Kuna wabunge 'wanavaa kombati bungeni' - wapime wenyewe

[Shark]

Jadilini hoja sio mavazi, mbona Serukamba alitamka F..... Akiwa na vazi la suti.?

Wezi wa EPA, Kagoda, Meremeta, Deep Green wote wanavaaga Suti na bado "wakatupiga"

 

[Tuko]

Yani siku hizi magamba yakiona kombati yanajisikia kwenda haja mara kwa mara...

 

[Criss]

Ni mwanzo mzuri, ukionana hadi vazi lako nalo nitishio kwa adui zako yakupasa usimame na kum2kuza Mungu.Hii ni dalili tosha kua adui ameishiwa mbinu na hana majawabu tena....Yawezekana hawana uweredi wa kuchangamana na watu wenye hisia changamfu ,kwa hatua yao tu yakuona sasa mavazi ya aina fulani ni tatizo kuliko tatizo lenyewe na kuzalisha mafungu ya maswali_1_ Vazi hili linamuda gani tangu lianze kutumika humo? _2_ kwanini vazi hili lionekane tatizo kwa sasa na sio kabla? _3_ yawezekana kiti hakina uelewa wakutosha na mambo ya sheria (kanuni za Bunge)? _3_ Ni madhara kiasi gani tume sababishiwa na kiti kutokana na udhaifu huo?_4_ Je Bunge letu linamuda waktosha kujadili hata visivyo na tija kwa taifa? Kwa mbaali naanza kuuona upepo wa mabadiliko ukiezua paa ya miungu watu.

 

[nngu007]

Ndugu wana JF, leo jioni kabla Naibu Spika Job Ndungai hajahairisha shughuli za bunge hadi kesho asubuhi amesema wabunge kadhaa wamemwandikia vikaratasi wakimwuliza kuhusu vazi la wabunge wanapokuwa bungeni na akasema kuna wengine wanavaa kombati. Aliwasomea kanuni fulani kuhusu vazi linalovaliwa bungeni na akawaomba wabunge wote wasome hiyo kanuni na wapime wenyewe na wasisubiri kutolewa nje.

Maswali:
1. Wabunge hao wanaovaa kombati bungeni ni za jeshi gani?
2. Kama wanavaa kombati, ni leo tu wamezivaa au ni leo tu kuvaa kwao kumekiuka kanuni za bunge?
3. Huku siyo kwenda mbali na pengine nia yake si njema?

Sasa Wanaovaa Jacket na Kanzu sio Vazi ?

 

[DALLAI LAMA]

Hao wanaoekerwa wenye hoja Dhaifu walioandika memo kwa naibu spika lazima ni hawa Mwigulu Nchemba,Ole sendeka na Stela manyanya.

 

[afwe]

Sio thread ya kujadiliwa hii! Ni weakness ya mleta thread kwa ajili ya njaa yake

 

[Tukwazane Taratibu]

Wanaweweseka nyinyiemu, shauri yao na bado tunawapiga pale pale, hadi tuwatoe pangoni!

 

[ram]

Tatizo la ndugai ni mmbeya, mnafiki na mwanzilishi wa fujo bungeni, naona anazidiwa kuongoza bunge hata na jenister

Hao wabunge waliomuandikia
vijikaratasi walishindwa nini kusimama hapo bungeni hadharani kutoa
dukuduku lao mpaka waandike vinote huko uchochoroni, mbona wakisimama
kutukana hawaoni shida wala kujificha?

 

[vipik2]

Tatizo la ndugai ni mmbeya, mnafiki na mwanzilishi wa fujo bungeni, naona anazidiwa kuongoza bunge hata na jenister

Ndugai mara nyingi huanzisha fujo Bungeni kutokana na ushabiki wake wa uCCM, Hakukuwa na ulazima wa kushindwa kuwaambia kuwa kanuni zinaeleweka badala yake yeye eti akachimba mkwara wa kuwatoa nje as if wabunge wa CDM hawajui kanuni za Bunge, anyway Mr 6 alikuwa na matatizo yake lakini hakuendekeza upuuzi kama wa Ndugai na mwenzake Bi Kiroboto

 

[Nikupateje]

Hakuna ibara ya katiba ya CHADEMA inayoeleza kwamba mavazi ya wanachama ni aina ya nguo ambazo zinajulikana kama kombati.

