Maji ni Mtego wa Umasikini (poverty trap)


Zitto

Zitto

MP Kigoma Urban
Joined
Mar 2, 2007
Messages
1,301
Likes
2,676
Points
280
Zitto

Zitto

MP Kigoma Urban
Joined Mar 2, 2007
1,301 2,676 280
Changamoto ya Maji inachangia sana kuwashikilia watu wa vijijini kwenye dimbwi la umasikini na kuongeza tofauti ya kipato Kati ya mijini na vijijini na kati ya wenye nacho na wasio nacho. Gharama za maji ni kubwa mno maeneo ya vijijini kiasi kwamba zinazidi wastani wa pato la mtu mmoja ( per capital income) kwa siku nchini Tanzania.

“Pato la Taifa mwaka 2016 lilikuwa shilingi milioni 103,744,606 kwa bei za mwaka husika. Aidha, idadi ya watu Tanzania Bara ilikadiriwa kuwa watu 48,676,698 mwaka 2016. Hivyo, Pato la wastani la kila mtu lilikuwa shilingi 2,131,299 mwaka 2016 ikilinganishwa na shilingi 1,918,897 mwaka 2015, sawa na ongezeko la asilimia 11.1. Pato la wastani kwa kila mtu katika Dola za Marekani liliongezeka kutoka Dola 967.5 mwaka 2015 hadi Dola 979.1 mwaka 2016 ikichangiwa na kupungua kwa kasi ya kushuka kwa thamani ya shilingi ya Tanzania. Mwaka 2015, shilingi ya Tanzania ilipungua thamani dhidi ya dola ya Marekani kwa asilimia 16.8 ikilinganishwa na asilimia 8.8 mwaka 2016.” Hali ya Uchumi wa Taifa Juni 30, 2017. Kwa kutumia takwimu hizi za Serikali Ina maana kila Mtanzania ana kipato cha wastani wa shilingi 2.1 milioni Sawa na USD 980 kwa mwaka.

Hanang wanatumia kipato chao kikubwa kununua Maji

Mwananchi wa kijiji cha Gehandu Huko Hanang Mkoa wa Manyara ananunua maji pipa moja la lita 200 kwa shilingi 7000 na familia moja inahitaji angalau pipa moja kwa siku kwa matumizi ya kujibana kabisa ya maji. Kwa hiyo mwananchi huyu atahitaji takribani shilingi 2.5 milioni kwa mwaka kwa ajili ya Maji tu ya kutumia yeye na familia yake. Kwa familia ya Watu 6, huu ni wastani wa 16% ya kipato cha kila mwanafamilia hata mtoto mdogo wa siku 1 kutumika kununua Maji.

Hivyo familia moja inatumia wastani wa kipato cha mtu mmoja kwa mwaka kwa ajili ya Maji tu. Lazima familia hii iendelee kushikwa kwenye mtego wa umasikini. Mwananchi mmoja kijijini Gehandu alitueleza kuwa bajeti yake yote inaishia kwenye maji wakati wa kiangazi. Alieleza kwa uchungu sana namna anaamka saa 10 alfajiri kufuata Maji kilometa 20 kutoka nyumbani kwake na huko huchukua muda mrefu kwani foleni ni kubwa sana. Hanang hutumia sana Punda kubeba Maji na hubidi wakati mwengine kuyafuata mpaka mkoa jirani wa Singida.

Mijini ni tofauti

Miji mingi nchini kwetu hupata maji kutoka mamlaka za Maji safi na salama. Wastani wa bei ya maji kwa pipa la lita 200 kwa mamlaka za maji nchini ni shilingi 300 tu. Mwananchi wa Uzunguni jijini Arusha au Mikocheni jijini Dar es Salaam au Shanty Town Manispaa ya Moshi au Capri Point jijini Mwanza hutumia wastani wa shilingi 108,000 kwa mwaka kama gharama za Maji kwa familia yake. Ikumbukwe kuwa maji yanayosambazwa na Mamlaka za Maji Mijini ni masafi, yana madawa ya kuua wadudu wanaosababisha magonjwa kama kuhara nk. Mtu wa mjini haoni mzigo mkubwa wa matumizi ya Maji kwenye kipato chake kwani ni chini ya 1% ya wastani wa kipato cha familia ( wastani wa familia 1 watu 6 ). Wakati kule Hanang familia itatumia kipato chote cha mwanafamilia mmoja kununua maji ya familia nzima, Arusha au Dar es Salaam familia itatumia 4% tu ya kipato cha mwanafamilia kugharamia maji ya familia nzima. Hii ni nchi moja yenye mataifa mawili!

