Polisi: Maandamano ya Novemba 26 marufuku!

Polisi: Maandamano ya Novemba 26 marufuku!

Hapa nipo nacheki mpira baa flani sinza na kuna nyomi la watu, sasa hao alshabaab wakitaka kulipua si mara moja tu, hivi hawa alshabab ina mana hawaoni hizo nite club zilizovyojaa watu au ule msongamano wa watu kule k'koo na kongo ina mana wao wanataka maandamano tu......na makengeza yake
 
kwanini hiyo nguvu ya dola isitumiwa na polisi kudhibiti shambulio lolote linaloweza kufanywa na alshabab? maana wanaweza kujaza askari wengi mji mzima kuzuia waandamanaji na si alshabab.nina mashaka na IQ ya Kova kwani ameshindwa hata kutumia akili kuzuia maandamano.
 
24 NOVEMBER 2011

*Wahofia uvunjifu amani, yalipangwa kufanyika J'mosi
*Wanaharakati kutafuta njia nyingine kufikisha ujumbe
*IGP Mwema asisitiza jeshi hilo halina nia mbaya

Na Benjamin Masese

​

SIKU moja baada ya wanaharakati kutoka asasi za kiraia zaidi ya 180, Shirikisho la Vyama vya Wafanyakazi nchini (TUCTA) na Jukwaa la Katiba Tanzania kutangaza kufanya maandamano ya amani nchi nzima Novemba 26 mwaka huu, Jeshi la Polisi nchini limeyazuia kutokana na hofu ya kuvunjika kwa amani.

Taarifa iliyotolewa Dar es Salaam jana na Mkuu wa Jeshi la Polisi nchini, IGP Said Mwema, kwa vyombo vya habari, ilisema kutokana na mchakato unaoendelea wa kupitishwa kwa Muswaada wa Sheria ya Mabadiliko ya Katiba Mpya nchini, amekuwa akipokea maombi ya kufanya maandamano kutoka taasisi mbalimbali nchi nzima yakiwa na malengo tofauti.

Alisema malengo hayo ni pamoja na kupinga muswaada huo na mengine yakiunga mkono jambo linaloashiria kuleta migongano na hatimaye kusababisha uvunjifu wa amani.

Alizitaja taasisi zilizowasilisha maombi hayo kuwa ni pamoja na Jukwaa la Katiba Tanzania ambalo lilitaka kufanya mandamano ya amani nchi nzima kupinga Muswada wa Sheria ya Mabadiliko ya Katiba Mpya 2011, ambao ulipitishwa na bunge hivi karibuni.

Taasisi zingine ni Asasi ya Umoja wa Vijana wa Chama Cha Mapinduzi (CCM), ambao waliomba kufanya maandamano nchi nzima ili kuwaelimisha wananchi kuhusu upotoshaji mkubwa unaofanywa na baadhi ya vyama vya siasa na washirika ili kuvunja amani ya nchi kupitia mwamvuli wa mchakato wa katiba mpya.

Alisema pamoja na maombi hayo, pia alipokea maombi ya Umoja wa Wanawake Tanzania wa CCM, ambao walitaka kufanya maandamano Novemba 26 mwaka huu, katika Wilaya na mikoa yote Tanzania Bara na Zanzibar.

"Lengo la mandamano ya Umoja wa Wanawake wa CCM ni kuipongeza hotuba ya Rais Jakaya Kikwete aliyoitoa hivi karibuni, maombi mengine yaliletwa na Taasisi ya Youth Camp, ambao wanapinga mwenendo wa mchakato wa kudai Muswaada wa Katiba na kudai kuwa, hauendani na utaratibu pamoja na utamaduni wa mtanzania," alisema IGP Mwema.

Aliongeza kuwa kutokana na mwingiliano wa maombi hayo kila taasisi ikitaka kuwasilisha mawazo au hoja zao kwa njia ya maandamano, jeshi hilo limeona kuna kila dalili za kuwepo uvunjifu wa amani.

"Kutokana na hali halisi, tumeona ni vyema tusitishe maandamano yote na kutoa ushauri kwa wahusika watumie njia mbadala ya kufikisha mawazo yao kama walivyopanga jambo ambalo litasaidia kudumisha amani na utulivu wa nchi.

