Mvuvi ajinasua kinywani mwa kiboko | JamiiForums | The Home of Great Thinkers

Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Mvuvi ajinasua kinywani mwa kiboko

Discussion in 'Habari na Hoja mchanganyiko' started by MziziMkavu, Jun 23, 2012.

  1. MziziMkavu

    MziziMkavu JF-Expert Member

    #1
    Jun 23, 2012
    Joined: Feb 3, 2009
    Messages: 39,211
    Likes Received: 4,006
    Trophy Points: 280
    James Magai
    MVUVI wa samaki katika kijiji cha Butata kata ya Bukima Wilayani Msoma Vijijini mkoani Mara, Stephano Mboyi amenusurika kutafunwa na mnyama aina ya kiboko, baada ya kupambana naye ana kwa ana na kumshinda maarifa.


    Tukio hilo ambalo kwa kadri Mboyi mwenyewe alivyolisimulia lilionekana kama ni filamu ya kusisimua ya mpambano baina yake na mnyama huyo hatari lilitokea Jumatatu majira ya saa moja za usiku ziwani.
    Akiongea na Mwananchi kwa njia ya simu kutokea katika Hospitali ya Murangi alikolazwa kwa matibabu baada ya kujeruhiwa na mnyama huyo wakati wa pambano hilo, Mboyi alisema alikumbana na tukio hilo wakati akifanya shughuli zake za uvuvi.


    “Nilikuwa nimekwenda kutega mtego (nyavu) wangu wa kwa ajili ya samaki aina ya furu. Baada ya kumaliza kuuzungusha, nilianza kuwafukuza samaki kuelekea kwenye mgeto;


    “Ghafla nikasikia maji yakifoka kunifuata, nikajua huyo ni kiboko nimeshapatikana. Hivyo ilinibidi nizame ndani ya maji ili nikimbie kando lakini kiboko akataka kunikanyaga, bahati nzuri nikawahi kupita miguuni mwake na nikaenda mbele,” alisema Mboyi.


    Aliongeza kuwa wakati anatapatapa akitafuta namna ya kukimbia kutoka ndani ya maji mara kiboko huyo akamsukuma akaanguka na akataka kumkamata mgongoni lakini akakwepa na kuamua kukimbilia kwenye maji marefu.


    Aliendelea kusimulia kuwa kiboko huyo alimfuata tena na katika harakati za kupambana naye mara kiiboko akaudaka mkono wake wa kushoto na kuingiza mdomoni mwake.
    “Baada ya mkono kuingia mdomoni aliachama zaidi ili anikamate kichwani na kisha anitafune lakini nikamshika kidevu nikamsukuma nikauchomoa haraka mkono wangu kisha nikazama majini,” alieleza Mboyi.


    Alisema hatua ya kuzama majini ndiyo iliyokuwa ikimsaidia hivyo aliendelea kuhangaishana na kiboko huyo hata baada ya kuweza kuudaka mkono wake katika kinywa chake kama mara tatu hivi lakini alifanikiwa kujinasua kabla hajatafunwa.


    Mboyi alisema kuwa wakati akiendelea kupambana na kiboko huyo watu wakafika ziwani hapo wakiwa na tochi baada ya kusikia kelele.


    Alisema yule kiboko alipoona ule mwanga wa tochi, alimwacha yeye kisha akawatisha kuwafukuza wale watu waliokuwa na tochi nao wakakimbia na kisha akamrudia tena na kuanza kusumbuana.Hata hivyo wale watu walirudi tena na kutumia mwanga mkali kummulika kiboko huyo ambapo mara hiyo sasa yule kiboko alimuacha, akasogea nyuma kidogo kisha likawatisha tena kuwafukuza.


    Alieleza kuwa hapo ndipo alipopata nafasi ya kukimbia hadi ufukweni upande mwingine, ambapo alikimbia na kiboko huyo kuanza kumfukuzatena, ambapo baada ya mwendo mfupi alianguka ndipo alipobaini kuwa alikuwa amesharudi kwenye maji.


    Aliongeza kuwa baada ya hapo ndipo wale watu waliokuwa na tochi walipomfuata na kumchukua na kisha kumpeleka hospitali.


    Hata hivyo alisema kuwa katika pambano hilo aliweza kupata majeraha katika mkono wake wa kushoto tu ambao kiboko huyo alikuwa akiudaoa na kuuingiza kinywani mwake, wakati wa harakati za kujinasua kuutoa mdomoni mwake.

    http://www.mwananchi.co.tz/habari/3-habari-za-mikoani/24102-mvuvi-ajinasua-kinywani-mwa-kiboko
     
  2. Kigogo

    Kigogo JF-Expert Member

    #2
    Jun 23, 2012
    Joined: Dec 14, 2007
    Messages: 20,058
    Likes Received: 883
    Trophy Points: 280
    siku hizi hawa viboko wamekuwa dhaifu sana...
     
  3. Baba V

    Baba V JF-Expert Member

    #3
    Jun 23, 2012
    Joined: Dec 29, 2010
    Messages: 19,506
    Likes Received: 150
    Trophy Points: 160
    kama mkuu wa nchi ni dhaifu tutegemee nini? Pole sana bwana Mboyi get well soon!
     