Ni zaidi ya Maji

Kwa kuwa maji yanayotumiwa na watu wa vijijini si safi na salama, Wananchi hao hutumia fedha nyingine nyingi zaidi kwenye matibabu kutokana na magonjwa kama kuhara, kichocho, typhoid, amoebae na kadhalika. Serikali inaingia gharama kubwa kununua madawa ya kutibu magonjwa haya kwa watu wa vijijini pale ambapo dawa hizi zinapatikana. Lakini pia nguvu ya kufanya kazi za uzalishaji hupungua kwa sababu ya Watu kuwa na siha duni na hivyo mzunguko wa umasikini kuendelea kuzunguka. Kwa nchi ambayo haina Mfumo madhubuti wa Bima ya Afya kwa Wananchi wake, gharama za Afya kwa masikini ni kubwa mno.

Tufanye nini?

Serikali yeyote makini lazima ijikite kwenye kuboresha hali ya maisha ya Wananchi wake kwa kuwaondolea vikwazo vya Maendeleo na kuvunja mitego ya umasikini ( poverty traps ) inayowashika na kuwadidimiza kwenye umasikini. Maji safi na salama kwa gharama nafuu yaweza kuwa ni hatua kubwa ya kuwaondoa Wananchi kwenye mtego mmoja wapo wa umasikini ( water poverty trap ). Hivyo Serikali iwekeze vya kutosha kwenye usambazaji wa Maji vijijini.

Miradi ya Maji sio miradi rahisi sana hivyo kunahitajika fikra mpya Katika kupata fedha za kujenga miradi ya Maji, kutunza vyanzo vya maji na kuendesha miradi ya Maji. Katika kata ambazo ACT Wazalendo ina madiwani tumeona tufanye majaribio ya ushiriki wa Wananchi kupitia Jumuiya za watumiaji Maji na sekta binafsi Katika kusambaza maji na kuendesha miradi ya Maji. Tunafanya majaribio haya kata za Tomondo Morogoro, Gehandu Hanang na Sumbugu Misungwi. Kupitia majaribio haya tutaweza kuboresha na kushawishi sera ya Taifa ya Maji kutokana na ushahidi kwenye kata hizi.

Ni vizuri Serikali kutazama upya vipaumbele vyake vya kimaendeleo. Kwa mfano kuna tija kujenga barabara ya Morocco - Mwenge Kwa shilingi 80 bilioni wakati Wananchi wa Tomondo, Morogoro wanakunywa Maji na mifugo?
 
vallentino86

vallentino86

JF-Expert Member
Joined
Jan 4, 2014
Messages
514
Likes
176
Points
60
vallentino86

vallentino86

JF-Expert Member
Joined Jan 4, 2014
514 176 60
Nimeisoma mada ya Mh. Zitto na kuielewa vizuri, jukumu la usambazi maji ni la wananchi na Serikali. Wananchi tunatakiwa kuonyesha juhudi fulani ili kuivutia Serikali kuongeza nguvu katika kutimiza lengo la kupata MAJI SAFI NA SALAMA.
 
stanleyRuta

stanleyRuta

JF-Expert Member
Joined
Jul 19, 2014
Messages
670
Likes
231
Points
60
stanleyRuta

stanleyRuta

JF-Expert Member
Joined Jul 19, 2014
670 231 60
Tangu mwaka huu uanze leo ndio umezungumza jambo la maana.

Tunataka viongozi wa kisiasa waikosoe na kui-challange serikali kwa hoja za msingi na sio kuleta hoja za kuchochea chuki, udini, ukabila, kuhamasisha maandamano yasiyokuwa na tija na mwisho wa siku wanaokuja kuumia ni wananchi masikini na sio nyie ambao mmeanzisha uchochezi.
Hapa watu tunaongelea maji jombaa.....haya mambo ya uchochezi pelekeni huko.
 
