Bila kujali faida au hasara: Swali moja kuu: KWANINI WASIPEWE ENEO JIPYA WAFANYE HUO MRADI< NA WATAKE KALOLENI TU? Sehemu zote duniani zina maeneo ya Kihistoria, na Kaloleni ni Mji mpya baada ya uhuru wa Tanganyika, so ni lazima ubaki kama ulivyo kwa Historia ya baadaye. Waende wakajenge Ngaramtoni au Maji ya Chai kwenye nafasi tele. Huu uhuni wa kubomoa nyumba za watu na kujifanya wanafanya maendeleo ukome! Hata Mumbai ulijengwa baada ya Bombay, yashindikana nini kwa Arusha kuanzisha mji mpya kule Kisongo au Goma Estates?
Hapo kwenye nyekundu ndugu yangu unazungumzia kitu kile kile na wala Mumbai na Bombay si miji miwili tofauti, Mumbai ni kwa Lugha ya India na Bombay ni tafsiri ghafi (corrupt name) ya waingereza kwa jina Mumbai. Kama hoja yako ya Kaloleni uliijenga kuonyesha kwamba Mumbai ilijengwa nje ya Bombay badala ya kuibomoa Bombay basi umepotoka na inabidi ujipange upya.
Kwenye hoja hii ya Kaloleni kwanza nimpongeze Lema kwa aliyoyasema lakini hapo hapo nimlaumu yeye binafsi kwa kutokujua kwamba kwenye siasa hakuna nguvu (one men Show) ya mtu mmoja. Maamuzi ya kisiasa yanaongozwa na kura na anayeshinda ndiye MSHINDI hata kama hakubaliki na upande mwingine au hana "uwezo" wa kuwa "kiongozi" kwa kukidhi matarajio ya wengi.
Madiwani wa CHADEMA waliofukuzwa "nasikia" walihoji kwa nini wao waendelee kutomtambua Meya wakati wabunge wa CHADEMA hawakumtambua Rais lakini wanaingia Bungeni na Posho wanachukua, kwa nini wao wasiingie kwenye vikao kama wabunge wao? Lema alisimamia kwamba jamaa ni wasaliti na ni lazima wafukuzwe chamani, Leo hii yuko mpweke na anatumia nguvu nyingi sana kujihalalisha kwenye jamii ile ile iliyomchagua kuwa mbunge wao.
Kuna mambo mawili Lema yuko sahihi kabisa. La kwanza kuhusu ushirikishwaji wa wananchi na la Pili ni kuhusu ni kwa nini Kaloleni na si Goma Estates au Kisongo kama wengi wanavyopendekeza. Kama kuna tatizo ambalo ni kubwa na linaleta sintofahamu kwenye Halmashauri nyingi ni hili la ugawaji maeneo ambayo yana watu tayari kwa ajili ya uendelezaji wa miji.
Halmashauri ina wajibu wa kupanga miji yake (Town Planning) lakini kwa sababu wanazozijua wenyewe miji haipangwi badala yake sehemu kubwa ya miji yetu ni Squaters. Kwa mujibu wa Wizara ya Ardhi ni asilimia moja tu ya nchi yetu ndiyo imepimwa na kurasimishwa, kwa maana nyingine Halmashauri inakuwa na nguvu (Upper hand) ya kidhalimu ya kupora ardhi za wanyonge kwa kisingizio lcha "hili eneo halijapimwa" bila ya mtu yeyote kuonyesha kujali.
Mambo yanayoendelea Arusha ni mgogoro wa Ardhi na utatuzi wake ni kwenda Mahakamani kwani hakuna sababu ya kupoteza tena maisha ya watu wengine. Ardhi yote ya Tanzania kwa mujibu wa Katiba yetu na sheria mbalimbali za Ardhi iko chini ya Udhamini wa Rais na sisi wengine wote ni wapangaji (tenants) na hapo ndipo vilipo viburi vya watendaji mbalimbali wa Halimashauri wa Arusha wakiwemo.
Wana kaloleni na wengineo wanaweza porwa ardhi yao na njia sahihi si kulalamika au kuandamana lakini ni kuchukua hatua za kupinga na kujiunga pamoja dhidi udhalimu unaokusudiwa kufanywa kwao, Lema awe ni alama (symbol) tu ya upingaji wenyewe na msaada "kwenye tuta" lakini wana Kaloleni ndiyo wawe wahusika wakubwa.
Watendaji wa Halmashauri zetu wamerithi tabia za watendaji wa zama za ukoloni ambao waliona ushirikishwaji wa wananchi ni jambo lililokuwa linahesabika kama ni kuwadekeza "natives", Na hapo ndipo wengine tunapopigana mfumo mzima wa kuendesha serikali za mitaa ufumuliwe na kujengwa upya ili watendaji wa Halmashauri waajiriwe na Halmashauri husika na waingie mkataba na madiwani wa Halimashauri kwa masharti ya kuitumikia jamii husika kwa malengo tarajiwa.
Leo hii Mkurugenzi wa Halmashauri ya Arusha kaajiriwa na TAMISEMI inayoongozwa na Mkuchika ambaye ni sehemu ya Mgogoro wa Arusha unafikiri kuna nafasi ya Lema kusikilizwa naye? Mbunge ni diwani tu kwenye Halmashauri na cheo chake cha Ubunge huishia dodoma kwenye vikao vyao vya kupandisha posho.
DONT QUOTE ME WRONG!!
