Mizigo yapungua bandari ya DSM

[Gamba la Nyoka]

WAKATI Mamlaka ya Bandari (TPA) ikithibitisha ufanisi katika upakuaji na uondoshaji mizigo na usalama wa mali katika Bandari ya Dar es Salaam, imebainika idadi ya mizigo katika bandari hiyo, imepungua tofauti na matarajio.

Akizungumza wakati akifunga warsha ya Wahariri wa Habari mwishoni mwa wiki, Kaimu Meneja wa Bandari ya Dar es Salaam, Hebel Mhanga, alitoa mfano wa shehena ya magari yanayokwenda Jamhuri ya Demokrasia ya Congo (DRC).

Kwa mujibu wa Mhanga, shehena ya magari yanayokwenda katika nchi hiyo kutoka Januari 2015 mpaka Januari 2016, imepungua kwa asilimia 50 huku shehena ya Zambia ikipungua kwa asilimia 46. Beira Mhanga alisema walipochunguza sababu ya kupungua kwa shehena hizo, walibaini sehemu ya shehena hiyo hasa iliyokuwa ikienda Zambia, DRC na Malawi, inashushwa katika Bandari ya Beira nchini Msumbiji.

Sababu za kushushwa katika Bandari ya Msumbiji, badala ya Bandari ya Dar es Salaam ambayo ndiyo yenye unafuu wa umbali kutokana na jiografia yake, Mhanga alisema ni unafuu wa kusafirisha shehena hiyo kwa reli ya Beira mpaka Malawi, tofauti na ilivyo kwa barabara.

Alisema usafirishaji wa reli ni nafuu kwa asilimia 30, ikilinganishwa na usafirishaji wa barabara na kwa kuwa Msumbiji wameshakamilisha ujenzi wa reli ya kisasa, wafanyabiashara wameona unafuu wa kupitisha mizigo katika Bandari ya Beira kuliko ya Dar es Salaam.

Athari hiyo katika Bandari ya Dar es Salaam, huenda ikawa mbaya zaidi baada ya kukamilika kwa reli ya kisasa inayoanzia katika Bandari ya Mombasa mpaka DRC, kwa kuwa itaongeza unafuu wa usafirishaji wa mizigo katika bandari hiyo shindani kwa Tanzania.

Katika warsha hiyo, ilifafanuliwa kuwa dunia nzima bandari zimekuwa na mafanikio, kutokana na kuwa na mfumo wa reli za kisasa unaotoa mizigo bandarini na kufikisha kwa mteja, jambo linalokosekana katika Bandari ya Dar es Salaam.

Durban Shehena nyingine iliyokuwa ikipitia nchini, imebainika kupelekwa katika Bandari ya Durban nchini Afrika Kusini kutokana na unafuu uliotokana na matumizi ya fedha ya nchi hiyo, Rand, katika utozaji wa gharama za kutoa mizigo, tofauti na Tanzania ambako gharama hutozwa kwa Dola ya Marekani.

Akifafanua hali hiyo, Mhanga alisema kwa sasa Rand imeshuka thamani na hivyo mfanyabiashara mwenye Dola ya Marekani, atatumia Dola chache za Marekani kulipia tozo hizo kwa Rand ya Afrika Kusini iliyoporomoka thamani.

Kutokana na hali hiyo, ingawa gharama za utoaji mizigo kati ya Bandari ya Dar es Salaam na Bandari ya Durban zinalingana, lakini mfanyabiashara akipitisha mzigo Afrika Kusini, atatakiwa kubadilisha Dola ili apate Rand ya kulipa gharama hizo; na kwa kuwa Rand imeporomoka thamani, atatumia Dola chache kuliko ilivyo kwa Tanzania.

Utambuzi wa mizigo Changamoto nyingine aliyotaja Mhanga ni ya mfumo wa kutambua shehena zilizoko katika meli, unaotumiwa kukadiria gharama za utoaji wa mizigo bandarini pamoja na kodi. Akifafanua, Mhanga alisema mzigo unapopakiwa katika nchi unakotoka, mpakiaji anapaswa kueleza aina ya mzigo katika fomu maalumu ya kutambulisha mzigo.

