Hii inaonekana kuwa tabia ya Marekani ya kutokubali kukiri maendeleo ya teknolojia ya China, na kuamini kuwa uwezo wa China bado haujafikia vigezo, na kwamba nchi hiyo inaweza kuendelea tu kwa kutegemea hakimiliki ya ubunifu yaw engine ama siri za kiufundi.
Kimsingi, maoni kama hayo yanaangalia maendeleo ya teknolojia ya dunia kutoka kwenye nadhari ya kibaguzi, kama vile maendeleo kidogo ya teknolojia ya nchi nyingi nyingine inatokana na wizi ama siri zilizovuja za Marekani, bila hivyo, haiwezekani kabisa kwa nchi nyingine kufanya uvumbuzi. Lakini kihalisi, uwekezaji wa China katika utafiti na maendeleo, ukiwakilishwa na Huawei, umekuwa ukiongoza dunia kwa miaka mingi.
Katika Makala yake, kampuni ya Bloomberg ilitoa mifano ya kuthibitisha kuwa hakuna anayehodhi uvumbuzi. Zamani, China ilikuwa imeendelea sana katika utengenezaji wa hariri, kutengeneza karatasi na vyombo vya kauri, lakini baadaye walitambulishwa kwa dunia ya Magharibi. Hivyo, uvumbuzi wa semiconductor ya Huawei ni sehemu tu ya historia ndefu ya ueneaji, ama wizi ukipenda, wa kile ambacho kinaitwa hakimiliki ya ubunifu. Sasa je, vyombo vya habari vya Marekani vinafikiria kuhusu ufafanuzi huu kutokana na mtazamo wa kihistoria na kuweza kuwafanya wasomaji wake kukubaliana na kile kinachoitwa ‘wizi wa hakimiliki ya ubunifu?’
Utandawaza umeleta kuenea kwa ufahamu na baadhi ya teknolojia duniani, hata hivyo, kila mtu anayemudu teknolojia anataka kuidhibiti, na kuna kesi chache za kubadilishana kihalisi teknolojia. Na hii ni bila kuzungumzia sheria ya haki ya ugunduzi na hakimiliki ya ubunifu ili kulinda maslahi ya wabunifu katika jamii ya sasa.
Kuhusu hili, mhadhiri katika Akademia ya Sayansi ya Jamii ya China, Lu Xiang, anasema kama nchi yoyote inataka kutimiza maendeleo kupitia uenezi wa kawaida wa teknolojia, itakuwa ama ni ngumu, ama haina maana kusubiri mpaka teknolojia hiyo itakapopitwa na wakati. Lu anaamini kuwa, China, na kampuni zake, ikiwemo Huawei, zimeendeleza baadhi ya teknolojia ambazo ni za juu zaidi kuliko zile za kampuni za Marekani. Sasa, ingawa Marekani imeweka vikwazo kadhaa vya kiteknolojia kwa China, China bado inategemea juhudi zake yenyewe kuendelea kujipatia upenyo. Kinyume na hapo, Marekanim nchi kubwa inayopeleleza nchi nyingine duniani, inaendelea kusisitiza ulinzi wa hakimiliki za ubunifu, huku ikiendelea kutumia njia za kimwamba kukandamiza kampuni zinazoendelea za nchi nyingine.
Inashangaza sana kwamba vyombo vya habari vya Marekani vinashutumu uvumbuzi huru wa China kuwa ni ‘upotokaji’ na ‘uchokozi,’ na wakati huohuo, kutetea ‘vizuizi vya kiufundi.’ Ni wazi kwamba, Marekani inataka kudumisha mamlaka yake inayoonekana katika Nyanja zote, ikiwemo teknolojia, lakini hakuna nchi inayoweza kuzuia maendeleo ya teknolojia mpya yanayofanywa na kampuni ya nchi nyingine, na hakuna kampuni yoyote duniani inayoweza kuongoza dunia kupitia wizi.
Kama Marekani ikiendelea na mtazamo wake huo potofu, ni wazi kuwa haitafanikiwa. Nchi zote duniani zinaunganika katika zama hizi za utandawazi, ambazo zinaweka wazi kuwa, aina hii ya mtazamo haitfanya kazi kamwe. Zaidi, kuboresha kwa pamoja maendeleo ya sayansi na teknolojia kupitia ushirikiano ni mwelekeo ambao Marekani haiwezi kuupinga.
