Kisa mkwara, baba amposa bintiye bure

MziziMkavu

MziziMkavu

JF-Expert Member
Joined
Feb 3, 2009
Messages
40,143
Points
2,000
MziziMkavu

MziziMkavu

JF-Expert Member
Joined Feb 3, 2009
40,143 2,000
Kisa mkwara, baba amposa bintiye bure
Kabla sijakuletea kijistori cha baba mkwe aliyelazimika kumposa bure binti yake baada ya kuchimbwa mkwara, nitoe ushauri kwamba ni lazima mtu ujiamini. Unapokuwa muoga, unaweza kujikuta umeondoka kwenye mstari na kuharibu historia na heshima yako.
Usiwe kama Hamdun ambaye alishawahi kumkuta mkewe anavunja amri ya sita na Jimmy Baunsa, badala ya kuchukua hatua eti akaomba msamaha kwa kuwaingilia. Aliwafumania chumbani kwake, tena kwenye kitanda chake mwenyewe.
Jimmy Baunsa alipomaliza shughuli yake chumbani, akatoka kwa kujiamini, akampita Hamdun amekaa sebuleni, akamuaga: “Kaka mimi natoka.” Hamdun akaendeleza ujuha, akajibu: “Shukurani bro, karibu tena.” Yaani Jimmy anakaribishwa tena!

Ajabu ni kwamba baada ya Jimmy kuondoka ndiyo akaanza kumvaa mkewe kwa maswali. Eti, akamuuliza ni kwa nini amemuingiza mwanaume nyumbani kwake na kufanya naye mapenzi tena chumbani kwenye kitanda chake?
Unajua jinsi mke alijibu? Akampasha mume wake: “Wewe vipi? Katika wanaume na wewe umo? Umeshindwa kumkabili mwanaume mwenzako unakuja kunifuata mimi, hebu ishia zako huko!” Haya sasa!
Wakati nakushauri usiwe kama Hamdun, tatizo la woga lilimfanya baba mkwe ampose mwanaye bure. Unajua kipi hasa kisa na mkasa? Soma mahojiano haya:
MKWE: Yaani unakuja kuposa binti yangu huku unatafuna Big G? Kijana unaleta dharau kwenye nyumba yangu?
MUOAJI: Hapana mzee, sina dharau kabisa. Natafuna Big G kwa sababu mdomo unanuka.
MKWE: Mdomo unanuka? Yaani kijana unanuka mdomo?
MUOAJI: Ndiyo, mdomo unanuka nilivuta sigara.
MKWE: Hee kijana, kumbe wewe ni mvutaji wa sigara?
MUOAJI: Ndiyo mzee, nilivuta jana nilipokunywa pombe wakati nipo klabu.
MKWE: Hii sasa ni kazi, kumbe na pombe unakunywa, wewe ni mlevi?
MUOAJI: Siyo mlevi sana, nilifunza kunywa pombe wakati nipo jela.
MKWE: Mtumee, yaani hata kufungwa ulishafungwa.
MUOAJI: Ndiyo mzee wangu, nilifungwa kwa kosa la kuua.
MKWE: Mungu wangu, kwa maana hiyo wewe ni muuaji!
MUOAJI: Ndiyo, nilimuua mzee mmoja, alikataa posa yangu kwa binti yake, ikabidi nimuulie mbali. Mimi ujinga huwa sipendi.
MKWE: Heeee, basi hakuna shida kijana. Mke nimeshakupa, sasa wewe mwenyewe amua harusi tufanye lini? He he he…!
 
MR. ABLE

MR. ABLE

JF-Expert Member
Joined
Apr 6, 2012
Messages
1,478
Points
1,195
MR. ABLE

MR. ABLE

JF-Expert Member
Joined Apr 6, 2012
1,478 1,195
Nimezipenda story zote.
Keep it up men!!!!
 
W

wakunyata

Member
Joined
Oct 14, 2012
Messages
67
Points
0
W

wakunyata

Member
Joined Oct 14, 2012
67 0
Hii nzuri sana ila topic ilitakiwa isomeke hivi: kisa mkwara, "Baba amuoza bintiye bure." na siyo "amposa"
 

Forum statistics

Threads 1,306,807
Members 502,218
Posts 31,591,781
Top