Posho bandari laki tano kwa siku!

[Maundumula]

Nasikia Zitto Kabwe hapokei kabisa posho za aina yeyote

 

[mshikachaki]

nchi hii watu wanakura bwana hahahahah..........yani mpaka tuwatoe ccm bila hivyo hakuna namna

 

[Ulukolokwitanga]

Hivi kweli ubinafsi unawafanya PAC WASHINDWE kusifia mwajiri anayelipa vizuri na kuwafanya waajiri wengine wafuate mfano huo? Hivi wanapodai mishahara iongezwe wanategemea itaanzia wapi? Ukishaanza kuonea wivu wenzio waliopata zaidi yako tena kwa kufanya kazi ujue wewe ni mchawi uliyekosa vitendea kazi

Tofautisha posho na mshahara, kinachoongelewa hapa ni posho ya kujikimu ukiwa nje ya kituo cha kazi. Mfanyakazi wa bandari Dar akienda Tanga analipwa laki tano kwa siku kwa ajili ya chumba cha kulala, chakula na incidentals. Mshahara wake alionegoshieti wakati anaajiriwa unakuwa haujaguswa hapo. Tujiulize ndani ya serikali hio hiyo moja wengine wanalipwa 80,000 katika mji huohuo na zinatosha, iweje wao bandari walipwe mara tano?

 

[eltontz]

Muongozo wa utumishi wa umma unasema kwamba posho ya kujikimu ya juu kwa watumishi wa serikali na Taasisi zake na Tsh 80,000/- @ day kwenye majiji na Tsh 65,000/- @ day kwenye miji.

Je hii, TPA sio Taasisi ya umma? Kwanini wao wawe na posho tofauti na Taasisi nyingine. Au hawa wenzetu wa TPA wanakwenda kwenye miji mingine ambayo wafanyakazi wengine wa umma hawaendi.

Kama Posho ya Tsh 80,000/- and 65,000/- @ day respectively haitoshi, basi haitoshi kwa Watumishi wote wa umma sio TPA peke yao.

Lakini pia from Tsh 80,000/- to Tsh 500,000/- @ day, sioni justification yeyote ile.

Ni kweli unachokiongea; lakini ushajiuliza kwa nini walimu wanalipwa laki mbili/tatu wakati wafanyakazi wengine wizarani wanalipwa zaidi ya milioni, wakati qualifications zinalandana??

Aliyeleta hii naming : XXXXX AUTHORITY ndo aliyeleta huu ufisadi.......

 

[gwakipanga]

Kwa bongo lolote linawezekana. Jitu liko ofisini lakini utakuta linajipa tip ya safari. Kwenye taasisi za umma,posho ndiyo njia mbadala ya watumishi kujiongezea kipato. Wanufaika wa posho wako mwengi.

 

[Descartes]

WAKATI Msajili wa Hazina amebariki posho mpya za safari za ndani kwa wafanyakazi wa Mamlaka ya Bandari Nchini (TPA) kuwa Sh 500,000 kwa siku kuanzia Januari 2, mwaka huu, imebainika kuwa walishaanza kulipana hivyo tangu mwaka 2011.

Inasomeka tatizo sio kulipana laki tano kwa siku....

Ila kosa lao ni dogo tu: kuamua kulipana kiwango hicho tangu 2011 kabla ya kuidhinishwa mwaka huu 2015.

Kimsingi inaonyesha msajili wa Hazina anakubaliana na kiwango hicho.(Double standard, thus pathetic).

 

[duanzi]

Posho laki tano kwa siku ni wizi mtupu, Walimu wanalipwa laki mbili kwa mwezi na bado wanalazimishwa kuchangia maabara, Hawa vilaza wanalipana laki tano. Hii haikubaliki

 

[kikonyoro]

wanyonyaji hawaachi ukupe mpaka damu ya watanzania imwagike kwa hasira ya kukataa kunyonywa ndio wataelewa kuwa tumechoka kulundikiwa mizigo ya kodi ili pesa wazitafune mafisadi ccm.

 

[mapengo junior]

Duhhh hatare Pesaaaaaa zipo TPA

 

[Abunuas]

taarifa kama hizi huwa zinaniongezea hasira kwa ccm na kuharibu siku yangu tu.

WAKATI Msajili wa Hazina amebariki posho mpya za safari za ndani kwa wafanyakazi wa Mamlaka ya Bandari Nchini (TPA) kuwa Sh 500,000 kwa siku kuanzia Januari 2, mwaka huu, imebainika kuwa walishaanza kulipana hivyo tangu mwaka 2011.

Hayo yalibainika jana wakati wa Kamati ya Bunge Hesabu za Serikari (PAC), ilipokutana na Menejimenti ya TPA jijini Dar es Salaam.

Kutokana na kamati hiyo kubaini posho hizo, zilianza kutumika hata kabla ya kupitishwa, imeiagiza Menejimenti ya TPA kuhakikisha wafanyakazi wote waliolipwa viwango vipya vya malipo ya safari kabla ya kuruhusiwa na Msajili wa Hazina wanazirejesha.

