MASWALI MAGUMU KWA MH. EDWARD NGOYAI LOWASA
Kwako mh. Edward Lowassa,
Ni matumaini yetu kuwa u mzima wa afya. Kuelekea mchakato wa Urais mwaka huu tumesikia kuwa nawe baba utatangaza nia. Sisi wananchi wa mtaani tunayo maswali machache tunaomba utusaidie tupate kujua wakati utakapotangaza nia yako rasmi uwanja wa Sheikh Abeid Karume huko Arusha. Maswali yetu ni machache tu mh. mpendwa:-
1.Tangu umejiuzulu nafasi yako ya uwaziri mkuu kufuatia kashfa ya ufisadi wa Richmond, imekuchukua miaka 7 kujitetea mbele ya umma.Ulikua wapi muda wote huo?
2.Umelieleza taifa na dunia kuwa hukufanya kazi sehemu yoyote zaidi ya CCM tangu mwaka 1977, Je utajiri ulionao umeutoa wapi? Huko CCM kuna biashara gani ulifanya?
3.Kwanini hujawahi na inaonekana huwezi kukemea wala kuzungumzia Rushwa na ufisadi? Unatofautiana vipi na kauli ya mwenyekiti mwenza wa UKAWA mh Freeman Mbowe kuwa wewe ni "dhaifu, usiyeweza kukemea rushwa, ufisadi na ubadhirifu?"
4.Kwanini sehemu kubwa ya wanaokuunga mkono ni wale ambao walifeli au kukataliwa na wananchi au kufukuzwa kazi katika nafasi mbalimbali za chama na serikali kwa kashfa? Mfano Rostam Azizi, Nazir Karamagi, Andrew Chenge, Lawrence Masha, Juma Kapuya, Cyril Chami n.k?
5.Ulizipataje hisa zako unazomiliki VODACOM? Ulizinunua lini na kwa kiasi gani?
6.Wakati unaajiriwa na CCM kama katibu msaidizi miaka ya 70, inasemekana ulimuibia baba yako mzazi ng'ombe ukawauza na kununua gari, kisha mzee wako akaenda kukushitaki kwa viongozi wa Chama kuwa hufai na ufukuzwe kazi. Je, hii ni kweli?
7.Wewe ni mjumbe wa Halmashauri Kuu ya CCM taifa, kikao kinachojadili na kuamua mambo makubwa ya kusimamia serikali inayotawala. Je,umewahi kujenga hoja zipi za kutetea wananchi? Kusimamia serikali? Mara ngapi? Lini?
8.Tangu umekua mwenyekiti wa kamati ya bunge ya mambo ya nje miaka mitano sasa, wewe ni mwenyekiti pekee ambae hujawahi kusimama hata mara moja kusoma taarifa ya kamati bungeni. Je, ni kwanini? Tatizo ni afya yako inakufanya usiweze kusimama kuongea kwa muda mrefu au nini?
9.Kwanini unatumia pesa nyingi sana kutafuta urais wa nchi? Pesa hizo utazirudishaje kwa hao unaowaita marafiki zako? Ikulu kuna biashara gani? Je, ikiwa Urais unanunuliwa, sisi watoto wa masikini watoto wetu wajifunze nini? Kuwa wataendelea kubaki katika tabaka la watawaliwa hadi watakapokuwa na mabilioni ya kutosha?
10.Kumbukumbu zinaonesha kuwa hayati mwalimu Julius Nyerere aliwahi kukukataa kutokana na kuonekana ukiwa na ukwasi usio na maelezo,Je, uliwahi kumjibu mwalimu kabla ya umauti wake kuwa ulipataje mali zako? Ili arekebishe kauli yake?
NAKUOMBA UTUSAIDIE SISI WANYONGE TUJUE KAMA TUNAWEZA KUKUAMINI KWA HILO UNALOOMBA.MAANA TUNA MASHAKA.
WAANDISHI MLIOZUNGUMZA NA LOWASA MLIPASWA KUMUULIZA MASWALI HAYA.
Tunatanguliza shukrani,
Ni sisi wananchi wa kawaida mtaani.
MASWALI YAKO NI MEPESI SANA, MAJIBU KAMA IFUATAVYO:
1.Alijuuzulu uwaziri mkuu kutokana na dhana ya uwajibikaji sio kwa sababu alihusika na ufisadi wa richmond kuhusu kujitetea baada ya miaka 7 inatokana na kamati ya mwakyembe kutoa hukumu bila ya kumpa nafasi ya kujitetea wakati wakifanya uchunguzi. rejea misingi ya haki ya asili(principle of natural justice)
2.kuhusu suala la utajiri ni mipango binafsi na kufanya kazi kwa bidii mfano mtu anaweza kukopa akajipanga vizuri ktk miradi yake akafanikiwa i.e Lowasa ni mfugaji kiasili km alijipanga vizuri akawa na mifugo zaidi 1000 ni utajiri tosha
3.kukemea rushwa na ufisadi sio lazima akemee majukwaani km anavyofanya mbowe ili apate sifa wakati chama chake(CDM) kina harufu ya ufisadi rejea sakata la kufukuza wahindi matapeli waliopata dili ya kusambaza maji Dar es salaam jinsi lowasa alivyosimamia kivitendo sio maneno
4.tupe ushahidi km hao watu unaowataja kweli wanamuunga mkono lowasa na hata km kweli shida ipo wapi wakati kila mtu anayo haki ya kufanya jambo lolote bila kuvunja sheria
5.kwanini unataka kujua hisa za mtu? wewe una maslahi gani na vodacom hizo ni biashara binafsi sio lazima kila kitu aweke hadharani ndio mana kuna mkataba ambao ni wa pande mbili(lowasa vs vodacom)
6.tupe ushahidi wa lowasa kumuibia baba yake ng'ombe,tuambie zilikuwa ngapi,zenye dhamani gani na hiyo gari alinunua wapi, aina gani na shilingi ngapi
7.suala la maamuzi,agenda na hoja ktk halmashauri kuu ya c.c.m nakushauri nenda makao makuu ukaombe nakala za mihutsari ya vikao vya wakati(1970s) huo nadhani utapata picha ya michango ya mh lowasa
8.kuwa mwenyekiti wa kamati ya bunge ya mambo ya nje hakumlazimishi mwenyekiti kusoma taarifa za kamati,cha msingi ni utekelezaji wa majukumu ya msingi ya kamati
9.tupe ushahidi dhahiri unaoonyesha kuwa lowasa anagawa pesa na je kwanini unafikiria pesa ni motisha pekee inayofanya watu kumsupport lowasa?, je hauoni ya kuwa watu wanashawishika kumsupport lowasa kutokana na uongozi,historia,uvumilivu na kujituma kwake?
10.nyerere hakuwahi kumkataa lowasa ila km una uhakika na maneno yako leta ushahidi
N.B; Jamani tusikubali kusikia maneno ya vijiweni pasipo kuwepo ushahidi dhahiri kisha unayameza kama yalivyo tena bila hata kufanya uchunguzi wa kina. Ndio mana upinzani wa Tanzania umedumaa kwa sababu hawana hoja ila mara nyingi wanapenda kuongea majungu,umbeya na unafiki ili wapate huruma ya wananchi
