Neno La Leo: Adam Malima Na ' Trigger Happy Police'

[maggid]

Ndugu zangu,

Majuzi hapa nilifika Newala, Mtwara. Pale Newala kuna ofisi nilisahau mahali ilipo. Katika kuzunguka Newala Mjini huku nikiiulizia, wengi hawakuijua.

Nikafika mahali nikaona kulia Kituo cha Polisi na polisi kadhaa wakiwa nje, na kushoto Ofisi ya Chama Cha Mapinduzi, Wilaya.

Nikamwambia mwenzangu kwenye gari, kuwa afadhali, sasa twende Kituoni polisi watusaidie ilipo ofisi tunayoitafuta.

Mwenzangu akashauri twende tukaulize CCM Wilaya. akaongeza kusema, kuwa kuuliza polisi linaweza likazuka jingine.

Jibu hilo lilinifanya nitafakari sana. Maana, kwangu mimi, raia tunapaswa kuwa na imani na jeshi la Polisi. Tunapaswa kuheshimu polisi, lakini si kuogopa polisi.

Trigger happy police ina maana ya polisi anayefurahia kufyatua risasi. Ni kama vile wamekaa muda mrefu bila kufyatua na vidole vinawasha.

Naam, nimeangalia mtandaoni video ya tukio la Masaki likimuhusisha aliyekuwa Waziri wa Serikali, Adam Malima.

Mimi limenihuzunisha, maana, kwangu niliona jambo dogo sana ambalo halikuhitaji purukushani ile mpaka polisi kufyatua risasi hewani.

Polisi walikuwa kwenye majukumu yao, na Adam Malima, ni kiongozi. Palihitajika uwepo wa mazungumzo tu na jambo lile lingemalizika kwa dakika kadhaa tu.

Nchi yetu ni ya amani sana. Hatuna mazoea ya milio ya risasi. Yasifanywe kuwa mazoea mapya. Polisi wenye furaha ya kufyatua risasi yumkini ni wachache, kuna polisi wengi wenye weledi na kazi zao na wenye kutambua kuwa hufyatui risasi pasipo na lazima ya kufanya hivyo.

Na viongozi si malaika, kuna mahala nao wanaweza kukosea. Kama polisi anabaini hilo, basi, atumie weledi wake katika kumuelewesha kiongozi husika taratibu zinavyotaka. Na hata kama atahitajika afike kituoni, kama kiongozi, hawezi kupotea, ataitwa atafika mwenyewe kituo cha Polisi.

Kimsingi, raia hupendezwa na uwepo wa mazingira ya raia kuheshimu mamlaka, na si kuogopa mamlaka, ikiwamo jeshi la polisi. Hivyo, raia hawapendi na hufadhaishwa kuona udhalilishaji wa raia wenzao kutoka kwa wenye mamlaka, wala kudhalilishwa kwa viongozi wao, tena hadharani.

Ni Neno La Leo.

Maggid Mjengwa.

 

[samurai]

Polisi wetu wengi wana chuki na raia, na hii ni sababu ya ugumu wa maisha walionao...stress za maisha zinaleta shida sana kwa hawa watu na mwisho ni kutesa raia masikini...

 

[Lavrov Sergey]

Ndugu zangu,

Majuzi hapa nilifika Newala, Mtwara. Pale Newala kuna ofisi nilisahau mahali ilipo. Katika kuzunguka Newala Mjini huku nikiiulizia, wengi hawakuijua.

Nikafika mahali nikaona kulia Kituo cha Polisi na polisi kadhaa wakiwa nje, na kushoto Ofisi ya Chama Cha Mapinduzi, Wilaya.

Nikamwambia mwenzangu kwenye gari, kuwa afadhali, sasa twende Kituoni polisi watusaidie ilipo ofisi tunayoitafuta.

Mwenzangu akashauri twende tukaulize CCM Wilaya. akaongeza kusema, kuwa kuuliza polisi linaweza likazuka jingine.

Jibu hilo lilinifanya nitafakari sana. Maana, kwangu mimi, raia tunapaswa kuwa na imani na jeshi la Polisi. Tunapaswa kuheshimu polisi, lakini si kuogopa polisi.

Trigger happy police ina maana ya polisi anayefurahia kufyatua risasi. Ni kama vile wamekaa muda mrefu bila kufyatua na vidole vinawasha.