"Uongozi wa juu wa Jeshi la Polisi umezungumza na taasisi zote zilizowasilisha maombi katika kikao cha pamoja tulichokifanya Makamo Makuu ya Polisi leo (jana0, ambapo taasisi zote zimekubali kuwa, hoja tulizotoa zilikuwa za msingi hivyo wameridhia kusitisha maandamano na kuahidi watamia njia nyingine kuwasilisha mawazo yao ambazo hazitakuwa na viashiria vya uvunjifu wa amani," alisema.

Alisema jeshi hilo halina nia mbaya ya kuzuia mikusanyiko au maandamano bali linatekeleza sheria na kanuni zilizopo.

Aliongeza kuwa jeshi hilo linapopata taarifa ya mikusanyiko au maandamano hulazimika kuzingatia mambo mengine muhimu kabla ya kuruhusu mkusanyiko au maandamano husika.


 
ALHAJI SAED MWEMA NI KWAMBA POLISI YETU NDIO INATUMIKA KI-SIASA AU SIASA ZETU NDIZO ZIMEGEUKA KI-POLISI???

Saed Mwema, pamoja na ule weledi wako ulioelezewa sana kutumikia Interpol na pengine kudaiwa kupata EXPOSURE KIMATAIFA wote kipolisi kweli ndio bado unaonyesha kiwango cha chini kiasi hiki kuhusu upolisi na ulinzi wa haki za binadamu kiasi hiki kwa jinsi unatumika kukandamiza sauti za Wa-Tanzania wenzako kiasi hiki kuliko hata enzi za Omar Mahita??

Ni kweli sasa hivi limeamua kutenda kwa makusudi kosa la jinaikukiuka haki ya raia KIKATIBA kuonyesha hisia zao KWA NJIA YA AMANI mpaka kuombwa kwenu KIBALI kinyume na maelekeza ya katiba inavyotuambia???
 
Huu ni ujinga! Asasi za kiraia zilionesha mapema (kuliko jumuia za CCM) kusudio la kufanya maandamano nchi nzima tarehe 26 Novemba 2011. Hao wazushi wa CCM kwanini wafanye maandamano katika siku ambayo tayari kuna maandamano yenye malengo tofauti na yao? Hii ni dhahiri wana nia ya kuvuruga maandamano yaliyoitishwa na asasi za kiraia kwa upande mmoja, lakini pia nathubutu kusema kwamba ni jitihada za Dola kuvuruga upinzani kwa kisingizio cha kuwepo vikundi tofauti vya waandamanaji vyenye malengo tofauti na bla bla nyingi za uchache wa askari plus upuuzi wa al shabab! Nini maana ya maandamano ya amani? Polisi wana jukumu gani katika maandamano ya amani?

Hivi CDM au CUF wangepanga maandamano ya kupinga jambo ambalo CCM wametangulia kuonesha kusudio la kuliunga mkono pangetosha?
 
Hii ni mara ya pili polisi wanazuia maandamano kwa maelezo kuwa vikundi viwili vinavyopingana vimeomba kuandamana kwa wakati mmoja! Ninavyofahamu mimi watu wa kwanza kusema wataandamana tarehe 26, Nov ni Jukwaa la katiba na Asasi zingine za kiraia zinatokana muswada ujumuishe watanzania wote. Kama umoja wa vijana wa CCM na ule wa wanawake (CCM) nao wameamua kupanga kuandamana siku hiyo ya 26 Nov basi polisi wangeruhusu wale walio wahi kutoa taarifa (kwa polisi). Kwa maneno mengine CCM na jumuiya zake walipaswa wapewe tarehe nyingine maana hii ya 26 Nov imeshaenda kwa Jukwaa la katiba.

Huu mchezo kwa kuiga unaoletwa na ccm kama utaachwa hivi hivi utazua balaa na utaingiza polisi kwenye siasa zaidi ya hata ilivyo sasa. CCM wanaonekana kuishiwa mawazo mapya, wamefilisika mbinu za kupambana, sasa wanaanza kufanya siasa za kitoto. Hii ni aibu kwa chama hiki cha kikongwe (ccm) kujificha kwenye makwapa ya polisi. Kama kweli wao ni wanaume kwa nini wasipange siku yao ya kuandamana ili umma wa watanzania wajue ccm ina wafuasi kiasi gani?
 