Fomu hiyo inayojazwa na mpakiaji, ikifika Dar es Salaam kabla ya kupakua mzigo, hutumiwa na Mamlaka ya Mapato (TRA) kukadiria kodi. Hata hivyo Mhanga alisema fomu hiyo inapokosewa na mpakiaji, TRA wakati wa kuhakiki mzigo huhisi harufu ya ukwepaji kodi na hivyo utaratibu wa utoaji wa mzigo husika, huchukua muda kuliko kama fomu hiyo isingekosewa.

Mhanga alisema wakati utaratibu wa kurekebisha makosa hayo ya fomu ukichukua muda mrefu kabla ya kuruhusiwa na TRA, mzigo huo huchajiwa adhabu ya kukaa bandarini kwa muda mrefu na kama ni wa nje ya nchi, mteja hulazimika kukaa Dar es Salaam kwa kosa lililofanywa na mpakiaji wa mizigo.

Meneja huyo wa Bandari ya Dar es Salaam, alisema mteja huyo anaporuhusiwa na TRA kuchukua mzigo, wakati ameshaingia gharama ya kuishi Dar es Salaam kwa muda mrefu, akifika bandarini na kukutana na adhabu ya kuhifadhi mzigo ambayo hakuisababisha, wengi hukasirika na hajui wanapeleka ujumbe gani kwa wateja wengine katika nchi zao.

Ufanisi Pamoja na changamoto hizo, Mhanga alisema kama wadau wengine wakikamilisha taratibu za ukaguzi wa mzigo mapema, mzigo huchukua muda mfupi kupakuliwa katika meli na kuondolewa mapema bandarini, ili umfikie mteja katika muda mfupi zaidi.

Alitoa mfano wa mwaka 2011, ambapo mteja alitumia siku 4.7 kusubiri mzigo wake utoke bandarini, lakini leo mteja huyo huyo atasubiri siku 0.2 mpaka apate mzigo wake na hilo limesababishwa na uboreshaji wa utaratibu wa kupata vibali vya nyaraka, ambao kwa sasa unafanyika kwa mtandao.

Mhanga alisema bandari hiyo kwa sasa inakamilisha ujenzi wa jengo la ghorofa 35, ambalo litakuwa refu kuliko yote Afrika Mashariki na Kati, litakalohifadhi wadau wote wa bandari katika jengo moja, ili mteja akiingia katika jengo hilo, akitoka akatoe mzigo wake moja kwa moja.

Kwa sasa mteja anaweza kujikuta akihangaika na nyaraka zake kwa wadau mbalimbali wa Bandari ya Dar es Salaam kupata vibali, ikiwemo Mamlaka ya Usafirishaji wa Majini na Nchikavu (Sumatra), Shirika la Viwango (TBS), Mamlaka ya Dawa na Chakula (TFDA), Mamlaka ya Udhibiti wa Nishati na Maji (Ewura), Idara ya Uhamiaji, Idara ya Afya, Mkemi Mkuu na wengineo

 

[kweleakwelea]

Hivi bandari ina CEO au mkurugenzi mkuu?

 

[MKWEPA KODI]

Kwa hiyo tujipange sasa ili tusiendelee kupoteza mapato

 

[Gamba la Nyoka]

Habari mbaya za kiuchumi zinaendelea kuiface TZ

(1) Serikali haina budi kutumia diplomatic muscle kulinda nchi wateja wetu wa zamani kama DRC

(2) Kuna reli inajengwa kutoka Bandari ya Mombasa mpaka DRC, Serikali haina budi kuhakikisha hili gepu linazibwa haraka, otherwise bandari ya Mombasa inaweza kuja kuchukua biashara ya bandari ya DSM

 

[Prince Kunta]

Sie huku reli inaoza, vichwa vya tren vipo karakana, mkurugenzi kasinzia tu shirika linakufa taratibu

 

[Bilionea Asigwa]

Mwaka huu kazi tunayo.

Mpaka kuja mambo kutengemaa na kukaa sawa inabidi tujipange sana.

Ila all in all tumeanza kuamka sasa na tunapambana

 

[mr gentleman]

Hii ni changamoto kwa serikali ila kuna kitu ameacha kukisema.. Watu wanakwepa kulipa gharama halali za kuingiza mzigo watu walizoea rushwa sasa hizi bandari za wenzetu bado staili ni ile ile ya rushwa mbele.

 

[Olepet]

Sasa dawa ni kujenga reli maana hakuna namna nyingine la sivyo mapato yatapungua

 

[Bilionea Asigwa]

Sie huku reli inaoza, vichwa vya tren vipo karakana, mkurugenzi kasinzia tu shirika linakufa taratibu

 

[Amavubi]

habari mbaya asubuhi hii lkn pia ukanjanja huenda umepunguza mizigo ila ni heri uwe na mizigo michache yenye tija

 

[MsemajiUkweli]

Biashara ni changamoto.

