Tunachokijua
Paul Christian Makonda anahudumu kama Waziri wa Habari, Utamaduni, Sanaa na Michezo nchini Tanzania na pia ni Mbunge wa Jimbo la Arusha Mjini.
Madai
Kumekuwepo na nukuu inayosambazwa kwenye mtandao wa kijamii wa Facebook, ikidaiwa kutolewa na Waziri wa Habari, Utamaduni, Sanaa na Michezo, Paul Makonda, ikieleza kuwa hali ya afya ya Rais wa Jamhuri ya Muungano wa Tanzania, Dkt. Samia Suluhu Hassan, si nzuri.
Chapisho hilo linamnukuu Makonda akisema:
“Ndugu zangu Watanzania, tumuombee Rais Dkt. Samia, kwa sasa hali yake mbaya sana”
Uhalisia
Hata hivyo, ufuatiliaji wa taarifa hiyo kwa kutumia maneno muhimu haujabaini ushahidi wa kuaminika unaothibitisha kuwa Waziri Makonda alitoa kauli hiyo kama inavyodaiwa kwenye chapisho hilo.
Aidha, katika taarifa zilizopatikana kupitia vyanzo rasmi vya serikali, ikiwemo tovuti ya Idara ya Habari-
MAELEZO na Wizara ya
Habari, Utamaduni, Sanaa na Michezo, hakuna uthibitisho uliopatikana unaohusisha nukuu hiyo na Waziri Makonda.
