Pole sana.
Kosa la awali ni kukutana kimwili kabla ya kukamilisha taratibu.Ni kosa ambalo dini zote na mila haliruhusu.Inahitaji taratibu ya msamaha wa Mungu wako.
Pili,jaribu kuwaza huyo unayetaka kumtoa (kukatisha uhai wake) ni binadamu kama wewe (na si ajabu atakayekuja kuwa bora zaidi yako ama yetu sote) ambaye, si ajabu ndie kiumbe pekee utakayejaliwa na (Mungu aepushe hili) labda hatapatikana mwingine tena.Je,majuto yatakayofuata wakati ama hata kama huna kitu au una kila kitu (na labda hata mume,kama sio mpenzi) halafu huna mtoto hata mmoja,utaweza kuibeba hiyo simanzi?
Nafahamu warembo wa haja kadhaa waliovuma sana enzi zao waliochoropoa mimba kama mzaha tu,hatimae wakahaha hadi kukata tamaa na watoto sio tu hawana,bali hata ndoa ama hawana/waliachika/walizivurunda au hata hazina 'ule mvuto wanaoutamani sasa kama pangekuwepo mtoto' japo wana ndoa.
Kutoa mimba ni ukatili usiomithilika.Infact,neno sahihi ni 'KUUA MWANANGU MWENYEWE NILIYEJAALIWA' kwa utashi,pesa na hiyari yangu tena kwa ubinafsi wangu na kutojali kwangu.
Kutoa mimba ni ukatili,ubinafsi,kutoona mbali na kutojali madhara ya dhambi na laana ya uuaji.Kuna siku nilimsikia mhubiri (sikuweza sikusikia aliipata wapi kama reference),akisema kuwa,binti akitoa mimba,laana zake zinaenda hadi kwa nduguze,yaani kaka zake(sikumbuki kama alitaja na wengine,alitamka 'kaka zake').Sikuwahi kusikiliza kwani nilichelewa.Ila,ilimradi linasisitiza ubaya wa hilo kosa,naona si vibaya kufikiria na hilo pia.
Umeshasema mwenyewe kuwa 'una kazi nzuri tu',hiyo haikutoshi? Kukubaliwa na huyo mwanaume kuhusu malezi au wewe kuamua kumlea lipi ni jema na bora zaidi?
Siku atakapokuwa mtu mzima na huyo mtoto akihangaika kukusaidia na kukuletea wajukuu wakupe kampani,utakumbuka kwa uchungu kuwa 'kuna siku nilijiuliza kuwa niitoe mimba ya huyu mtoto au la'.Hata akipita mbele yako wakati huo keshakuwa uhai kamili,binadamu kamili,ikikumbuka tu hata uliwaza kuwa asiwepo,utajiona mkatili sana.Sijui lakini,maana watu mioyo inatofautiana.
Kosa likishafanyika,lisifanyike kosa jingine(tena baya na kubwa zaidi) ili kulifuta au kusawazisha kosa la wali.
Huyo mtoto si ajabu ndio baraka yako ya pekee-siombei hilo,nakuombea upate wengi utakavyo.Ila,nani ajuae mipango ya Mungu?Na hata ukiitoa ukaja kupata wengine,siku akili na moyo wako vikikaa sawa,utamkumbuka na huyo uliyemtoa na kujiuliza/kujilaumu kwa mengi.Ujana mara nyingine huwa una ujinga mwingi sana uliofichika,hadi utakapopevuka zaidi.
Tuwe na huruma.Haifai hata kufikiri hili la uuaji,hasa kiumbe ambeye ni too innocent,vulnerable na wanaotaraji upendo na ulinzi toka HASA kwa wanaowaleta humu duniani,yaani wazazi au mzazi,si vinginevyo.
Kuua kiumbe ambaye alishapitishwa na Muumba kuwa awepo duniani hai,nadhani pia ni kumpinga Mungu.Kuua kiumbe ambaye si ajabu angekuja kuyafurahia mno maisha yake na kuyapenda,ni sawa na kujiua mwenyewe.Kiumbe ambaye si ajabu ataleta maana,thamani,suluhisho na faraja kwa maisha ya wengi,pamoja na kwa wazazi wake.Kiumbe ambaye si ajabu maisha yake yatakuja kuwa ya maana na thamani zaidi hata kuzidi waliomzaa.
Please,usiitoe hiyo mimba!!!
