KERO YA UCHACHE WA VYOO-AIRPORT MWANZA

[mpasta]

KERO YA VYOO UWANJA WA NDEGE MWANZA - WENYE MAMLAKA FANYENI KAZI


Leo nimepata fursa ya kushuhudia hali ambayo, kwa maoni yangu, inahitaji hatua za haraka katika Uwanja wa Ndege wa Mwanza.
Eneo hilo lina vyoo vichache sana kwa ajili ya abiria, ambapo upande wa kutoka abiria kuna vyoo viwili, choo cha kukaa na kingine cha kuchuchumaa, pamoja na tundu moja la haja ndogo. Kama hali hii ni sahihi, ni kero kubwa inayostahili kushughulikiwa, hasa kwa uwanja unaohudumia abiria wengi kutoka ndani na nje ya Tanzania.
Leo nimemshuhudia msafiri mtalii kutoka Ulaya akirudi kutoka chooni akisema hawezi kutumia choo cha kuchuchumaa. Tukio hili linatufanya tujiulize: Je, miundombinu yetu inaendana na hadhi ya Mwanza kama lango muhimu la Kanda ya Ziwa?
Kanda ya Ziwa ni eneo muhimu kiuchumi na lina mchango mkubwa katika shughuli za usafirishaji na biashara. Uwanja wa Ndege wa Mwanza unapaswa kuwa sehemu inayompa msafiri picha nzuri ya Tanzania, si kumfanya ajisikie kwamba huduma za msingi hazitoshelezi.
Wenye mamlaka, tafadhali fanyeni kazi ya kero hii. Vyoo ni huduma ya msingi, na usafi, idadi ya vyoo na uwepo wa vyoo vya kukaa kwa wasafiri mbalimbali si jambo la anasa ni sehemu ya huduma bora na heshima kwa abiria.


Mwanza inastahili huduma bora zaidi. Tanzania inastahili miundombinu inayolingana na hadhi yake.


#MwanzaAirport #Mwanza #KandaYaZiwa #HudumaKwaAbiria #Miundombinu

 

[Isanga family]

Daah Nchi yetu kati ya vitu wasivyojali ni vyoo harafu unaona wapo busy kupiga kelele uchafu wakati kuwa na idadi ndogo ya vyoo sehemu za umma ni moja ya uchafu pia wao wanaona wakijaza vyoo vya kutosha ni starehe kwa abiria..

 

[johnmashilatu]

Kwa uwanja wa Mwanza hiyo hali huniacha mdomo wazi, lakini nafikiri imewekwa kimkakati,. Wakati wa kutoka.

Kutoka hapo na kwingine kote ambako utatumia vyoo vya umma utakumbana na uchafu usioelezeka.

Vyoo vyote vya stendi ya kanda ya ziwani harati kwa afya hasa Geita, Biharamulo, Ngara, Kakonko wanakolazimishwa wasafiri kula, Kasulu, kigoma nk ni balaa.

Huo uwanja wa Mwanza umetelekezwa hauna mtetezi kama. Ilivyo miundombinu mingi ya Tanganyika bila kujali umuhimu wake kwa taifa.

 

[Kennedy]

Airport Inajengwa Haiishi
Week Iliyopita Nilikuwa Hapo Huwezi Amini Kuwa Ni
Airport Kubwa, Yaani Sehemu Za Maegesho Ya Gari Tu Mtihani