Mitambo IPTL yazimwa, wakwama kufanya biashara ya umeme

[Ghazwat]

Ni wingu zito. Ndivyo unavyoweza kusema baada ya maombi ya Kampuni ya Kufua Umeme ya Independent Power Tanzania Limited (IPTL) kukwama, huku wakilazimika kuzima rasmi mitambo yao ya uzalishaji umeme.

Hatua hiyo imekuja baada ya kukwama kwa maombi ya kuongezewa muda wa miezi 55 ya leseni yake ya uzalishaji umeme kutokana na kusubiri uamuzi wa Ikulu.

Hali hiyo inajitokeza wakati mmiliki wa Kampuni ya Pan Africa Power (PAP) Harbinder Singh Sethi na Mkurugenzi wa Kampuni ya VIP Engineering, James Rugemalira wakiwa tayari wamefikishwa mahakamani kujibu mashitaka ya uhujumu uchumi, kutakatisha fedha na kusababisha hasara Serikali.

Hali za uhakika zilizolifikia gazeti hili jana zilisema mitambo hiyo kwa sasa haizalishi umeme.

MTANZANIA lilitembelea mitambo hiyo iliyoko Tegeta na kukuta wafanyakazi wachache ambao walikiri mitambo hiyo kutofanya kazi.

"Mitambo ilizimwa tangu siku ile walipomkamata Sethi", alisema mmoja wa wafanyakazi wa kampuni hiyo ambaye hakuwa tayari kutajwa jina lake gazetini.

Pamoja na hatua hiyo inaelezwa kuwa kuna hatari ya kuitaifishwa kwa mitambo hiyo hasa baada ya Serikali kuweka ngumu katika utoaji wa leseni mpya ya biashara ya kuzalisha umeme kwa kampuni hiyo.

Licha ya hali hiyo leseni ya kampuni hiyo ilimalizika muda wake Julai 15, mwaka huu ambapo hadi sasa uamuzi wa kuitaifisha mitambo hiyo kurudi kuwa mali ya TANESCO ama laa ukisubiri uamuzi wa Ikulu.

Kwa sababu hiyo, kama Serikali itaendelea na msimamo wake dhidi ya IPTL ndiyo utakuwa mwisho wa miaka 23 ya IPTL.

Kampuni hiyo au IPTL iliingia nchini tangu mwaka 1994 na kila mwezi imekuwa ikilipwa Sh. bilioni 5.943 na Shirika la Umeme Tanzania (TANESCO) ikiwa ni gharama za uwekezaji mbali na gharama za umeme inaoliuzia shirika hilo.

Novemba 2014, baada ya Bunge kujadili Ripoti ya Mdhibiti na Mkaguzi Mkuu wa Hesabu za Serikali (CAG) kuhusu Akaunti ya Tegeta Escrow, Kamati ya Kudumu ya Bunge ya Hesabu za Serikali (PAC), ilitoa maazimio manane ikiwa ni pamoja na kuangalia uwezekano wa kuichukua mitambo ya IPTL na kuimilikisha kwa TANESCO.

Siku chache baada ya Bunge kupitisha uamuzi huo ambao ulifanyiwa kazi kwa haraka kwa Profesa Sospeter Muhongo kujiuzulu nafasi yake.

 

[MKWEPA KODI]

Sawa wazime tu tumechoka na ufisadi, tena tunataka Serikali itaifishe mitambo hiyo

 

[wambura marwa]

Kwahiyo mkataba mpya vipi

Post sent using JamiiForums mobile app

 

[Lukubigwa]

Awamu ya 5 hii

Post sent using JamiiForums mobile app

 

[Mlachake]

Nombeni kujilishwa kama hizi ni Kampuni Mbili tofauti.

1. PAN AFRICA POWER
2. PAN AFRICA ENERGY

 

[lautanyi]

Ni wingu zito. Ndivyo unavyoweza kusema baada ya maombi ya Kampuni ya Kufua Umeme ya Independent Power Tanzania Limited (IPTL) kukwama, huku wakilazimika kuzima rasmi mitambo yao ya uzalishaji umeme.

Hatua hiyo imekuja baada ya kukwama kwa maombi ya kuongezewa muda wa miezi 55 ya leseni yake ya uzalishaji umeme kutokana na kusubiri uamuzi wa Ikulu.

Hali hiyo inajitokeza wakati mmiliki wa Kampuni ya Pan Afrika Power (PAP) Harbinder Singh Sethi na Mkurugenzi wa Kampuni ya VIP Engineering, James Rugemalira wakiwa tayari wamefikishwa mahakamani kujibu mashitaka ya uhujumu uchumi, kutakatisha fedha na kusababisha hasara Serikali.