Nadhani sasa jeshi la polisi la Tanzania libadilishwe jina liitwe JKMCMT (Jeshi la Kulinda Masilahi ya CCM na Mafisadi Tanzania).

Kila siku wanakuja na visingizio kibao ili mradi tu kupotosha ukweli kwamba CCM hawakubaliki tena na wanaendelea kuwa madarakani kwa nguvu za dola na si vinginevyo.
 
Kombo said:
Huu ni ujinga! Asasi za kiraia zilionesha mapema (kuliko jumuia za CCM) kusudio la kufanya maandamano nchi nzima tarehe 26 Novemba 2011. Hao wazushi wa CCM kwanini wafanye maandamano katika siku ambayo tayari kuna maandamano yenye malengo tofauti na yao? Hii ni dhahiri wana nia ya kuvuruga maandamano yaliyoitishwa na asasi za kiraia kwa upande mmoja, lakini pia nathubutu kusema kwamba ni jitihada za Dola kuvuruga upinzani kwa kisingizio cha kuwepo vikundi tofauti vya waandamanaji vyenye malengo tofauti na bla bla nyingi za uchache wa askari plus upuuzi wa al shabab! Nini maana ya maandamano ya amani? Polisi wana jukumu gani katika maandamano ya amani?

Hivi CDM au CUF wangepanga maandamano ya kupinga jambo ambalo CCM wametangulia kuonesha kusudio la kuliunga mkono pangetosha?
Click to expand...


Kilichofanyika ni ccm na polisi kukwamisha maandamano hayo kwa makusudi kujifanya kuonyesha kuwa kuna wengine ambao wameomba maandamano ya kuunga mkono JK kusaini sheria hiyo. pia wamepandikiza wale wanafiki ambao jana walioongea kupitia luninga na kujifanya kuwa mchakato wa katiba kwao ulikuwa sawa na kwamba sasa hivi tuzingatie uchangiaji wa katiba mpya (wajikinga wale wanafananisha mambo haya na ushabiki wa mpira). Ukweli ni kwamba kwa watu wenye kutafakari suala hili limesukwaaaaaaaaaaaaa!!!!! Polisi inafikiri watanzania wa sasa ndio wale wa enzi ya chama kimoja. Je huu si upumbavu mtupu wa kukwamisha demokrasia ndio unaoendelea hapa nchini kwa kisingizio cha hatari ya kutokea vurugu? Je wananchin wakiamua kuyemen au kumisri kwa lazima itakuwaje"
 
eti ndio wanatumikia wananchi na wanataka wasidhurike!!!
Yeye haamini kuwa maendeleo ya watu mpaka kufikia material realization inabidi yaanzie na ideas na hawa waandamanaji ndio wanakuja na hizo ideas. ...but, any way, yeye 'kesha pata' kwa hiyo wengine hata wakibakia hivyo walivyo na shida zao watajijua kivyao!
Uwezo Tunao said:
ALHAJI SAED MWEMA NI KWAMBA POLISI YETU NDIO INATUMIKA KI-SIASA AU SIASA ZETU NDIZO ZIMEGEUKA KI-POLISI???

Saed Mwema, pamoja na ule weledi wako ulioelezewa sana kutumikia Interpol na pengine kudaiwa kupata EXPOSURE KIMATAIFA wote kipolisi kweli ndio bado unaonyesha kiwango cha chini kiasi hiki kuhusu upolisi na ulinzi wa haki za binadamu kiasi hiki kwa jinsi unatumika kukandamiza sauti za Wa-Tanzania wenzako kiasi hiki kuliko hata enzi za Omar Mahita??

Ni kweli sasa hivi limeamua kutenda kwa makusudi kosa la jinaikukiuka haki ya raia KIKATIBA kuonyesha hisia zao KWA NJIA YA AMANI mpaka kuombwa kwenu KIBALI kinyume na maelekeza ya katiba inavyotuambia???
Click to expand...
 