Agizo hilo la kurejeshwa kwa fedha za posho, limetolewa na Mwenyekiti wa PAC, Zitto Kabwe, aliyesisitiza kuwa ni makosa kwa taasisi kuanza kutumia viwango vipya vya safari kabla ya kupewa kibali na Msajili wa Hazina.

Aidha, PAC imemuagiza Msajili wa Hazina kuhakikisha anafanya ukaguzi wa haraka kuangalia kama viwango kwa ajili ya safari vikoje na kuweka uwiano wa viwango vya safari kwenye mashirika mengine ya umma.

PAC pia imemwagiza Mdhibiti na Mkaguzi wa Hesabu za Serikali (CAG), kufanya ukaguzi maalumu katika matumizi tata ya Sh bilioni 26.

Matumizi hayo ni Sh bilioni 9.6 zilizotumika kwenye mkutano moja wa wafanyakazi, Sh bilioni 6.4 zilizotumika kwa ajili ya matangazo, Sh bilioni 10 zilizotumika kwenye safari na Sh bilioni 43 kwa ajili ya manunuzi ya dharura.

Kwa mujibu wa agizo la PAC, wafanyakazi hao watalazimika kulipa fedha hizo kuanzia mwaka 2011 hadi Januari Mosi, mwaka huu, yaani siku moja kabla Msajili wa Hazina hajatoa kibali kubariki posho mpya Januari 2 mwaka huu.

Menejimenti na Bodi ilipitisha viwango vya safari ambavyo ni Sh 500,000 kwa kada ya juu na Sh 125,000 kwa kada ya chini na ambavyo TPA walianza kuvitumia bila kupewa kibali tangu mwaka 2011 hadi Januari 1 mwaka huu.

Viwango vya awali vilikuwa ni Sh 270,000 kwa ngazi ya juu na Sh 94,000 kwa kada ya chini.

"Ninawaagiza kuhakikisha wale wote walionufaika na viwango vipya vya safari kabla ya vibali kutolewa, kuhakikisha wanarudisha fedha hizo za umma, mtatafuta njia ya kuhakikisha wafanyakazi hao wanarejesha na hata kama ni kukatwa kwenye mishahara," alisema.

Aidha, Zitto alisema: " Nifikishieni salamu kwa (Lawrence) Mafuru (Msajili wa Hazina) kuhakikisha mnafanya ukaguzi wa haraka kwenye mashirika mengine kama Ewura, LAPF, NSSF na mengine kuangalia viwango vya safari wanavyolipana na ili kuweka usawa na kwenye mashirika." Aidha, Menejimenti ya TPA ililiambia Bunge kuwa watahakikisha mamlaka inatumia mfumo wa kisasa katika mahesabu na shughuli nyingine.

"Tulikuwa tunatumia mfumo wa kizamani ambao ulikuwa na matatizo lakini sasa tunataka kununua mfumo mpya wa ERP ambao pia hutumiwa na hata bandari za nchi zingine," alisema Meneja wa Tehama, Phares Magesa.

Hatua hiyo ya kutaka kufungwa kwa mfumo wa kisasa wa kielektroniki katika hesabu na shughuli za bandari, unatokana na ripoti ya CAG kubainisha kutokuwapo kwa nyaraka zinazothibitisha matumizi kutokana na mahesabu kufanywa kwa mkono.

Katika ripoti hiyo, kwenye fedha zilizotumiwa kwa ajili ya mikutano ya wafanyakazi, zaidi ya Sh bilioni 600 hazina nyaraka ya matumizi yake na kwenye hoja ya matumizi ya matangazo Sh milioni 384 zimekosa nyaraka za matumizi yake.

Aidha, Kaimu Mkurugenzi Mkuu wa TPA, Madeni Kipande alisema uongozi wake umeweza kubadilisha sheria ambazo zilikuwa zikitoa mwanya kwa mkurugenzi kuidhinisha fedha zaidi ya bajeti na kwa kufanya hivyo, wameweza kupunguza matumizi kwa asilimia 30.

CHANZO: Habari leo

 

[KMANGA]

Tanzania inapigwa mtungo na watawala wake huku wananchi wakiendelea kutaabika kila uchao.

POSHO YA SIKU LAKI TANO ILHAL MSHAHARA WA MWALIMU HAUFIKI HATA LAKI NNE KWA MWEZI!!!! AIBU JAMANI; WATAWALA WAONE AIBU JAPO KIDOGO. HATA HUKO BANDARI KWENYEWE WENGI WA WALIOAJIRIWA HUKO NI WATOTO WAO, NDUGU, MARAFIKI NA HATA VIMADA WAO NDIYO WALIOJAZANA HUKO.

 

[Bavaria]

Basi sawa

 

[Kibanga Ampiga Mkoloni]

Bilioni 600 au Milioni 600?