E

Eudorite

JF-Expert Member
Joined
Dec 28, 2014
Messages
1,082
Likes
646
Points
280
E

Eudorite

JF-Expert Member
Joined Dec 28, 2014
1,082 646 280
Tunashindwaje kuchimba visima kila ward ikiwa tuna pesa za kununulia Vichwa vya treni visivyokuwa na mwenyewe?
Unauhakika kwamba kila WARD ina maji chini ya ardhi?

Si kila mahala pana maji chini ya ardhi.
 
Mwifwa

Mwifwa

JF-Expert Member
Joined
Apr 3, 2017
Messages
29,082
Likes
75,358
Points
280
Age
18
Mwifwa

Mwifwa

JF-Expert Member
Joined Apr 3, 2017
29,082 75,358 280
Unauhakika kwamba kila WARD ina maji chini ya ardhi?

Si kila mahala pana maji chini ya ardhi.
Unashauri nini kwenye zile Ward ambazo water table ipo karibu?

Kwenye zile Ward ambazo water table haipo karibu, unafikiri wanapata wapi maji kwa ajili matumizi muhimu ya nyumbani?

Kama wanayapata kwenye Ward iliyopo jirani yenye water table iliyokaribu, mtawasaidiaje hao watu na hiyo adha ya kutembea umbali mrefu kwenda kutafuta maji?
 
E

Eudorite

JF-Expert Member
Joined
Dec 28, 2014
Messages
1,082
Likes
646
Points
280
E

Eudorite

JF-Expert Member
Joined Dec 28, 2014
1,082 646 280
Unashauri nini kwenye zile Ward ambazo water table ipo karibu?

Kwenye zile Ward ambazo water table haipo karibu, unafikiri wanapata wapi maji kwa ajili matumizi muhimu ya nyumbani?

Kama wanayapata kwenye Ward iliyopo jirani yenye water table iliyokaribu, mtawasaidiaje hao watu na hiyo adha ya kutembea umbali mrefu kwenda kutafuta maji?
Ushauri wangu ni kwamba.

1. Ufanyike utafiti kubaini maeneo yenye maji safi na salama chini ya ardhi. Utafiti uonyeshe kiasi cha maji kilichopo na uwezo wa kila chanzo.

2. Ufanyike utafiti kubainisha ni maeneo yepi yanafaa kupatiwa maji kutoka kwa kila chanzo kilichobainishwa.

Mfano. Iwekwe bayani ni wapi panatakiwa kupewa majo ya kimbiji na ni wapi panatakiwa kupata maji kutoka ziwa victoria. Tanganyika nk.

3. Mwisho miradi nikubwa ya kusambaza maji ianzishwe iwe kama ilivyo miradi ya REA au ya UMEME.

Kwamba tuaanza na wilaya hii na mwakani wilaya ingine inafuatia.

Hili la kutaka kisima kila kijiji ni kupoteza muda pesa na direction. Ni kwamba haiwezekani maana huko vijijini waliopewa visima wameshindwa kuvifanyia ukarabati na vimejifia.
 
E

Eudorite

JF-Expert Member
Joined
Dec 28, 2014
Messages
1,082
Likes
646
Points
280
E

Eudorite

JF-Expert Member
Joined Dec 28, 2014
1,082 646 280
Unashauri nini kwenye zile Ward ambazo water table ipo karibu?

Kwenye zile Ward ambazo water table haipo karibu, unafikiri wanapata wapi maji kwa ajili matumizi muhimu ya nyumbani?

Kama wanayapata kwenye Ward iliyopo jirani yenye water table iliyokaribu, mtawasaidiaje hao watu na hiyo adha ya kutembea umbali mrefu kwenda kutafuta maji?
Mwisho Wizara ya maji iajiri watu wa kusimamia miradi yao huko vijijini.

Wizara ya afya haikabidhi zahanati kwa wanakijiji.

Wizara ya kilimo inao wataalamu vijijini.

Wizara ya maji ikisha chimba kisima kijijini inaondoka. Hapo kisima hukosa mmiliki na huishia kujifia.
 
