Ki mahesabu CHADEMA na UKAWA walipiga hatua- Walisonga mbele kwa kiwango kikubwa kutoka chini ya asilimia 30 uchaguguzi wa mwaka 2010 hadi kufikia karibu asilimia 40.
Pamoja na ukweli huu ninakusifu kwa moyo wa dhati kabisa kwamba umefirikiri na ndio maana ni rahisi kukuonyesha umekosea wapi. Hesabu ni zaidi ya namba kwa maana ya namba.
Hoja ya msingi hapa ni nani ni chachu ya mafanikio haya ambayo hayajakidhi haja? Marafiki na mashabiki wa Mhe. Lowasa, huamini kuwa mafanikio haya yameletwa naye. Tunaweza kusema ni kweli kama nia ya CHADEMA ilikuwa kuongeza asilimia kutoka chini ya 30% hadi kufikia chini kidogo ya aslimia 40 tu na sio ushindi wa kuongoza nchi.
Kwa maandalizi ya CHADEMA ilivyokuwa imeyafanya kwa miaka mitano, kushindwa kuunda serikali kuliwa ni kushindwa kuliko hitaji uwajibikaji au kwa mgombea binafsi au kwa baadhi ya watu. Na hoja ya kwamba tulifaulu ni katika kupotosha dhana ya uwajibikaji kwa makosa ya maamzi fulani au hata kwa kushindwa kuchukua maamzi fulani ambayo yangeleta ushindi zamu ijayo. Sioni kama tunayo maandalizi ya kukiri, ili tupate uhalali wa kuchuikua hatua mujarabu kwa ajili ya uchaguzi wa 2020.
Kwa kuchoka ambako wananchi wameichoka CCM, kwa kushindwa ambako CCM imeshindwa kuwaletea unafuu wananchi wa kawaida katika maisha yao ya kawaida, kwa majigambo yasiokuwa na tija ya utawala wa sasa, kuanzia Halmashauri za wilaya, Miji, Manispaa, majiji na serilkali kuu kwa ujumla wao, kwa uvurugaji wa mifumo ambayo imekuwa mihimili ya taifa letu unaofanywa na utawala wa sasa, CCM itaondoka endapo tutajipanga kidogo tu. CHADEMA ni chama chenye ITIKADI inayotekelzeka, kina falsafa inayoheshimu watu kama chanzo cha mamlaka. Hakuna mashaka ushindi upo jirani tu.