Sky Eclat
JF-Expert Member
- Oct 17, 2012
- 58,636
- 220,438
Baba mwenyenyumba alipata mpangaji, kijana aliyetokea kijijini kwenda kutafuta maisha. Msimu ule alivuna mahindi na mihogo, aliuza vyakula vile na kujifungasha na pesa aliyoipata akiwa amechoka kushika jembe kila siku.
Alipofika mjini siku za kwanza aliishi katika nyumba ya wageni, hakuwa na mtu yeyote aliyemfahamu pale mjini, alianza mazoea na wahudumu wa guest, aliwauliza ni vipi anaweza kupata chumba. Si muda mrefu alipata chumba kwa masharti ya kulipa kodi ya miezi sita mbele.
Akiba aliyokuwa nayo ikianza kuyeyuka alihamia kwenye chumba na kufanikiwa kununua mahitaji ya muhimu kama ndoo, sufuria, sahani, jiko na vinginevyo. Akaanza kutafuta kazi mjini, kila akizunguka, nauli, pesa ya kula ndiyo akiba inavyozidi kuyeyuka.
Kabla hajakaa vizuri, miezi sita ilikuwa imekatika bila kupata ajira ya kueleweka ilhali anatakiwa alipe kodi. Aliugua homa kali sana, siku tatu alikuwa chumbani kwake hajatoka nje, mwenye nyumba aliuliza wapangaji wengine kama walimuona, mlango uligongwa lakini jamaa alishindwa kufungua, ilibidi mlango uvunjwe na majirani walichukua tax mpaka hospitali, kwakweli alilazwa kwa drip za maji, hali yake ilikuwa dhoofu sana.
Mwenye nyumba akiwa ameweka mikono kichwani, anauliza madaktari kila dakika, jamaa atapona? Walimuonea huruma sana, wakamwambia kama unauchungu hivi na ndugu yako, kwanini ulimchelewesha hospitali, alijibu kwa nguvu mimi si mfahamu huyu mtu, ninaomba apone ili anilipe kodi yangu. Madaktari walibaki wanahamaki.
Alipofika mjini siku za kwanza aliishi katika nyumba ya wageni, hakuwa na mtu yeyote aliyemfahamu pale mjini, alianza mazoea na wahudumu wa guest, aliwauliza ni vipi anaweza kupata chumba. Si muda mrefu alipata chumba kwa masharti ya kulipa kodi ya miezi sita mbele.
Akiba aliyokuwa nayo ikianza kuyeyuka alihamia kwenye chumba na kufanikiwa kununua mahitaji ya muhimu kama ndoo, sufuria, sahani, jiko na vinginevyo. Akaanza kutafuta kazi mjini, kila akizunguka, nauli, pesa ya kula ndiyo akiba inavyozidi kuyeyuka.
Kabla hajakaa vizuri, miezi sita ilikuwa imekatika bila kupata ajira ya kueleweka ilhali anatakiwa alipe kodi. Aliugua homa kali sana, siku tatu alikuwa chumbani kwake hajatoka nje, mwenye nyumba aliuliza wapangaji wengine kama walimuona, mlango uligongwa lakini jamaa alishindwa kufungua, ilibidi mlango uvunjwe na majirani walichukua tax mpaka hospitali, kwakweli alilazwa kwa drip za maji, hali yake ilikuwa dhoofu sana.
Mwenye nyumba akiwa ameweka mikono kichwani, anauliza madaktari kila dakika, jamaa atapona? Walimuonea huruma sana, wakamwambia kama unauchungu hivi na ndugu yako, kwanini ulimchelewesha hospitali, alijibu kwa nguvu mimi si mfahamu huyu mtu, ninaomba apone ili anilipe kodi yangu. Madaktari walibaki wanahamaki.
