa wa kisasa zaidi;mfano utakuta lugha zinazotumika na wakuu haziashirii utaifa kutokana na baadhi kutojua historia. Au unakuta mahali,bendera ya Taifa inashushwa,watu wanatembea tuu,hawasimami kwa heshima kama ilivyokuwa hapo nyuma,na wasiposimama hakuna hatua yeyote inachukuliwa. Na wanaojua,wanakaa kimya au wanabezwa!
Unavyosema, kumbukumbu sahihi ziwekwe ni sawa,lakini moja ya mantiki ya kuweka kumbukumbu kama hizi ni ili uienzi! kwa maana ya kuziheshimu kwa kuzitendea kinachopasa. Nina wasiwasi na hiyo sehemu ya mwisho ya namna ya kuenzi kama ilivyo sasa,yale ya wazi hayaenziwi kwa kukwepa gharama!

 

[Joseverest]

Well said Bro

 

[Mshana Jr]

Well said Bro