 

[kashata]

Ndogo sana ukizingatia na eneo nyeti waliopo.

Na walimu ambao hawana posho na wapo sehemu nyeti zaidi ,unaonaje apo

 

[spika]

Hata kwa upande wa mishahara pia serikali yetu imeshashindwa kabisa kudhibiti. Yaani ndani ya serikali hiyo hiyo moja watu wenye viwango sawa vya elimu, uzoefu na majukumu wanapishana mishahara hadi mara 10?

Kuna watumishi wanapewa housing allowances, communication allowances na transport allowances ambazo jumla yake ni mishahara kadhaa ya kima cha chini. Na wengine hawapati hata elfu kumi ya nyumba au usafiri, pengine hao walale angani na kwenda kazini wasafirie ungo.

Inaumiza sana kwama Tanzania watumishi wanaothaminiwa ni wale wanaofanya kazi katika mamlaka na taasisi flani flani ambazo sioni sababu ya kuzitaja.

Wenzetu TPDC wao walileta hoja nzuri sana kwamba wanazingatia mishahara katika sekta yao ya mafuta na gesi. Kama niliwaelewa vizuri ni kwamba Kina Statoil, Ophir na Halliburton ndo wanalipa hayo mamilioni. Tukitumia hoja kama hiyo nadhani itabidi na mwalimu wa Hisabati pale Pugu naye angalie soko kupitia mishahara ya kule Feza, Braeburn na IST.

 

[TEGETA KIBAONI]

PAC NA POAC ni ktu kmoja?

 

[Erythrocyte]

Tanzania inapigwa mtungo na watawala wake huku wananchi wakiendelea kutaabika kila uchao.

POSHO YA SIKU LAKI TANO ILHAL MSHAHARA WA MWALIMU HAUFIKI HATA LAKI NNE KWA MWEZI!!!! AIBU JAMANI; WATAWALA WAONE AIBU JAPO KIDOGO. HATA HUKO BANDARI KWENYEWE WENGI WA WALIOAJIRIWA HUKO NI WATOTO WAO, NDUGU, MARAFIKI NA HATA VIMADA WAO NDIYO WALIOJAZANA HUKO.

post hii imeniliza .

 

[The Fixer]

Nchi imeuzwaaa.....

 

[lungekuta]

Na walimu ambao hawana posho na wapo sehemu nyeti zaidi ,unaonaje apo

Haha haha hahaaa Kashata una vituko sana, una uhakika hawana posho?

Njoo udadisi huku ujionee jinsi wanavyopata posho zao kulingana na msimu.

1. Kuna wale wanaoambia wanafunzi walete pesa ya dawati, mlinzi, Mwenge, pesa za morning & speed test, Safari za kiutalii n.k

2 Ujajiuliza wakati Serikali ina sema ada shule ya msingi ni bure lakini wazazi inawatoka mpaka sabini elfu ela? ama tunaambiwa kidato cha kwanza mpaka cha nne ada elfu ishirini lakini mwisho wa mwaka mapesa yana fika mpaka laki mbili mpaka tatu na ushee huko

3. Kijijini ndo usiseme kuni mbili ama tatu kila wiki kwa kila mwanafunzi, dumu la maharagwe kwa kila mwanafunzi kwa muhula, mahindi nayo alikadhalika msimu wa kilimo walimuu kama anataka kujihusisha na kilimo aaaaah analima pasipo gharama kubwa.

Sasa hapo bwana Kashata hauoni nayo ni posho murua tu?

 

[1000 digits]

Haha haha hahaaa Kashata una vituko sana, una uhakika hawana posho?

Njoo udadisi huku ujionee jinsi wanavyopata posho zao kulingana na msimu.

1. Kuna wale wanaoambia wanafunzi walete pesa ya dawati, mlinzi, Mwenge, pesa za morning & speed test, Safari za kiutalii n.k

2 Ujajiuliza wakati Serikali ina sema ada shule ya msingi ni bure lakini wazazi inawatoka mpaka sabini elfu ela? ama tunaambiwa kidato cha kwanza mpaka cha nne ada elfu ishirini lakini mwisho wa mwaka mapesa yana fika mpaka laki mbili mpaka tatu na ushee huko

3. Kijijini ndo usiseme kuni mbili ama tatu kila wiki kwa kila mwanafunzi, dumu la maharagwe kwa kila mwanafunzi kwa muhula, mahindi nayo alikadhalika msimu wa kilimo walimuu kama anataka kujihusisha na kilimo aaaaah analima pasipo gharama kubwa.

Sasa hapo bwana Kashata hauoni nayo ni posho murua tu?

Hauko sirias kabisa.
Au wewe ni muhusika wa wale panya wa ofisini kwa pesa za umma.
Acha kuwakejeli walimu.
Hivyo vijembe sijui vipesa vya madawati vinavyotolewa na maskini tena kwa kuvutana na vitisho vya kurudishwa nyumbani mbona havitolewi kule Feza Secondary au St.Marian?