CCM kujisafisha Juni 2016, mafisadi kutimuliwa

[VUTA-NKUVUTE]

Chama cha Mapinduzi kimedhamiria kujisafisha kwa kutimua mafisadi wote chamani kuanzia mwezi Juni mwaka huu. Nyaraka za ndani ya chama zinaonesha kuwa mwezi Juni ni mwezi unaotazamiwa kuwa mwezi wa 'mabadiliko makubwa chamani'. Rais Magufuli anatazamiwa kukabidhiwa Uenyekiti wa CCM mwezi huo wa Juni.

Nyaraka za kimaandalizi zinaonesha kuwa CCM imepania kujisafisha kwa kuwatimua mafisadi wote chamani ili kuendana na dhamira ya Rais na Mwenyekiti mtarajiwa wa CCM, Rais Magufuli, katika vita dhidi ya ufisadi. Nyaraka nzitonzito zinaendelea kuandaliwa na kuwabaini wanaofaa kutimuliwa chamani.

CCM inataka kuwa na sura mpya. CCM inataka kuwa mpya. Nyaraka za kichama zinaonesha kuwa huo utakuwa ni muendelezo wa Operesheni ya Kujivua Gamba, ambayo sasa itaitwa Operesheni ya Kutumbua Majipu,iliyoasisiwa wakati Mukama akiwa Katibu Mkuu wa CCM.

Safishasafisha hiyo ya kichama, kama ikifanyika kweli, itawakumba Wabunge na vigogo mbalimbali chamani ambao kwa miaka nenda rudi wamekuwa wakisemwa kuwa ni mafisadi. CCM isirudi nyuma. Ifanye kweli. Isije ikawa kama vile ambapo 'Gamba liliishia kiunoni'. Ukifika muda wa kutaja na kutoa ushahidi wa ufisadi, nitafutwe!

Mzee Tupatupa wa Lumumba, Dar es Salaam

 

[wakimataifa.]

hawatakuwa wajumbe wa chama tena

 

[Determinantor]

CCM hi ya Tanzania au CCM nyingine? Yaani wamfukuze nanihii? Hahahaa au eti kabisa wamfukuze yule Jamaa? By the way, nani atamfukuza nani? Labda uniambie waamue kuondoka wote! Tunajua tumeamua kukaa kimya

 

[mansoorsaid]

Nikitazama kwa mbali wapo wengi na hii itasaidia sana vijana wasomi kushika nafasi.

 

[real G]

hizi mbwembwe nadhani tulishazisikia tena mwaka 2011, au nimekosea? rostam akaondoka mwenyewe tena kwa hiyari yake,lowassa akabaki hadi 2015 akaondoka kwa hiyari yake pia, so kumtimua mtu sijui kama inawezekana kwa vitendo

 

[MwanaCBE]

Hili kamwe halitatokea.
Yaani CCM imfukuze mwenyekiti wake was sasa!!!
Never

 

[mtzmweusi]

Kama Mwenyekiti wa sasa atakuwepo katika list basi nitachukua kadi ya CCM.

 

[gwa myetu]

Nape kila siku analalamika Lowassa fisadi lakini walishindwa kumfukuza, watamuweza joka la makengeza na mama pesa ya mboga?

 

[talentizo]

Watakua wamefanya jambo la mbolea sana

 

[habari ya hapa]

Mama wa hela za mboga
Joka LA makengeza
Muhongo
Na hawa watatimuliwa???

 

[Daudi Mchambuzi]

Kwenye kura za maoni mlishindwa kuchuja hao wezi , sasa hivi from nowhere mtawezea wapi?

Nirahisi kwa twiga kupenya kwenye tundu la sindano kuliko CCM kuwafukuza wezi na mafisadi ndani ya CCM.

 

[Gangongine]

CCM hi ya Tanzania au CCM nyingine? Yaani wamfukuze nanihii? Hahahaa au eti kabisa wamfukuze yule Jamaa? By the way, nani atamfukuza nani? Labda uniambie waamue kuondoka wote! Tunajua tumeamua kukaa kimya

MBONA LOWASSA ALIFUKUZWA BWANA. NANI AOGOPWE?

