Dk. Willibroad Slaa amemtembelea nyumbani kwake Sheikh Abubakar Zuberi

[Chademakwanza]

CHAMA CHA DEMOKRASIA NA MAENDELEO (CHADEMA)

TAARIFA KWA VYOMBO VYA HABARI

UTEUZI WA KAIMU MUFTI MKUU WA WAISLAM TANZANIA
​

Muda mfupi baada ya aliyekuwa mmoja wa Wajumbe wa Baraza Kuu la Ulamaa la BAKWATA Sheikh Abubakar Zuberi, kuteuliwa kukaimu nafasi ya Mufti Mkuu wa Tanzania, Katibu Mkuu wa Chama cha Demokrasia na Maendeleo (CHADEMA), DK. Willibroad Slaa amemtembelea nyumbani kwake kumpongeza na kumtakia majukumu mema akimhakikishia ushirikiano kama jirani na kiongozi.

Sheikh Abubakar Zuber ambaye ametangazwa leo kukaimu nafasi hiyo ya juu katika uongozi wa dini ya Kiislam kwa siku 90 hadi hapo atakapochaguliwa Mufti Mkuu kwa mujibu wa taratibu za dini hiyo, anaishi Mtaa wa Ufipa, Kinondoni, jijini Dar es Salaam, jirani na zilipo Ofisi za Makao Makuu ya CHADEMA.

Mbali ya kumtakia kila la heri, Katibu Mkuu Dk. Slaa amemuahidi Mufti Sheikh Zuberi kuwa CHADEMA iko tayari wakati wowote kutoa ushirikiano atakaouhitaji katika kutimiza wajibu wake huo.

"Shehe Zubeir, jirani yangu napenda kutumia fursa hii kukupongeza sana kwa namna ambavyo wenzako wamekupatia imani kubwa na kukuteua ili uwaongoze Waislam kiroho. Ni imani kubwa ambayo binafsi naamini utaweza kuitumikia wakati mkiendelea kusubiri taratibu zingine za uchaguzi.

"Nitumie fursa hii pia kusema tukiwa majirani zako hapa Mtaa wa Ufipa, tukiwa viongozi ambao tunao wanachama, wapenzi na wafuasi wetu wenye dini tofauti wakiwemo Waislam, naomba kukuhakikishia ushirikiano kutoka kwetu wakati wowote katika kutimiza majukumu yako haya makubwa na nyeti.

"Shehe wangu kwa muda wote tumeishi pamoja hapa tukiwa majirani… ukitimiza wajibu wako uliokuwa nao nasi tukiendelea kutimiza majukumu yetu katika jamii ya Watanzania, nakutakia kila la heri katika kuwatumikia na kuwaongoza kiroho Waislam wa Tanzania," alisema Dk. Slaa nyumbani kwa Sheikh Zuberi leo mara baada ya uteuzi wa Kaimu Mufti Mkuu wa Waislam kufanyika.

Imetolewa leo Jumatatu, Juni 22, 2015 na;
Idara ya habari na mawasiliano
CHADEMA

 

[jme]

Kila la heri mufti katika kuwatumikia waislam.

 

[chikutentema]

Hongera Mufti pia Hongera sana Dr Slaa kwa kutambua wajibu wako kama kiongozi na rais ujao ktk mashirikiano ya taasisi za kisiasa na za kidini!

 

[jme]

nimatumaini yetu utaibadilisha bakwata kuwa na taasisi ya kuwatumikia waislam

 

[mwl]

Sahihisha hiyo taarifa, si mufti wa waislam bali wa Bakwata.

 

[Tumaini Makene]

Katibu Mkuu Dk. Slaa alipokutana na Sheikh Zuberi. Hii ilikuwa ni mwaka jana wakati Katibu Mkuu akitoka kutoa kutoa pole Msikiti wa Mtambani ulioungua moto. Katikati yao ni Makamu Mwenyekiti wa CHADEMA Tanganyika, Prof. Abdalla Jumbe Safari.

 

[rallphryder]

Sijamuelewa kabisaa!

 

[jme]

dr slaa kwa unyenyekevu na upendo namkubali Sana Mungu aendelee kumtia nguvu

 

[Emma.]

Raisi mtarajiwa Dr.Slaa amefanya jambo la maana sana

 

[Emma.]

Sijamuelewa kabisaa!

kusoma hujui hata picha hujaona?

 

[Emma.]

Sahihisha hiyo taarifa, si mufti wa waislam bali wa Bakwata.

Bakwata ni wasabato?

 

[Tumaini Makene]

In a jovial mood with Sheikh Zuberi

 

[Molemo]

Katibu Mkuu Dk. Slaa alipokutana na Sheikh Zuberi. Hii ilikuwa ni mwaka jana wakati Katibu Mkuu akitoka kutoa kutoa pole Msikiti wa Mtambani ulioungua moto. Katikati yao ni Makamu Mwenyekiti wa CHADEMA Tanganyika, Prof. Abdalla Jumbe Safari.

Mungu abariki kazi ya mikono yako Dr Slaa mtetezi wa Wanyonge

 

[CHUAKACHARA]

nimatumaini yetu utaibadilisha bakwata kuwa na taasisi ya kuwatumikia waislam

Kwani ilikuwa inamtumikia nani?

 

[Kisambo]

Jambo jema!

 

[BIGURUBE]

Sahihisha hiyo taarifa, si mufti wa waislam bali wa Bakwata.

Hao Bakwata ni wa dini gani?

 

[Mr.Venture]

Bakwata ni wasabato?

Teh teh teh! Jamaa ana ndoto ya kufia ikulu.

 

[Emma.]

Teh teh teh! Jamaa ana ndoto ya kufia ikulu.

Yupi yule wa monduli

 

[Tumaini Makene]

Dk. Slaa in a jovial mood with Sheikh Abubakari Zuberi bin Ali listening to CHADEMA Vice Chairman (mainland) Prof. Abdalla Jumbe Safari...

 

[FREDRICK FLAVIUN]

Katibu Mkuu Dk. Slaa alipokutana na Sheikh Zuberi. Hii ilikuwa ni mwaka jana wakati Katibu Mkuu akitoka kutoa kutoa pole Msikiti wa Mtambani ulioungua moto. Katikati yao ni Makamu Mwenyekiti wa CHADEMA Tanganyika, Prof. Abdalla Jumbe Safari.

majirani hao!