Naam, nimeangalia mtandaoni video ya tukio la Masaki likimuhusisha aliyekuwa Waziri wa Serikali, Adam Malima.

Mimi limenihuzunisha, maana, kwangu niliona jambo dogo sana ambalo halikuhitaji purukushani ile mpaka polisi kufyatua risasi hewani.

Polisi walikuwa kwenye majukumu yao, na Adam Malima, ni kiongozi. Palihitajika uwepo wa mazungumzo tu na jambo lile lingemalizika kwa dakika kadhaa tu.

Nchi yetu ni ya amani sana. Hatuna mazoea ya milio ya risasi. Yasifanywe kuwa mazoea mapya. Polisi wenye furaha ya kufyatua risasi yumkini ni wachache, kuna polisi wengi wenye weledi na kazi zao na wenye kutambua kuwa hufyatui risasi pasipo na lazima ya kufanya hivyo.

Na viongozi si malaika, kuna mahala nao wanaweza kukosea. Kama polisi anabaini hilo, basi, atumie weledi wake katika kumuelewesha kiongozi husika taratibu zinavyotaka. Na hata kama atahitajika afike kituoni, kama kiongozi, hawezi kupotea, ataitwa atafika mwenyewe kituo cha Polisi.

Kimsingi, raia hupendezwa na uwepo wa mazingira ya raia kuheshimu mamlaka, na si kuogopa mamlaka, ikiwamo jeshi la polisi. Hivyo, raia hawapendi na hufadhaishwa kuona udhalilishaji wa raia wenzao kutoka kwa wenye mamlaka, wala kudhalilishwa kwa viongozi wao, tena hadharani.

Ni Neno La Leo.

Maggid Mjengwa.

Malima sio kiongozi sahv bali nae ni raia tu kama wewe.

 

[Bufa]

Unazungumza vipi na mtu asiyetaka kufuata sheria wala kutii amri. Nini kingetokea kama angetoa gari alipokua amepaki. Ni kweli polisi alienda mbali ila naona kama tunampa lawama bure bila kuangalia chanzo chake. Malima alitaka kutumia diplomatic immunity vibaya na kuonyesha jeuri mbele ya watu kasahau hata si kiongozi tena.

Malima angetoa gari pale bila shurti yasingetokea yote haya.

 

[Gilbert A Massawe]

Malima sio kiongozi sahv bali nae ni raia tu kama wewe.

Ila anahitwa Mh waziri na sirro

 

[Lavrov Sergey]

Ila anahitwa Mh waziri na sirro

Hilo ni jina tu. Tunaangalia zaidi kitendo walichomfanyia Malima. Je,ni mheshimiwa kweli? Haswa iwapo jana nae kalazwa cello kama wahalifu wengine.

 

[chikundi]

Ila anahitwa Mh waziri na sirro

Kwahiyo ni waziri?

 

[JF Member]

Acha kulialia ndungu..dharau waache kwanza afu mengine yapo tu.

Asikali ndo waogope raia?

Embi acheni kupotosha hapa.

Malima ni raia tu..hakutakiwa kuonyesha ubabe wa namna yoyote..angetii tu sheria na mengine yakafuata.

Afu nyie ndo mnatubagua raia.
Eti wengine wa class A wengine class Class 0.

 

[igp]

Nashangaa kwann yule polisi zile risasi alipiga alitakiwa apige kwenye miguu ya malima,anadhani kuwa bado kiongozi jamaa anadharau sana tangu akiwa waziri aliwahi kwenda uwanja wa taifa akiwa na watu watano hawa tiket lakini akalazimisha waingie kisa yeye waziri kwavile alikuwa waziri askari wakanyamaza akaingia na watu wake kwa dharau kubwa sana nadhani alifikiri bado ni waziri,mjinga sana.

 

[social_science]

watz hawana jema,mleta mada hukuona bwana mdogo anaitwa muhuni vyeti fake na ile kadamnasi???

 

[Duuma]

Nashangaa kwann yule polisi zile risasi alipiga alitakiwa apige kwenye miguu ya malima,anadhani kuwa bado kiongozi jamaa anadharau sana tangu akiwa waziri aliwahi kwenda uwanja wa taifa akiwa na watu watano hawa tiket lakini akalazimisha waingie kisa yeye waziri kwavile alikuwa waziri askari wakanyamaza akaingia na watu wake kwa dharau kubwa sana nadhani alifikiri bado ni waziri,mjinga sana.

