Msisahahu Matunda Mtavimbiwa



Fenesi ni moja ya tunda ambalo mti wake ni mkubwa na wenye majani ya kijani kibichi. ndani ya tunda la fenesi huwa kuna mbegu .

Tunda hili hupatikana sana katika maeneo ya Asia na ni mojawapo ya matunda yenye virutubisho vingi kiafya.
Ndani ya fenesi kuna virutubisho kama vile vitamin A, C na B6 pamoja na madini ya potassium na calcium sambamba na madini ya chuma na magnesium.

Tunda hili ni chanzo kizuri cha nyuzinyuzi yaani 'fiber' ambazo ni muhimu kwa upande wa umeng'enyaji wa chakula na hivyo kumsaidia mhusika kuepukana na shida ya kukosa choo mara kwa mara.

Moja ya kazi nzuri ya fenesi ni pamoja na kuimarisha kinga za mwili, lakini pia tunda hili huongeza vitamin C mwilini ambayo piahusaidia kusaidia seli za damu kufanya kazi vizuri.

Kama utakuwa na ngozi mabayo si nzuri labda huenda itakuwa na mikunjo mikunjo basi ni vyema ukaanza kutumia fenesi leo kwani litakusaidia kuondosha hali ya mikunjo kwenye ngozi na kuondosha ukavu wa ngozi.

Kwa wale wenye shida ya upungufu wa damu yaani anemia tunda hili ni zuri pia kwao kutokana na kuwa na madini ya chuma 'iron' ambayokwa kiasi kikubwa husaidia uzalishaji wa seli nyekundu za damu mwilini.


Aidha, tunda hili la fenesi pia husaidia sana kwa wale wenye tatizo la presha ya kushuka hii ni kwa sababu ndani ya tunda hili kuna madini ya potassium ambayo hurekebisha kiwango sodium mwilini jambo ambalo huchangia kuongeza kwa kiwango cha msukumo wa damu mwilini,a lakini pia madini hayo ya potassium husaidia kuimarisha na kusimamia mishipa ya moyo

Matumizi ya tunda hili pia husaidia kuongeza uoni mzuri kutokana na kuwa na vitamin A anbayo ni muhimu sana kwa afya ya macho, lakini pia fenesi husaidia kuimarisha afya ya mifupa kutokana na kuwa na madini ya magnesium
 

KOMAMANGA ni tunda lenye asili ya India na Persia, kwa jina la kisayansi linaitwa Punica Granatum. Lakini lililetwa Marekani na wawekezaji wa Kihispania na kwa sasa limejulikana dunia nzima. Komamanga si tunda tu, bali ni chakula chenye vitamini, madini pamoja na virutubisho vingine vingi vinavyoweza kufanya miili yetu kuwa na afya na nguvu tele. Virutubisho vinavyopatikana katika komamanga ni vitamin C kwa wingi, vitamin B5, vitamin A, vitamin E, Madini ya Potassium na Iron.

Juisi ya mbegu za komamanga husaidia kuponya saratani, pia husaidia mtiririko wa damu kwenda vizuri katika mishipa ya damu, hivyo kupunguza hatari ya magonjwa ya moyo, shinikizo la damu na kiharusi.

Huzuia meno kuoza na kuhuisha mfumo wa kinga mwilini kwa kuondoa vijidudu, bakteria na maambukizi ya virusi ndani ya mwili.

Pia husaidia kutibu maradhi ya tumbo ikiwamo kutopata choo. Komamanga hutumika kama tunda, kutengeneza juisi, pia hutumika likiwa limepikwa.
Mti wake una faida nyingi mno katika mwili wa mwanadamu.

Una virutubisho vingi vinavyopatikana kwenye magome, majani, mbegu, maganda ya matunda, juisi ya matunda pamoja na kwenye maua ya mti wake.

Zifuatazo ni faida muhimu za mti wa mkomamanga:

1. Maganda ya tunda la mkomamanga yakichemshwa hutoa juisi ambayo hutumika kama dawa ya kufunga kuhara.

2. Majani ya mkomamanga hutumika kutibu hali ya tumbo kujaa gesi na kudhibiti tindikali (acid) tumboni.

3. Majani ya mkomangana hutumika pia katika kutibu tatizo la kuhara damu maambukizi ya bakteria katika kibofu cha mkojo.

4. Rojo ya mbegu za mkomamanga ikichanganywa na maziwa ya ng’ombe, hutumika kutibu tatizo la mawe kwenye figo.

5. Fukuto ya komamanga husaidia kutibu minyoo aina ya tegu pamoja na uvimbe wa wengu.

6. Komamanga husaidia katika kutibu tatizo la vidonda vya tumbo.

7. Komamanga pia ni mahiri katika kutibu magonjwa ya kusendeka (magonjwa ya muda mrefu), kama vile saratani ya tezi dume, saratani mbalimbali, kisukari, baridi yabisi na uvimbe katika maungio ya vidole (gout)

8. Komamanga husaidia kuondoa sumu mwilini.

9. Husaidia katika kupambana na tatizo la uzito mwilini.

10. Husaidia kuua virusi vya aina mbalimbali mwilini.
 
You must log in or register to reply here.

Similar Discussions

Menu
Log in
Register
Cookies are required to use this site. You must accept them to continue using the site. Learn more…