JK Kutangaza wakuu wapya wa Mikoa?

[kidi kudi]

ni hatua nzuri inayotawa kuchukuliwa na rais wetu, lakini kinachonishangaza ni pale nionapo jina la mtu kama Chatanda nalo likiwemo kwenye hiyo list ya tetesi. nani asiyemjua huyu? hivi sasa ni miongoni mwa watu wanao-make headline ya kila media! sasa kwa style hii raisi wetu ana haki kweli ya kuwalaumu watenda kazi wake kuwa wanamwangusha ilhali yeye mwenyewe anakaribisha matatizo kwa kuchagua watu bila kufanya maamuzi ya kina? au labda basi ndio tuseme yeye nae anafurahishwa na hali hiyo? kwa kweli kwa uteuzi wa namna hii hautatupatia maisha bora ambayo kila mmoja amekua akiyaona ndotoni ilihaali ndoto hiyo ikiwa ni ngumu kutimia!. Kila la kheri mheshimiwa katika uteuzi wako!!!

 

[Mghaka]

Kuna mwenye mahusiano mazuri na wafanyakazi wa TANAPA ili awaombe watujuze millioni 50 zilizolipwa ofisi ya mkuu wa mkoa Mara zilitakiwa kufanya nini? Je taarifa ya matumizi yake imetolewa? Au ni Ufisadi? Kama ni hivyo Kwa nini Mfuru arudi tena. Usiulize source ni habari sahihi lakini tuidadambue ili tumsaidie Rais asiwarejeshe Mafisadi bila kujua? wapo watu Tanapa wanauchungu wanaweza kutupa taarifa ya uthibitisho.

 

[Mghaka]

Takukuru na usalama wa taifa mnaopita katika jukwaa hili hizo taarifa zifanyieni kazi kuiokoa nchi hii

 

[boma2000]

Nafikiri JK hataki kuwatangaza anataka kuwaonyesha yeye ndiye President semeni weee siku atakayoona inamfaa na wakati muafaka kwake na kapata timu yake anayoipenda mwezi wa saba au wa nane, ataita wandishi wa haabari na kufungua kitabu chake chenye wakuu wapya wa mikoa na wilaya
Hata hivyo hawana manufaa kwa taifa ndiyo maana na yeye JK mpaka sasa haoni sababu ya kuwatangaza

 

[Kiroroma]

RAIS Jakaya Kikwete anatarajiwa kutangaza wakuu wa mikoa wapya wakati wowote kuanzia leo, Mwananchi Jumapili limedokezwa. Habari zilizopatikana kutoka serikalini zinaeleza kuwa orodha ya wakuu hao imeshaandaliwa na kwamba idadi ya wakuu wa mikoa wanawake imeongezeka ikilinganisha na ya sasa.

“Kuna ma DC (wakuu wa wilaya)vijana ambao wamefanya vizuri katika wilaya zao wamepata promosheni (wamepandishwa) kuwa wakuu wa mikoa. Pia kuna ma RC (wakuu wa mikoa) wamepumzishwa kwa sababu ya umri,’’ kilisema chanzo chetu. Baadhi ya wakuu wa mikoa waliotajwa kurudi ni Kanali mstaafu James Simbakali (Kigoma), Kanali Mstaafu Enos Mfuru(Mara), Kanali mstaafu Anatoly Tarimo(Mtwara) na Said Meki Sadiki (Lindi) ambaye kwa sasa anakaimu nafasi hiyo mkoani Dar es Salaam.

Baadhi ya Ma DC wanaotajwa kupata ukuu wa mkoa ni Chiku Galawa ambaye ni mkuu wa Wilaya ya Temeke, Dar es Salaam na DC wa Lushoto. Chanzo hicho kimemtaja Hilda Ngowe, Injinia Stella Manyanya, ambaye ni mbunge wa viti maalumu, pamoja na Mary Chatanda ambaye ni mbunge viti maalumu na Katibu wa CCM mkoani Arusha kuwa ni miongoni mwa wakuu wa mikoa wapya.

Wengine ni Mary Mwajelwa, Mwaka Abdulham Ramadhan, Dk Charles Chizeba ambaye ni Mbunge wa Jimbo la Buchosa mkoani Mwanza na Dk Batilda Buriani ambaye alikuwa Waziri Ofisi ya Makamu wa Rais(Mazingira) katika baraza la mawaziri lililopita. Akiwa katika kampeni za urais, Rais Kikwete aliahidi kuteua wakuu wa mikoa katika mikoa mipya mapema kabla ya kuanza mwaka mpya.