B

Brain-app

JF-Expert Member
Joined
Jul 22, 2018
Messages
370
Likes
266
Points
80
B

Brain-app

JF-Expert Member
Joined Jul 22, 2018
370 266 80
Tangu mwaka huu uanze leo ndio umezungumza jambo la maana.

Tunataka viongozi wa kisiasa waikosoe na kui-challange serikali kwa hoja za msingi na sio kuleta hoja za kuchochea chuki, udini, ukabila, kuhamasisha maandamano yasiyokuwa na tija na mwisho wa siku wanaokuja kuumia ni wananchi masikini na sio nyie ambao mmeanzisha uchochezi.
Jambo gani mojawapo Zitto alilosema ambalo wewe unatafsiri ni uchochezi?
Weka hapa tafsiri ya uchochezi.
 
jingalao

jingalao

JF-Expert Member
Joined
Oct 12, 2011
Messages
27,109
Likes
17,827
Points
280
jingalao

jingalao

JF-Expert Member
Joined Oct 12, 2011
27,109 17,827 280
Hii miradi ya majaribio ilishakamilika?
 
N

NapigA

Member
Joined
Dec 6, 2018
Messages
21
Likes
4
Points
5
N

NapigA

Member
Joined Dec 6, 2018
21 4 5
Amini nakwambia. ..watu wamezoea maisha ya purukushani .

Ukiwawekea ustaarabu wanaharibu miundo mbinu. ..hasa visima.

Swala la kwenda kutafuta maji ni kichaka cha kufanya mambo mengi kijijini
 
K

kamwamu

JF-Expert Member
Joined
May 18, 2014
Messages
1,605
Likes
764
Points
280
K

kamwamu

JF-Expert Member
Joined May 18, 2014
1,605 764 280
Tatizo ambalo naliona kwa wanainchi ni kwamba wanapenda mteremko sana. Niliishigi Kwimba nakumbuka tulifanyaga mpango wa kupata maji ya bomba tukajichanga changa sisi watumishi wa tatu tukavuta maji yakaja. Cha ajabu nashangaa mama mwenye nyumba akaja na biashara yake ya mama ntilie.

Mi nasema wacha wengine wakose maji tu na waumwe matumbo kwa sababu hawataki kuwajibika maana wanataka maji alafu kuyalipia hawataki.

Mimi nilifundishwa na baba yangu kwamba unafanyia kazi kila kitu. Wanainchi waonyeshe njia sio kukaa na kuletewa mradi
Ni wajibu wananchi kujiletea maendeleo, na serikali INA wajibu mkubwa wa kusimania juhudi hizo za wananchi. Kuna mgawanyo, wa yapi yafanwe na wananchi na yapi na serikali. Bahati mbaya tunapishana ktk vipaumbele. Hakuna mbadala wa kupata maji zaidi ya mabomba, visima au mabwawa, lakini watalii kuja nchini wanaweza kuja nchini kwa ndege za mashirika mengine.
 
T

treborx

JF-Expert Member
Joined
Jul 11, 2015
Messages
4,517
Likes
2,079
Points
280
T

treborx

JF-Expert Member
Joined Jul 11, 2015
4,517 2,079 280
Bw. Zitto, Hao walioshindwa kumaliza tatizo la maji kwa miaka zaidi ya 50 huko vijijini wanapata kura nyingi sana huko kila uchaguzi. Kwa hiyo watu wa vijijini wako happy na hali yao hiyo. Leave them alone.
 
K

kamwamu

JF-Expert Member
Joined
May 18, 2014
Messages
1,605
Likes
764
Points
280
K

kamwamu

JF-Expert Member
Joined May 18, 2014
1,605 764 280
Bw. Zitto, Hao walioshindwa kumaliza tatizo la maji kwa miaka zaidi ya 50 huko vijijini wanapata kura nyingi sana huko kila uchaguzi. Kwa hiyo watu wa vijijini wako happy na hali yao hiyo. Leave them alone.
Nasikitika kwamba unawasemea watu wa vijijini tena kwa hasi! Vijijini wanaonewa sana, hata hizo kura usemazo naamini si za utashi wao. Wakati majumba mjini yanavunjwa kupisha magorofa, wao zahanati bati zinavuja!
 
