ssalaamu 'Alaykum wa RahmatuLlaah wa Barakaatuh, Ndugu wapenzi,
Tumefuatilizia sana kila pahali na tumepata taarifa kwamba mwezi haukuonekana popote duniani leo hii Jumatano tarehe 29 Ramadhaan 1431H (08-09-2010 M). Hivyo, kesho Alkhamiys tunakamilisha siku thalathini za Ramadhaan InshaAllaah, na Ijumaa (10-09-2010 M) itakuwa ni siku ya ‘Iydul-Fitwr.
Kwa Munaasabah huu wa furaha wa siku hii tukufu ya ‘Iyd Al-Fitwr tunapenda kuchukua fursa hii kuwawasilishia salaam zetu za siku hii na du'aa njema kwenu wote, tukimuomba Allaah (Subhaanahu Wa Ta'ala) Atutaqabalie 'amali zetu na zenu ‘TAQABBALA ALLAAHU MINNA WA MINKUM' (Hivi ndivyo Maswahaba watukufu walivyokuwa wakiambiana pindi wanapokutana katika siku ya 'Iyd).
Na tunamuomba Yeye Aliyetukuka na Mweza, Awajaalie furaha, amani, mapenzi, siha na Iymaan pamoja na karama na utukufu katika masiku yote ya uhai wetu. Mwisho, bila kuwasahau wenzetu katika du'aa zetu leo na kila siku. Ndugu zetu Waislam waliopo palipokuwa Qiblah cha kwanza cha Uislam, na Msikiti wa tatu kwa utukufu na hadhi, Palestina. Na walio katika dhiki za ukandamizwaji, vita, njaa na machafuko huko Pakistan, Afghanistan, ‘Iraaq, Sudan, Somalia, Chechnya, Bosnia-Herzegovina, Kosovo, Philippine, Nigeria, Ethiopia, Eritrea, Kashmir na pote walipo Waislamu ulimwenguni.Tunamuomba Allaah (Subhaanahu Wa Ta'ala) Atutakabalie du'aa zetu na za Waislam wote duniani, Aamiyn.