Novemba 24, mwaka huu Rais Kikwete aliteua baraza lake jipya la mawaziri na kubadilisha muundo wa wizara zake. Tangu Rais Kikwete aingie madarakani mwezi Desemba 2005, inakuwa ni mara yake ya pili kufanya uteuzi wa wakuu hao huku akiwa amewafanyia mabadiliko mara moja tu. Kwa mara ya kwanza, Februari 11, 2006 Rais Kikwete aliwaapisha wakuu 21 wa mikoa, wakiwemo 11 wapya na 10 wa zamani. Tukio hilo lilifanyika katika Ikulu ya Chamwino, Dodoma.

Sherehe ambazo zilihudhuriwa na viongozi wakuu wa kitaifa, akiwemo Rais wa Zanzibar Dk Ali Mohamed Shein, ambaye wakati huo alikuwa Makamu wa Rais, Edward Lowassa, aliyekuwa Waziri Mkuu kabla ya kujiuzulu na Waziri wa wa Afrika Mashariki Samuel Sitta wakati huo ambaye alikuwa Spika wa Bunge la Tisa. wakuu wa mikoa walioapishwa wakati huo ni Yussuf Makamba kuwa mkuu wa mkoa wa Dar es Salaam, ambaye kwa sasa ni Katibu mkuu wa CCM, Anatoly Tarimo (Manyara), Ditopile Mzuzuri (Tabora), Daniel Ole Njoolay (Rukwa), Jaka Mwambi (Iringa) na Isidore Shirima(Mara).

Wengine ni William Lukuvi (Dodoma), Enos Mfuru (Kagera), Said Meki Sadiki (Lindi), John Mwakipesile (Mbeya), Henry Shekifu (Mtwara), James Msekela (Mwanza), Christine Ishengoma (Pwani), Johannes Balele (Shinyanga), Monica Mbega (Ruvuma), Parseko Kone (Singida) na Mohammed Abdulaziz (Tanga).
Wengine ni Abbas Kandoro (Arusha), Helima Kasungu (Kigoma), Said Kalembo (Morogoro) na Mohamed Babu (Kilimanjaro).

Hata hivyo, kufuatia kifo cha Ditopile Mzuzuri na kumteua Makamba kuwa Katibu Mkuu wa CCM, Rais alifanya madadiliko kidogo kwa kumhamisha Kandoro mkoa wa Dar es Salaam kutoka Arusha na kumteua Mwinyi Musa ambaye alikuwa ni Mkuu wa Wilaya ya Rungwe kuwa mkoa wa Tabora.

Aprili 15, 2009 aliwabadilisha vituo vya kazi wakuu wa mikoa 11 na kuteua wengine wapya ambapo Lukuvi aliamishiwa Dar es Salaam, Kandoro(Mwanza), Msekela (Dodoma), Mfuru (Mara), Machibya (Morogoro), Kalembo (Tanga), Abdulaziz(Iringa), Amina Mrisho(Pwani) Dk Christine Ishengoma(Ruvuma), Monica Mbega(Kilimanjaro), na Mohammed Babu(Kagera)

CHANZO: Gazeti la Mwananchi

Hii habari Mode haijakaa vizuri,Mwanzoni ilikuwa na heading hii lakini text haikuwa hii.Leo nimeshangaa cotents imebadilika na ku qoute Mwananchi News Paper kama source.Nimerejelea Mwananchi habari hii haipo;Kwa hiyo siyo kweli scrap down this thread please.

 

[nyundo]

Kwa taarifa za kuaminika kutoka chanzo cha karibu kabisa na wakuu wa nchi ni kwamba, Mheshimiwa Rais na wasaidizi wake wa ngazi ya juu serikalini wamekamilisha mchakato wa kuchambua na kuteua wakuu wa wilaya nchi nzima. Habari zaidi zinasema kwamba, JK ameamua kufanya hivyo sasa ili kuongeza nguvu katika serikali yake ambayo inaonekana sasa kukosa watu madhubuti na wapambanaji wa kuisemea serikali sehemu mbali mbali nchini
Jk amesikika akisema kwamba amechoka kusikia lawama kutoka kwa wananchi zikiwa hazipatiwi maelezo stahiki japokuwa kuna wawakilishi aliwateua kila mkoa na kila wilaya kumwakilisha na kuisemea serikali na kutoa maelezo ya nini serikali imefanya na malengo yake katika kipindi kilichopo na kijacho. Pia habari zinasema, katika list hiyo kuna mabadiliko makubwa sana, huku sura za vijana zikionekana kuchukua nafasi kubwa, wakiwemo wanahabari maarufu hapa nchini lengo likiwa ni kupata ushawishi wao kwa vyombo vya habari kuisemea serikali na kupambana na hoja za chadema zinazoonekana kushawishi kundi kubwa la vijana kwa sasa!