M

Maendeleo - Siasa

Member
Joined
May 28, 2018
Messages
5
Likes
3
Points
3
M

Maendeleo - Siasa

Member
Joined May 28, 2018
5 3 3
Changamoto ya Maji inachangia sana kuwashikilia watu wa vijijini kwenye dimbwi la umasikini na kuongeza tofauti ya kipato Kati ya mijini na vijijini na kati ya wenye nacho na wasio nacho. Gharama za maji ni kubwa mno maeneo ya vijijini kiasi kwamba zinazidi wastani wa pato la mtu mmoja ( per capital income) kwa siku nchini Tanzania.

“Pato la Taifa mwaka 2016 lilikuwa shilingi milioni 103,744,606 kwa bei za mwaka husika. Aidha, idadi ya watu Tanzania Bara ilikadiriwa kuwa watu 48,676,698 mwaka 2016. Hivyo, Pato la wastani la kila mtu lilikuwa shilingi 2,131,299 mwaka 2016 ikilinganishwa na shilingi 1,918,897 mwaka 2015, sawa na ongezeko la asilimia 11.1. Pato la wastani kwa kila mtu katika Dola za Marekani liliongezeka kutoka Dola 967.5 mwaka 2015 hadi Dola 979.1 mwaka 2016 ikichangiwa na kupungua kwa kasi ya kushuka kwa thamani ya shilingi ya Tanzania. Mwaka 2015, shilingi ya Tanzania ilipungua thamani dhidi ya dola ya Marekani kwa asilimia 16.8 ikilinganishwa na asilimia 8.8 mwaka 2016.” Hali ya Uchumi wa Taifa Juni 30, 2017. Kwa kutumia takwimu hizi za Serikali Ina maana kila Mtanzania ana kipato cha wastani wa shilingi 2.1 milioni Sawa na USD 980 kwa mwaka.

Hanang wanatumia kipato chao kikubwa kununua Maji

Mwananchi wa kijiji cha Gehandu Huko Hanang Mkoa wa Manyara ananunua maji pipa moja la lita 200 kwa shilingi 7000 na familia moja inahitaji angalau pipa moja kwa siku kwa matumizi ya kujibana kabisa ya maji. Kwa hiyo mwananchi huyu atahitaji takribani shilingi 2.5 milioni kwa mwaka kwa ajili ya Maji tu ya kutumia yeye na familia yake. Kwa familia ya Watu 6, huu ni wastani wa 16% ya kipato cha kila mwanafamilia hata mtoto mdogo wa siku 1 kutumika kununua Maji.

Hivyo familia moja inatumia wastani wa kipato cha mtu mmoja kwa mwaka kwa ajili ya Maji tu. Lazima familia hii iendelee kushikwa kwenye mtego wa umasikini. Mwananchi mmoja kijijini Gehandu alitueleza kuwa bajeti yake yote inaishia kwenye maji wakati wa kiangazi. Alieleza kwa uchungu sana namna anaamka saa 10 alfajiri kufuata Maji kilometa 20 kutoka nyumbani kwake na huko huchukua muda mrefu kwani foleni ni kubwa sana. Hanang hutumia sana Punda kubeba Maji na hubidi wakati mwengine kuyafuata mpaka mkoa jirani wa Singida.

Mijini ni tofauti

Miji mingi nchini kwetu hupata maji kutoka mamlaka za Maji safi na salama. Wastani wa bei ya maji kwa pipa la lita 200 kwa mamlaka za maji nchini ni shilingi 300 tu. Mwananchi wa Uzunguni jijini Arusha au Mikocheni jijini Dar es Salaam au Shanty Town Manispaa ya Moshi au Capri Point jijini Mwanza hutumia wastani wa shilingi 108,000 kwa mwaka kama gharama za Maji kwa familia yake. Ikumbukwe kuwa maji yanayosambazwa na Mamlaka za Maji Mijini ni masafi, yana madawa ya kuua wadudu wanaosababisha magonjwa kama kuhara nk. Mtu wa mjini haoni mzigo mkubwa wa matumizi ya Maji kwenye kipato chake kwani ni chini ya 1% ya wastani wa kipato cha familia ( wastani wa familia 1 watu 6 ). Wakati kule Hanang familia itatumia kipato chote cha mwanafamilia mmoja kununua maji ya familia nzima, Arusha au Dar es Salaam familia itatumia 4% tu ya kipato cha mwanafamilia kugharamia maji ya familia nzima. Hii ni nchi moja yenye mataifa mawili!