Nimemsikia kwamba kama kombati zinazidi kuingia bungeni, basi yanaweza kuanza mashindano ya kuvaa kombati, wengine wakaja na ya kijani.

Cha msingi kuangalia ni kwamba je hilo vazi ni la heshima au vipi. Je, hilo linaloitwa kombati linakatazwa na sheria gani za Tanzania. Maana kombati za jeshi zinakatazwa na wanavaa wanajeshi tu.

Kama kuna sheria inakataza vazi kama wanayovaa viongozi wa CHADEMA basi vazi hilo lipigwe marufuku bungeni na atakayevaa afukuzwe.

Kuna mkuu wa mkoa fulani aliyekuwa mwanajeshi huwa tunasimuliwa kuwa aliwahi kufukuzwa bungeni kwa sababu alivaa nguo isiyostaili. Sijui ni kweli au la.

Mwaka 2006, Samwel Sitta alimtoa nje Amina Chifupa kwa sababu alivaa aina fulani ya kofia.

Lakini mavai ni vigumu kusema yanaishia wapi. Julius Nyerere alikuwa haachani na kifimbo, pamoja na kwamba kilitungiwa majina mengi. Keneth Kaunda hakuachana na kitambaa. Leo mtu akiingia bungeni na kitambaa cheupe kwa mawazo kama haya watamfananisha na mpenzi wa Kingi Kiki mwenye ule wimbo wa {Nainua mikono mama, kitamba cheupe, ishara ya mapenzi mama, Yee Shibola}!

Ibara ya 143 (1) ya kanuni za bunge inasema hivi: {Mbunge anayeingia kwenye Ukumbi wa Bunge atawajibika kuvaa mavazi ambayo ni safi na yenye kuhifadhi heshima yake, hadhi ya Bunge na utamaduni wa nchi, kama ilivyoainishwa katika Kanuni hii.}.

Je, cheni za mguuni wanazovaa wabunge wanawake ni utamaduni wa nchi? Na kama si utamaduni wa Tanzani, je huwa zinasemwa kuwa ni utamaduni wa watu wa aina gani hapa duniani?

Kama sababu ya kukataza kombati ni kwa sababu eti wengine watakuja na za kijani, basi hilo haliwezi kuzuilika kwa sababu mtaani kina mama wanavaliana khanga hadi utachoka.

Humohumo bungeni, je, Mwigulu Nchemba haachani na scarf ya CCM. NI ya CCM kwa sababu inavaliwa na Chipukizi wa CCM na ina rangi za bendera ya CCM tofauti na hizo kombati za CHADEMA ambazo hazina rangi ya Chadema.


Wakati mwingine huwa tunatumia maneno kwa kukurupuka. Hivi neno "Kombati" ni nini? Je, lina maana kama hiyo waliyouliza wabunge bungeni jana?

Hapana. Mimi nimefungua dictionary yangu hii {Kamusi Ya Kiswahili Sanifu, ISBN: 9780195732221}. Kwenye ukurasa wa 192, neno Kombati limefafanuliwa hivi:

Kombati=wingi wa ukombati.

Hapa haikutosha maana ilibidi napo nitafute maana ya ukombati ambayo nimeipata kwenye ukurasa wa 431

Ukombati=
1: ufito mdogo utumikao kujengea nyumba ambao hufungwa kiambazani kabla ya kukandika.
2: mti mwembamba mrefu: uwati

Hivyo, hii ni dhahiri kwamba kumbe neno kombati wanaotaka kukataza zile nguo, basi wanajua walikoliokota. Si neno rasmi la kiswahili na waliodai hivyo hawajui kama wale waliosema neno IMPOTENCY ni matusi.

Kwa hiyo, kwa mujibu wa Kamusi ya Kiswahili, lile vazi linalovaliw amle bungeni si kombati. Ni vazi tu kama mengine. ni vazi la heshima kwa mujibu wa kanuni za bunge nitakazoziorodhesha baada ya maoni yangu haya. Ni vazi ambalo haliko affiliated na Chama kama scarf ya Mwigulu. Haliko affiliated na Chama kama khanga yoyote au fulana yoyote ya chama chochote.

Hakuna tofauti na kofia aliyokuwa anavaa Adam Sapi Mkwawa akiwa popote na hakuwahi kuzuiwa. Kofia ile alikuwa anaenzi utamaduni wa wahehe.