Serikali hii ni ya kidini na kikanda, ndo maana jamaa amesusiwa!

 

[Titicomb]

Kwenda kulipia faini ya kuegesha gari mahali sio sahihi ni gharama ndogo sana kuliko gharama ya kwenda kumlipa wakili Kibatala na usumbufu wa kesi nenda rudi mara dhamana n.k. Busara na ukomavu vilitakiwa vianzie kwa mtu mkubwa aliewahi shika wadhifa ktk baraza la mawaziri la JMT. Wala kusingetokea kufyatuliana risasi au kubishana na vijana wadogo sawa na wadogo zake au watoto wake. Zile risasi ni matokeo ya ukaidi wake. Tangu mwanzo angeweza kuepuka kadhia ile. Pale ni escalation of the situation from bad to worst. Tudai zaidi busara za Malima kuliko za askari. maggid unasema askari angeweza kuondoka akamuita Malima kituoni baade wakati pale yeye alikuwa anawafuata askari kubishana nao hata baada ya kuonekana wale askari wanaondoka toka ktk eneo la tukio bila kumkamata na kabla hata askari hajahamaki na kufyatua risasi.

 

[kilalile]

Alooo, hadi 2020 tutaona mengi, cha msingi usicheze mbali na smartphone yako.

 

[Mtoto halali na hela]

Angekua msaarabu angefuata sheria za nchi

 

[ycam]

Maggid Mjengwa wewe ni hovyo sana. Sheria haitambui kiongozi na asiye kiongozi. Ndiyo maana kwa Kiswahili tunasema sheria ni msumeno. Kwenye sheria wote ni sawa; sasa unaanzaje kutuambia Malima sijui ni alikuwa Kiongozi ... sijui angeitwa polisi angeenda tu bila shuruti .... aisee! Kweli mimi Magufuli sikubaliani naye kwenye mambo mengi ila nitamshukuru sana Rais kama atakwamisha juhudi zako zote za kutaka dhamana ya kutuongoza. Hakika wewe hovyo sana. Utawala wa sheria ni kitu cha muhimu sana; na kwenye utawala wa sheria kinachoangaliwa ni nani ametii au kuvunja sheria - kwa kuzingatia "evidence". Siyo career background yako mjomba.

 

[boyfriendy]

Wakimaliza kwetu watageuka na kwenu, hii ni kauli ya Lissu

 

[Mzee Mwanakijiji]

Sidhani kama POlisi wa Tanzania ni "trigger happy". Wapo polisi ambao ni trigger happy bana. Mtu anafyatua risasi hewani huwezi kumuita trigger happy.

 

[Baija Bolobi]

Maggid Mjengwa wewe ni hovyo sana. Sheria haitambui kiongozi na asiye kiongozi. Ndiyo maana kwa Kiswahili tunasema sheria ni msumeno. Kwenye sheria wote ni sawa; sasa unaanzaje kutuambia Malima sijui ni alikuwa Kiongozi ... sijui angeitwa polisi angeenda tu bila shuruti .... aisee! Kweli mimi Magufuli sikubaliani naye kwenye mambo mengi ila nitamshukuru sana Rais kama atakwamisha juhudi zako zote za kutaka dhamana ya kutuongoza. Hakika wewe hovyo sana. Utawala wa sheria ni kitu cha muhimu sana; na kwenye utawala wa sheria kinachoangaliwa ni nani ametii au kuvunja sheria - kwa kuzingatia "evidence". Siyo career background yako mjomba.

=====
Basi hata Bashite alete vyeti kwa sababu hayuko juu ya sheria.

 

[mansakankanmusa]

titicomb hats askali ameonyesha umwamba kuwa juu ya sheria kwa kumimina risasi

 

[JokaKuu]

Sidhani kama POlisi wa Tanzania ni "trigger happy". Wapo polisi ambao ni trigger happy bana. Mtu anafyatua risasi hewani huwezi kumuita trigger happy.

..kwa viwango vya Tz yule askari ni trigger happy

.tena amejaa ubabe na majigambo.

..mwenzake aliyekuwa akimtuliza alionekana kui-handle ile situation much better.