 

[SG8]

Thubutu! Ngoja ije katiba mpya, marufuku wakuu wa wilaya

 

[jnuswe]

awatangaze tu, yeye hajajua bado kuwa taizo sio kubadili watu bali tatizo ni mfumo uliooza ! hakuna lolote jipya litatokea hapo

 

[LE GAGNANT]

Anazidi kuogeza gharama za matumizi yasiyo ya lazima, kutakuwa na posho hapo na gharama nyingi tu. Mzigo kwa walipa kodi utazidi kuongezeka kuwagharimia, hawana kazi yoyote ya maana zaidi ya utashi wa kisiasa.

 

[Gurtu]

Atahangaika lakini laana ya wizi wa kura za Watanzania iko pale pale.

 

[malkiory]

Mfumo huu wa utawala ni mzigo kwa taifa, wanafanya kazi gani hawa kama siyo kuwapa ulaji

 

[Tajy]

JK hata mwenyewe ajiweke kuwa ndo mkuu wa wilaya,ni vigumu sana kubadili mitazamo ya wananchi,imani ya watu meshaisha kwake hata kidogo hamna.sijui atamteua nani kuushawishi umma wa watnzania

 

[nyundo]

Kwa kuwa nguvu kubwa ya chadema ipo kwa vijana, wakuu watakaoteuliwa watakuwa na maagizo maalumu ya kufanya kazi ya siasa zaidi kila kona ili kuhakikisha chadema inadhibitiwa kisiasa zaidi ya kidola kwa kuwa utekelezaji wa maagizo ya wakubwa na vyombo vya dola vinaleta picha mbaya kwa wahisani na vyombo vya kimataifa

 

[GunzInTheAir]

kila siku tu watatangazwa hivi karibuni, jamani hivi karibuni ndio siku gani ?

 

[Arafat]

Kumbe kazi ya Wakuu wa wilaya inawafaa waandishi wa habari maana ni kazi ya kusema?! nilikuwa sijui kabisa.

Ahaa wadanganyika wanahitaji maneno siyo maendeleo! maajabu kweli kweli.

 

[mgodi]

Nilifikiri kazi ya wakuu wa wilaya ni kuleta maendeleo kwny wilaya zao, kumbe ni kupambana na upinzani!!

 

[Salimia]

Waziri mkuu Mh. Mizengo Pinda leo asubuhi akijibu swali la Mh. Vicky Kamata juu ya lini wakuu wa mikoa watateuliwa, alisema serikali inasubiri kupata maoni ya mwisho kuhusu jambo hilo toka kwa wadau mbalimbali, na hatua hii huchukua siku 60. Je, hii inaonesha kwamba serikali ilikurupuka kutangaza mikoa hii mipya ilhali haikuwa imejiandaa vya kutosha?

 

[Dume la Mende]

Waziri mkuu Mh. Mizengo Pinda leo asubuhi akijibu swali la Mh. Vicky Kamata juu ya lini wakuu wa mikoa watateuliwa, alisema serikali inasubiri kupata maoni ya mwisho kuhusu jambo hilo toka kwa wadau mbalimbali, na hatua hii huchukua siku 60. Je, hii inaonesha kwamba serikali ilikurupuka kutangaza mikoa hii mipya ilhali haikuwa imejiandaa vya kutosha?

Mkuuu, wewe ndio wakurupuka na si serikali. kilichoongelewa ni mikoa mipya na si mikoa yote. Mikoa iliyopo inahitaji maoni gani toka kwa wadau? Hii ina maana kwamba wakuu wa mikoa mingine watatajwa wakato wowote, ila wa hiyo mikoa mipya ndiyo watasubiri mchakato huo wa maoni. Nawasilisha tu.

 

[reformer]

Watu wengi wenye akili wamekuwa wakihoji..nn kazi ya wakuu wa wilaya na mikoa? Ukifatilia kiundani utagundua hawana kazi yoyote ya maana zaidi ya kuongeza gharama. Toka uchaguzi uishe mpaka leo JK hajateua wakuu wapya wa wilaya na Mikoa. Hiyo inatudhihirishia kuwa hawa jamaa ni mzigo tu, wangekuwa muhimu rais asingeweza kukaa mpaka leo (almost a year) bila kuappoint hawa watu. Hii kada ifutwe. Najua magamba hawawezi kufanya hivyo, hii ni rai yangu kwa CDM tutakapochukua nchi mwakani baada ya nguvu ya umma kuyatoa magamba madarakani.

 

[Mvaa Tai]

Wana kazi kubwa sana, hivi huoni pengo aliloacha Nape kule wilayani kwake? nasikia mambo kibao yamesimama baada ya kupangiwa kazi nyingine. au huoni pengo lolote hapa Dsm baada ya kuchelewa kuteua Mkuu wa Mkoa?