Changamoto za kibiashara haziishi lakini kilicho cha muhimu ni kuwa na uwezo wa kuzitambua changamoto na kuzifanyia kazi kabla hazijatokea au hazijawa tatizo kubwa.

Aliyeua reli ya Kati na ile iendayo Kigoma alaaniwe katika maisha yake.

 

[Yimakatso]

Wasi wasi wangu ujenzi wa reli ya kisasa kutoka mombasa hadi congo ukikamilika tutakosa wateja wengi mno wa bandari hivyo kupelekea kuyumba kwa uchumi.tatizo viongozi wa tanzania wamekalia ulaji tu hawafikirii kubuni njia za kiushindani na nchi jirani.

 

[Gamba la Nyoka]

Kama mizigo imepungua kwa sababu ya kusimamia sheria na haki badala ya ujanjaujanja wa kukwepa kodi, basi ni bora ipungue tu, Ni bora tupate mizigo michache yenye kulipa ushuru na kodi zote, kuliko mizigo mingi yenye ujanjaujanja mwingi

 

[Mmawia]

Kwa hiyo tujipange sasa ili tusiendelee kupoteza mapato

Kweli sasa tutaisoma namba maana wafadhili washaondoa ufadhili wao bandari ndio hiyo imedoda,doooo kweli sheeni umeamua kututesa

 

[Mmawia]

Habari mbaya za kiuchumi zinaendelea kuiface TZ

(1) Serikali haina budi kutumia diplomatic muscle kulinda nchi wateja wetu wa zamani kama DRC

(2) Kuna reli inajengwa kutoka Bandari ya Mombasa mpaka DRC, Serikali haina budi kuhakikisha hili gepu linazibwa haraka, otherwise bandari ya Mombasa inaweza kuja kuchukua biashara ya bandari ya DSM

Mkuu siyo inaweza bali ndio tayari wameshaweza sisi tuanze kuisoma namba

 

[TRUVADA]

Mimi sababu ya msingi ni za kiujanjaujanja tu mfano bandari ya BEIRA malawi kuna haikuwepo mwanzon kwa nin sasa waone ndio yenye unafuu , nimegundua bandari ya daa ilikuwa inaficha sana wakwepa kodi wengi sana na kwa sasa hiyo mianya imebanwa

 

[Asprin]

Wasi wasi wangu ujenzi wa reli ya kisasa kutoka mombasa hadi congo ukikamilika tutakosa wateja wengi mno wa bandari hivyo kupelekea kuyumba kwa uchumi.tatizo viongozi wa tanzania wamekalia ulaji tu hawafikirii kubuni njia za kiushindani na nchi jirani.

Ngoja kwanza tumalize kutumbua majipu. Yakishaisha tutaanza ujenzi wa reli. Majipu kwanza ujenzi baadae

 

[Mmawia]

Mimi sababu ya msingi ni za kiujanjaujanja tu mfano bandari ya BEIRA malawi kuna haikuwepo mwanzon kwa nin sasa waone ndio yenye unafuu , nimegundua bandari ya daa ilikuwa inaficha sana wakwepa kodi wengi sana na kwa sasa hiyo mianya imebanwa

Mtajuta sana kwa kumbeba shenii na kuibka demokrasia

 

[Kanani2015]

Tanzania tumebahatika kijiografia,lakini watawala wetu wameshindwa kuitumia hiyo fursa.kama tungeweza ku invest nguvu zetu nyingi bandarini kama ndio chanzo kikuu cha mapato,basi huko kwingine tungekuwa tunamalizia tu.Lazima watawala wetu watambue kuwa tuko kwenye ksrne ya ushindani mkubwa sana wa kibiashara
Tuko kwenye ,tuweke siasa pembeni kwanza

 

[Mmawia]

Biashara ni changamoto.

Changamoto za kibiashara haziishi lakini kilicho cha muhimu ni kuwa na uwezo wa kuzitambua changamoto na kuzifanyia kazi kabla hazijatokea au hazijawa tatizo kubwa.

Aliyeua reli ya Kati na ile iendayo Kigoma alaaniwe katika maisha yake.

Ilaaniwe ccm kwa kutufikisha hapa tulipo