Hali za uhakika zilizolifikia gazeti hili jana zilisema mitambo hiyo kwa sasa haizalishi umeme.

MTANZANIA lilitembelea mitambo hiyo iliyoko Tegeta na kukuta wafanyakazi wachache ambao walikiri mitambo hiyo kutofanya kazi.

"Mitambo ilizimwa tangu siku ile walipomkamata Sethi", alisema mmoja wa wafanyakazi wa kampuni hiyo ambaye hakuwa tayari kutajwa jina lake gazetini.

Pamoja na hatua hiyo inaelezwa kuwa kuna hatari ya kuitaifishwa kwa mitambo hiyo hasa baada ya Serikali kuweka ngumu katika utoaji wa leseni mpya ya biashara ya kuzalisha umeme kwa kampuni hiyo.

Licha ya hali hiyo leseni ya kampuni hiyo ilimalizika muda wake Julai 15, mwaka huu ambapo hadi sasa uamuzi wa kuitaifisha mitambo hiyo kurudi kuwa mali ya Tanesco ama laa ukisubiri uamuzi wa Ikulu.

MUNGU MKUBWA NA IZIMWE ILI TUWEZE KUWEKA MKATABA MPYA NA WENYE MITAMBO HIYO? NA WATUMIE GESI NA BEI ISHUKE TENA CHINI YA WENZAO MAANA UNUNUZI WA MITAMBO TULISHALIPIA TAYARI SASA WAKO KWENYE FAIDA TU.

 

[Al-Watan]

Kwa hiyo mgawo (wa umeme) unarudi au vipi?

Sent from my Kimulimuli

 

[mbalizi1]

Taarabu inapigwa

 

[HIMARS]

Sawa ila tusipate mgao wa umeme au baadae tusijepelekwa mahakamani kudaiwa

 

[kipara kipya]

Tangu ilipozimwa je kuna upungufu wa umeme mtujuze sisi wa vijijini!

 

[Perfectz]

KAMA WAMEIZIMA BASI WATUAMBIE TUKAPIME VYUMA CHAKAVU.HATUTAKI UCHAFU SISI

Post sent using JamiiForums mobile app

 

[tameer]

Kurudisha ulichodhulumiwa ni haki,iwe kwa busara au kwa nguvu

 

[barafuyamoto]

Sawa wazime tu tumechoka na ufisadi, tena tunataka Serikali itaifishe mitambo hiyo

Id yako imevamiwa au??

 

[barafuyamoto]

Sawa ila tusipate mgao wa umeme au baadae tusijepelekwa mahakamani kudaiwa

Mkataba umeisha, wanatupelekaje mahakamani??

 

[MKWEPA KODI]

Id yako imevamiwa au??

Mkuu kwenye ukweli ni lazima tuseme ukweli, msema Kweli ni mpenzi wa Mungu tetetetetetete

 

[Ghazwat]

Mkuu kwenye ukweli ni lazima tuseme ukweli, msema Kweli ni mpenzi wa Mungu tetetetetetete

Yah.. Hatupingi kila kitu ila tupinga mambo mengine namna yanavyofanyika.

 

[barafuyamoto]

Mkuu kwenye ukweli ni lazima tuseme ukweli, msema Kweli ni mpenzi wa Mungu tetetetetetete

Nakuunga mkono kabisa kwenye hili!!

 

[Abdallah M. Nassor]

Kama imezimwa tokea alipokamatwa, Je kuna athari zozote zilizojitokeza za upungufu wa Umeme/ Maana sijaona kama kuna kukatika katika au mgao wa umeme hapa mjini, inaonesha kuwa wale walikuwa wezi tu na hakuna msaada mkubwa waliokuwa wakiutoa TANESCO

 

[Macos]

Ruge sio mmiliki tena wa IPTL...aliuza share zake kwa Singa.
Na hii mitambo haifanyi kazi kwa sasa. Haijazimwa kwa maana ya hoja.
Mitambo hii huwashwa pale tu tunapokuwa na upungufu wa umeme unaozalishwa na Tanesco...sasa hivi hakuna upungufu hivyo hautumiki.

 

[robert sendabishaka]

Mkuu kwenye ukweli ni lazima tuseme ukweli, msema Kweli ni mpenzi wa Mungu tetetetetetete

looh! '...... vipofu wanaona, viziwi wanasikia na mabubu wanaongea. lakini usimwambie mtu yeyote habari hizi'