  4. Mr. Bigman

    Mr. Bigman JF-Expert Member

    #4
    Jun 23, 2012
    Joined: May 7, 2011
    Messages: 1,355
    Likes Received: 277
    Trophy Points: 180
    Hivi udhaifu ni tusi? Naogopa kuchezea ban.
     
  5. Mtego wa Noti

    Mtego wa Noti JF-Expert Member

    #5
    Jun 23, 2012
    Joined: Nov 27, 2010
    Messages: 2,176
    Likes Received: 33
    Trophy Points: 145
    una maanisha kama ingekuwa wakati ule enzi za mwalimu huyu jamaa asingepona?
     
  6. Donnie Charlie

    Donnie Charlie JF-Expert Member

    #6
    Jun 23, 2012
    Joined: Sep 16, 2009
    Messages: 6,350
    Likes Received: 467
    Trophy Points: 180
    pole yake ndugu mvuvi kwa mkasa uliomkuta ila anaposema alimshika kidevu akamsukuma nitakubaliana na Kigogo kuwa siku hizi viboko nao ni dhaifu, anyway! alijitahidi kuokoa uhai wake usipokonywe na kiboko.
     
    Last edited by a moderator: Jan 4, 2016
  7. Crashwise

    Crashwise JF-Expert Member

    #7
    Jun 23, 2012
    Joined: Oct 23, 2007
    Messages: 22,153
    Likes Received: 843
    Trophy Points: 280
    ni tusi kwa watu legelege..
     
  8. Remmy

    Remmy JF-Expert Member

    #8
    Jun 23, 2012
    Joined: Jun 9, 2009
    Messages: 4,689
    Likes Received: 122
    Trophy Points: 160
    ha ha haaaaaaaaaaaaaaaaaaa
     
  9. Angel Msoffe

    Angel Msoffe JF-Expert Member

    #9
    Jun 23, 2012
    Joined: Jun 21, 2011
    Messages: 6,799
    Likes Received: 67
    Trophy Points: 145
    kama baba mwanariz1
     
  10. Kisusi Mohammed

    Kisusi Mohammed JF-Expert Member

    #10
    Jun 23, 2012
    Joined: Aug 10, 2009
    Messages: 433
    Likes Received: 62
    Trophy Points: 45
    Ukitaka kula lazima uliwe! Pole mvuvi, hii ni dunia ya "survival for the fittest"
     
  11. Nivea

    Nivea JF-Expert Member

    #11
    Jun 23, 2012
    Joined: May 21, 2012
    Messages: 7,446
    Likes Received: 64
    Trophy Points: 145
    Heri mimi sikusema
     
  12. Borat69

    Borat69 JF-Expert Member

    #12
    Jun 23, 2012
    Joined: Jun 17, 2012
    Messages: 2,536
    Likes Received: 1,211
    Trophy Points: 280
    Duuh hawa jamaa wa Musoma ni hatari sana. Imagine ingekuwa Huyo kiboko angepambana na mpemba hivi...."Wallah we kiboko wanila hivi hivi yakheee..toba mieeeee naliwa(accent ya kipemba). No offence to jamaa zangu wapemba.
     
  13. nsangaman

    nsangaman JF-Expert Member

    #13
    Jun 23, 2012
    Joined: Jun 30, 2011
    Messages: 276
    Likes Received: 0
    Trophy Points: 33
    Kiboko ni mla majani siyo nyama
     
  14. G

    GTesha JF-Expert Member

    #14
    Jun 23, 2012
    Joined: Jun 10, 2012
    Messages: 203
    Likes Received: 2
    Trophy Points: 0
    Mnamanenoo!
     
  15. sweetlady

    sweetlady JF-Expert Member

    #15
    Jun 23, 2012
    Joined: Dec 24, 2010
    Messages: 16,985
    Likes Received: 74
    Trophy Points: 145
    Pombekali ndio kusema kawaambuliza mpaka viboko?......lol
     
    Last edited by a moderator: Jan 4, 2016
  16. Borat69

    Borat69 JF-Expert Member

    #16
    Jun 23, 2012
    Joined: Jun 17, 2012
    Messages: 2,536
    Likes Received: 1,211
    Trophy Points: 280
    Kuna takwimu nyingi zinaonyesha watu waliopoteza maisha kutokana na kiboko. Kama huamini mkuu nenda kamlishe hayo majani,halafu urudi kutujuza yaliyojiri.
     
  17. sweetlady

    sweetlady JF-Expert Member

    #17
    Jun 23, 2012
    Joined: Dec 24, 2010
    Messages: 16,985
    Likes Received: 74
    Trophy Points: 145
    Hahahahahahaha lol..
     
  18. zomba

    zomba JF-Expert Member

    #18
    Jun 23, 2012
    Joined: Nov 27, 2007
    Messages: 17,082
    Likes Received: 38
    Trophy Points: 0
    Huyo kiboko alikuwa na hesabu "0".
     
Loading...