Kama Chadema wakizuiwa kuvaa haya mavazi ambayo kimakosa wanayaita "kombati", basi kuna hatari kesho yake wakaja na suti za kawaida tu lakini zimeandikwa PEOPLEEEEEEEEES POWEEEEEEEER. Je ndilo wanalotaka huko bungeni?

Nimeandika vya kutosha na nimesema kuwa nitaweka hapa chini kanuni za bunge zinazo-guide mavazi mle ili kila mmoja apime hizo wanazoiita kombati zina kosa gani kwa nchi, kimaadili au kanuni za bunge:

*****************
Ibara 146:

(1) Mbunge anayeingia kwenye Ukumbi wa Bunge atawajibika kuvaa mavazi ambayo ni safi na yenye kuhifadhi heshima yake, hadhi ya Bunge na utamaduni wa nchi, kama ilivyoainishwa katika Kanuni hii.

(2) Vazi Rasmi la Spika na Naibu Spika litakuwa ni joho lenye kuonesha rangi za Bendera ya Taifa, Nembo ya Taifa na baadhi ya mazao makuu nchini, lililoshonwa maalumu kwa ajili hiyo, ambalo litavaliwa juu ya vazi lolote ambalo ni vazi rasmi kwa Wabunge.

(3) Vazi rasmi kwa Wabunge litakuwa lolote kati ya yafuatayo:-

(a) Kwa Wabunge wanawake:-

(i) vazi lolote la heshima yaani ambalo si la kubana mwili, lisiloonesha maungo ambayo kwa mila na desturi za kitanzania hayapaswi kuoneshwa na ni refu kuvuka magotini;

(ii) gauni la kitenge au blauzi inayovaliwa na kitenge au sketi ya rangi yoyote;

(iii) kilemba cha kadri au mtandio;

(iv) suti ya kike; na

(v) vazi linalovaliwa wakati wa eda.

(b) Kwa Wabunge wanaume:-

(i) suti ya Kiafrika au safari ya mikono mirefu au mifupi yenye ukosi au shingo ya mviringo na yenye fulana au bila fulana ndani, ya rangi moja, isiyokuwa na nakshi, pamoja au bila baragashia;

(ii) vazi la kimwambao yaani kanzu rasmi na nadhifu, koti, baraghashia na makubadhi au viatu;

(iii) suti kamili ya kimagharibi ya rangi kadri isiyomeremeta;

(iv) koti aina ya blazer na tai, pamoja na suruali yoyote ya heshima; au

(v) tarbushi na kilemba cha Singasinga, au kilemba chochote kinachovaliwa kwa mujibu wa masharti ya imani au mila.

(4) Vazi Rasmi la Katibu na Wasaidizi wake Bungeni litakuwa kama ifuatavyo:-

(a) Kwa Makatibu wanaume:

(i) suti kamili ya kiafrika au safari, yenye ukosi au shingo ya mviringo na mikono mirefu au mifupi ya rangi nyeusi au bluu; au

(ii) suti kamili ya kimagharibi ya rangi nyeusi au bluu na shati jeupe na tai.

(b) Kwa Makatibu wanawake:

Suti ya rangi nyeusi au ya bluu na shati jeupe na tai.

(c) Makatibu na Wahudumu watavaa mavazi maalumu wakati wa shughuli maalumu za Bunge.

(5) Mpambe wa Bunge na Wasaidizi wake ndani ya Ukumbi wa Bunge watavaa mavazi rasmi ambayo yataamuliwa na Spika.

(6) Spika anaweza kwa sababu maalumu, kumruhusu mtu mwingine anayehusika na shughuli za Bunge kuvaa viatu ambavyo sio rasmi.

(7) Mbunge yeyote anaweza kutoa taarifa Bungeni iwapo Mbunge mwingine ataingia kwenye Ukumbi wa Bunge akiwa na mavazi yasiyoruhusiwa kwa mujibu wa Kanuni hii.

(8) Spika atakaporidhika kuwa Mbunge aliyetolewa taarifa kwa mujibu wa fasili ya (7) ya Kanuni hii hajavaa mavazi rasmi ataamuru Mbunge huyo atoke nje ya Ukumbi wa Bunge.

(9) Mbunge aliyetolewa nje kwa mujibu wa fasili ya (8) ya Kanuni hii hataingia ndani ya Ukumbi wa Bunge hadi pale atakapokuwa amevaa mavazi rasmi.