 

[Determinantor]

Mpwa wangu Gangongine hebu nikumbushe ni lini CCM walimfukuza Lowassa, nadhani nazeeka vibaya sasa pengine. Hivi kuna siku CCM walimfikuza Lowassa, siikumbuki.

 

[Gangongine]

Mpwa wangu Gangongine hebu nikumbushe ni lini CCM walimfukuza Lowasa, nadhani nazeeka vibaya sasa pengine. Hivi kuna siku CCM walimfikuza Lowasa, siikumbuki.

LOWASSA ALIFIKAJE CHADEMA MJOMBA?

 

[Ndachuwa]

Uchaguzi CCM ni 2017 acha kudanganya watu. Na isitoshe chama ni cha wote waliokubali kwa hiari yao kuwa wanachama, sera ya kufukuza kwa hisia au tuhuma zisizothibitishwa inatoka wapi?

 

[FisadiKuu]

Ina maana na wale mawaziri wezi atawafanyaje?? CCM bana kwa usanii mnatisha

 

[General Mangi]

wamfukuze na JK,

 

[Tetty]

Mzee wangu naona umeanza kuota ukiwa macho.Hebu tafakari kwa kina hivi MAFISADI na wala RUSHWA ndani ya CCM ni hao tu akin Anna, Chenge, Ngeleja? Au ni wale tu walioibuliwa na scandal?

Je na hawa waliokuwa wanatumia nafasi za Wazazi wao wataondolewa?

Maana kuna wale Baba Mwenyekiti wa Kijiji chetu na yeye akawa Mwenyekiti wa kijiji chetu akifanya uteuzi wa wasaidizi wa Baba yake yaani Mwenyekiti wa kijiji Chetu, Mama akawa Mshauri wa Mwenyekiti wa kijiji chetu che na hawa watatumbuliwa MAJIPU?

Na mama hakuishia kuwa Mshauri huyu aliweza hata kumuwakilisha Mwenyekiti wa Kijiji chetu kwanye baadhi ya HAFLA za kijiji

Maana nina uhakika mengine siyo MAJIPU bali ni CANCER ambayo ukitumbua tu ujue uhai wa kiumbe unapotea haraka tena kwa maumivu makali.

Na wale waliosababisha upotevu wa MATRIONI ya pesa kupitia vile vijikopo vya kubebea chakula au matunda wanaita konteina eh.....kupitishwa sebuleni bila kukaguliwa wala kulipiwa pesa stahiki nao watashughulikiwa?

Kama HAPANA basi endeleeni tu kumuita LOWASSA FISADI wakati humo ndani kuna zaidi ya FISADI

 

[Determinantor]

LOWASSA ALIFIKAJE CHADEMA MJOMBA?

Hahhaahhaaaa Samahani Mjomba, usinielewe vibaya ila nadhani utakua na tatizo kidooogo mahali, Lowasa hakuwahi kufukuzwa CCM, Lowasa alikatwa jina lake kwenye kugombea Urais sawa sawa na Membe, Jaji Ramadhani na wengine, je hawa nao wamefukuzwa CCM kwakua walikatwa majina yao?

Lowasa akaamua kuondoka na kujiunga Chadema ili awe mgombea kwa bendera ya UKAWA, Mjomba hicho ndicho kilichotokea na sio hicho ulichokiandika. kwahio Sumaye, Kingunge na wengine nao utasema walifukuzwa CCM? Ndio maana nakuomba ukubaliane na mimi kuwa inaonekana Mjomba uelewa wako ni mdogo sana na huenda unaongea mambo usiyoyajua, yaani unaongozwa na ushabiki zaii, hapana hapa si mahala pake.

 

[Tetty]

MBONA LOWASSA ALIFUKUZWA BWANA. NANI AOGOPWE?

Usitupotoshe,alijiondoa CCM hakuna aliyekuwa na ubavu wa kumfukuza Lowassa.