Ni zaidi ya Maji

Kwa kuwa maji yanayotumiwa na watu wa vijijini si safi na salama, Wananchi hao hutumia fedha nyingine nyingi zaidi kwenye matibabu kutokana na magonjwa kama kuhara, kichocho, typhoid, amoebae na kadhalika. Serikali inaingia gharama kubwa kununua madawa ya kutibu magonjwa haya kwa watu wa vijijini pale ambapo dawa hizi zinapatikana. Lakini pia nguvu ya kufanya kazi za uzalishaji hupungua kwa sababu ya Watu kuwa na siha duni na hivyo mzunguko wa umasikini kuendelea kuzunguka. Kwa nchi ambayo haina Mfumo madhubuti wa Bima ya Afya kwa Wananchi wake, gharama za Afya kwa masikini ni kubwa mno.

Tufanye nini?

Serikali yeyote makini lazima ijikite kwenye kuboresha hali ya maisha ya Wananchi wake kwa kuwaondolea vikwazo vya Maendeleo na kuvunja mitego ya umasikini ( poverty traps ) inayowashika na kuwadidimiza kwenye umasikini. Maji safi na salama kwa gharama nafuu yaweza kuwa ni hatua kubwa ya kuwaondoa Wananchi kwenye mtego mmoja wapo wa umasikini ( water poverty trap ). Hivyo Serikali iwekeze vya kutosha kwenye usambazaji wa Maji vijijini.

Miradi ya Maji sio miradi rahisi sana hivyo kunahitajika fikra mpya Katika kupata fedha za kujenga miradi ya Maji, kutunza vyanzo vya maji na kuendesha miradi ya Maji. Katika kata ambazo ACT Wazalendo ina madiwani tumeona tufanye majaribio ya ushiriki wa Wananchi kupitia Jumuiya za watumiaji Maji na sekta binafsi Katika kusambaza maji na kuendesha miradi ya Maji. Tunafanya majaribio haya kata za Tomondo Morogoro, Gehandu Hanang na Sumbugu Misungwi. Kupitia majaribio haya tutaweza kuboresha na kushawishi sera ya Taifa ya Maji kutokana na ushahidi kwenye kata hizi.

Ni vizuri Serikali kutazama upya vipaumbele vyake vya kimaendeleo. Kwa mfano kuna tija kujenga barabara ya Morocco - Mwenge Kwa shilingi 80 bilioni wakati Wananchi wa Tomondo, Morogoro wanakunywa Maji na mifugo?
Tanzania tumekuwa tukilalamika kwa muda mrefu kuwa tunawekewa vikwazo kwenye misaada kwa sababu ya Ushoga. Nikakumbuka magojwa makuu ya Tanzania kuwa ni Ujinga, Umasikini, na Kukosa maarifa (maradhi). Kama tumeshindwa kutofautisha kati ya ushoga na Tabia mbaya kweli wanasiasa na wasomi (phd na maprofesa) bado tunasumbuliwa na ujinga.

Nini Maana ya shoga (Gay)

> Ni mtu ambaye anaongea kama mwanamke na tabia zake zinakuwa kama mwanamke siyo ugonjwa wa kujitakia lakini lazima aheshimiwe kwa sababu yupo hivyo kutokana na maumbile na tabia zake

Tafsiri wa Watanzania (tabia mbaya)

> Tumekuwa tukimtafisiri shoga kama ni mtu ambaye anafanya mapenzi kinyume cha maumbile, 'hii ni tabia tu' ambayo mtu anakuwa nayo kwa kujitakia kwa hiyo ni tabia mbaya ambayo mwanamke na mwanaume wanayo kwa sasa.

Wapi tujitoe ujinga.

> Ni muda watanzania tukafocus kwenye mipango miji (Master plan) ili kuwa na mipango endelevu la sivyo tutasubiri sana kupata maendeleo na itakuwa less developing country milele (Shithole).
 

Forum statistics

Threads 1,238,878
Members 476,223
Posts 29,335,219