*****************

 

[nyabhingi]

mibunge ya ccm kichwani yanawazia kupiga hela tu,wakiingia bungeni hawana hoja za msingi zaidi ya kuipinga chadema kwa kila hali na wakimpinga zitto kabwe wanatanguliza hili neno"zitto tunakuheshimu sana lakini hapo umekosea"

 

[Dr Ntinkutina.]

Sio thread ya kujadiliwa hii! Ni weakness ya mleta thread kwa ajili ya njaa yake

Kweli, tujadili masuala ya msingi. Mambo ya mavazi bungeni ndiyo wanazungumza leo!. Hilo bunge lina mambo!.

 

[Sometimes]

Na hao wanaojifunga vitambaa vya kijani shingoni ?
Kombat la jeshi gani ? Ile kaki bana kama kaunda suti tuu...

Ni kweli! Wengine wanaidhalilisha bendera ya Taifa kwa kuvaa kama skafu bungeni!

 

[FUSO]

Ndugu wana JF, leo jioni kabla Naibu Spika Job Ndungai hajahairisha shughuli za bunge hadi kesho asubuhi amesema wabunge kadhaa wamemwandikia vikaratasi wakimwuliza kuhusu vazi la wabunge wanapokuwa bungeni na akasema kuna wengine wanavaa kombati. Aliwasomea kanuni fulani kuhusu vazi linalovaliwa bungeni na akawaomba wabunge wote wasome hiyo kanuni na wapime wenyewe na wasisubiri kutolewa nje.

Maswali:
1. Wabunge hao wanaovaa kombati bungeni ni za jeshi gani?
2. Kama wanavaa kombati, ni leo tu wamezivaa au ni leo tu kuvaa kwao kumekiuka kanuni za bunge?
3. Huku siyo kwenda mbali na pengine nia yake si njema?

hoja yako inamsaidiaje mwananchi wa Tunduru kaskazini ambaye jimbo zima halina hata barabara ya lami hata moja, madaraja hayapitiki kipindi cha masika?
mama wajawazito wanajifungulia njiani kuelekea kwenye clinic zisizo na madawa!!

 

[Watu8]

Mbona bi mkubwa huwa anaongezea kitu fulani cha bandia kichwani na hakuna anayemsema...!!!

 

[bushman]

The worst speaker ever east and central africa,badala ya kujadili mambo ya msingi anajadili ujinga tu,Lusinde na mwigulu nchemba mitusi anayoporomosha yote ile anakuwa amevaa kombati????

 

[Joseph]

CCM wakiamua kuvaa sare zao wanaogopa kupigwa mawe na wananchi wakiwa wanatoka mjengoni ndio maana wanaona wivu wengine kuvaa kombati.

 

[KAMINYINGE]

mikofia ya ccm na mitishrt yao inanibore mpaka kichefu chefu nikivalishwa mm nakufa hapo hapo!aka mimi sitaki.

 

[Ambiente Guru]

Wabunge wanavaa MISALABA mikubwa na na HIJABU gubwigubwi, Mwigulu anavaa Scarf za chama chake. Yote hayo Spika anakaa kimya. CDM wanavaa kaunda suti ambayo hata Nyerere alivaa (Tazama picha za Azimio la Arusha). CDM wanamuenzi Nyerere. Spika aliulize Bunge la Uturuki lililowatimua wavaa hijabu.

Nyoka amelala unaitafutia nini miguu yake we Spika????

 

[obwato]

hoja yako inamsaidiaje mwananchi wa Tunduru kaskazini ambaye jimbo zima halina hata barabara ya lami hata moja, madaraja hayapitiki kipindi cha masika?
mama wajawazito wanajifungulia njiani kuelekea kwenye clinic zisizo na madawa!!

Mbunge wako wa Tunduru jana wabunge wenzie wa Tabora wote waliungana kuishambulia serikali kuwa imeisahu Tabora kwa kutokuwa na barabara yeye akajitwika jukumu la waziri kujibu hoja za wabunge wenzie na kutetea jengo lililobomoka Dar, muwe makini mnapochagua wawakilishi msiangalie mfananano wa kabila tu, nasikia hata nyumba hajajenga huko hizo barabara aziombe ili zimsaidie nini?