Habari zenu wanaMMU,
Jioni ya leo ningependa tuweze kushiriki katika mada twajwa "Ulokole". Umekuwa ni mwiba kwa baadhi ya ndoa pia ulokole umeweza kuzisaidia ndoa nyingi. Mimi haswa nitazungumzia utumikaji vibaya wa ulokole katika ndoa.
Namquote Paulo katika 1Wakorintho 7:5 "Msinyimane isipokuwa mmepatana kwa muda, ili mpate faragha ya kusali; mkajiane tena, Shetani asije akawaharibu kwa kutokuwa na kiasi kwenu."
Ukweli ni kwamba asilimia kubwa ya watu waliokoka wanautumia Ulokole kama kisingizio cha kutokutimiza majukumu yao na hii husababisha mahusiano kati yao na wenza wao kuzorota na mwisho kufikia kuvunjika huku lawama zote wakimwangushia Shetani huku wanasahau kuwa wao wenyewe ndio chanzo cha tatizo.
Hivyo nawaomba walokole wenzangu mkaupitie huo mstari kwenye bibilia kupunguza wimbi kubwa la ndoa zilizovunjika na zinazoendela kuvunjika.
Matumaini yangu kwa namna moja ama nyingine sitakuwa nimemkwanza yeyote kwa Bandiko hili.
Shukrani wakuu