Wanatumia psychology kwamba watanzania ni wepesi wa kusamehe na watanung'unika halafu baadaye wataendelea na maisha kana kwamba hakuna kitu kimetokea.
 
POLICCM bwana,hata huyu mwema mnamsifia kwa lipi alipokuwa huko interpol?kwangu mimi ni sehemu ya matatizo ya watanzania.maana kwa jambo hili ni dhahiri wamejitia aibu,maana kila mtu ameelewa jinsi wanavyotumika kuilinda CCM na mafisadi wake,na ndio maana nasema the whole system is rotten,na dawa ni Nguvu ya UMMA tu,sijui majadiliano sijui hoja na vingine vyote hakuna kitu tutakachopata kwa CCM hii na Polisi hawa wa Mwema.Ila nasubiri nisikie D.Kibamba atasema nini maana naona nae anatubipu najiuliza alienda kufanya nini walipomwita hao vilaza?na kulikuwa na hoja gani alizoridhika nazo?maana kusema tu ya kwamba kuna wengine wameomba kuandamana kwangu haitoshi kabisa ni kauli ya kumwambia mtoto wa miezi 6 hivi.SHAME ON THEM
 
nngu007 said:
Are we becoming a Police State??
Click to expand...

How many times should we? We are already a police state. Kama tatizo ni ratiba, si wangewambia wabadilishe, njia mbadala ipi ambayo bado haijatumika mpaka sasa?
 
Polisi inatumika vibaya sana na CCM,sasa wakae wakijua kwamba as the days going on if not soon Watanzania wachache waliobaki upande wa CCM nao watakua against CCM,so polisi wanaowabeba viongozi wa CCM watakua enemy wa watanzania,,ikija kutokea hayo itakuaje kwa Polisi?Waacheni watanzania wajiamulie mambo yao na si kuwaingilia.
 
Mimi hapa napenda kuwalaumu wana jukwaa la Katiba kwa kukubali hayo matakwa ya Polisi eti wameridhia kutii amri ya polisi na kusitisha maandamano! Tukumbuke haki haitolewi na mtu anayekunyima haki zaidi sana atakukandamiza kwa visingizio vya kila aina.

Ninachoona hapa ni jukwaa la katiba kuondoa woga na ku mobilize maandamano kama ilivyopangwa awali na kuachana na upuuzi wa polisi, mabomu risasi na maji ya pilipili lazima viwamwagikie wapenda haki ndipo haki itolewe na hao wadhalimu vinginevyo hata watanzania wengi watakata tamaa kuendelea kuwaamini wanaharakati na kuiacha ccm kufanya inalotaka!
 
jigoku said:
POLICCM bwana,hata huyu mwema mnamsifia kwa lipi alipokuwa huko interpol?kwangu mimi ni sehemu ya matatizo ya watanzania.maana kwa jambo hili ni dhahiri wamejitia aibu,maana kila mtu ameelewa jinsi wanavyotumika kuilinda CCM na mafisadi wake,na ndio maana nasema the whole system is rotten,na dawa ni Nguvu ya UMMA tu,sijui majadiliano sijui hoja na vingine vyote hakuna kitu tutakachopata kwa CCM hii na Polisi hawa wa Mwema.Ila nasubiri nisikie D.Kibamba atasema nini maana naona nae anatubipu najiuliza alienda kufanya nini walipomwita hao vilaza?na kulikuwa na hoja gani alizoridhika nazo?maana kusema tu ya kwamba kuna wengine wameomba kuandamana kwangu haitoshi kabisa ni kauli ya kumwambia mtoto wa miezi 6 hivi.SHAME ON THEM
Click to expand...

Inaonekana huyu Kibamba na wenzake wamenyamazishwa........ Tuliwategemea hawa jamaa waongoze mapambano ya kupinga mswada wa sheria ya mabadiliko ya katiba usisainiwe na JK. CDM nao wanapigwa danadana, tutakapozinduka ktk usingizi huu, jamaa atakuwa ameshaweka saini yake.... nathubutu kusema IMEKWISHA....
 
You must log in or register to reply here.

Similar Discussions

Our Community

Coming Soon

Regional Communities

Coming Soon
Back
Top Bottom
Menu
Forums
New posts
Log in
Register