Habari nilizozipata punde toka karagwe ni kuwa, bomu limeua watoto 7 kijiji cha Ihanda maeneo ya Bugene. Bomu hilo liliuzwa kwenye vyuma chakavu. Leo ndipo walikuwa wanapima mzigo ili ununuliwe.
Watoto waliokufa ni wa familia 3 tofauti.
Habari hizi ni za uhakika kwani nimepigiwa na jamaa yuko eneo la tukio.
Nawasilisha
#########
UPDATE:
JUMATANO, OCTOBA 31, 2012 | NA RENATHA KIPAKA, KARAGWE | Mtanzania
*Lilikuwa kwenye vyuma chakavu, lawasambaratisha vibaya
*Wamo wanne wa familia moja, ni vilio na huzuni tupu Karagwe
WATU saba katika Kijiji cha Rugarama kata ya Ihanda Wilaya ya Karagwe mkoani Kagera, wamefariki dunia baada ya kulipukiwa na kitu kinachofiwa kuwa ni bomu la kurushwa kwa mkono.
Taarifa zilizotolewa na Jeshi la Polisi wilayani Karagwe jana, zinasema kati ya watu wanne ni wafamilia moja.
Tukio hilo la kusikitisha, lilitokea jana saa 4 asubuhi, wakati watu hao wakiwamo watoto wadogo walipokuwa wakiokota vyuma chakavu.
Waliofariki katika tukio hilo na umri wao kwenye mabano ni Eladius Robert (15),Fenius Frank (3), Faraja Frank (1), Scatus Kamali (15), Nelson Alphonce (14), Edger Gidion (14) na mmoja wao ambaye jina lake halikutambuliwa mara moja, lakini anakisiwa kuwa na umri wa miaka 17.
Taarifa hizo, zilidai watoto hao walilipukiwa na bomu wakati wakiokota vyuma chakavu kwa ajili ya kwenda kuviuza.
Mmoja wa wazazi ambaye amepoteza Frank Robert (35),alisema wakati watoto hao wakiokota vyuma hivyo, ghafla alisikia mlipuko mkubwa ambao hakufahamu ulitokana na nini.
Akizungumza na waandishi wa habari, Mkuu wa Wilaya ya Kyerwa, ambayo awali ilikuwa wilaya moja na Karagwe Luteni Kanali Benedict Kitenga alikiri kutokea kwa vifo hivyo.
Luteni Kanali Kitenga ambaye ni mtaalam wa kulipua mabomu, alisema vifo hivyo vinahofiwa kusababishwa na bomu la kutupwa kwa mkono.
"Tukio hili limetokea wakati watoto na watu wazima, wakiota vyuma chakavu, ghafla kulitokea mlipuko mkubwa wa bomu na kuwauawa hapo hapo,"alisema.
Kutokana na tukio hilo, Luteni Kanali huyo aliwashauri wakazi wa wilaya hiyo kuwa watulivu wakati huu ambao Serikali ikiendelea na uchunguzi wa tukio hilo.
Pia aliwaonya wananchi kuacha tabia ya kupokea wageni, wasiowafahamu ambao hufika vijijini na kuwataka wawasaidia kuokota vyuma chakavu.
Alisema wilaya hizo, zinapakana na nchi nyingi za Rwanda, Burundi, Uganda na Jamhuri ya Kidemokrasia ya Kongo (DRC),hivyo kumekuwa na mwingiliano mkubwa wa watu ambao hawawataki mema.
Kamanda wa Polisi Mkoa wa Kagera, Philip Kalangi alithibitisha kutokea kwa tukio hilo na kuahidi kutoa ufafanuzi zaidi leo.
Watoto waliokufa ni wa familia 3 tofauti.
Habari hizi ni za uhakika kwani nimepigiwa na jamaa yuko eneo la tukio.
Nawasilisha
#########
UPDATE:
JUMATANO, OCTOBA 31, 2012 | NA RENATHA KIPAKA, KARAGWE | Mtanzania
*Lilikuwa kwenye vyuma chakavu, lawasambaratisha vibaya
*Wamo wanne wa familia moja, ni vilio na huzuni tupu Karagwe
WATU saba katika Kijiji cha Rugarama kata ya Ihanda Wilaya ya Karagwe mkoani Kagera, wamefariki dunia baada ya kulipukiwa na kitu kinachofiwa kuwa ni bomu la kurushwa kwa mkono.
Taarifa zilizotolewa na Jeshi la Polisi wilayani Karagwe jana, zinasema kati ya watu wanne ni wafamilia moja.
Tukio hilo la kusikitisha, lilitokea jana saa 4 asubuhi, wakati watu hao wakiwamo watoto wadogo walipokuwa wakiokota vyuma chakavu.
Waliofariki katika tukio hilo na umri wao kwenye mabano ni Eladius Robert (15),Fenius Frank (3), Faraja Frank (1), Scatus Kamali (15), Nelson Alphonce (14), Edger Gidion (14) na mmoja wao ambaye jina lake halikutambuliwa mara moja, lakini anakisiwa kuwa na umri wa miaka 17.
Taarifa hizo, zilidai watoto hao walilipukiwa na bomu wakati wakiokota vyuma chakavu kwa ajili ya kwenda kuviuza.
Mmoja wa wazazi ambaye amepoteza Frank Robert (35),alisema wakati watoto hao wakiokota vyuma hivyo, ghafla alisikia mlipuko mkubwa ambao hakufahamu ulitokana na nini.
Akizungumza na waandishi wa habari, Mkuu wa Wilaya ya Kyerwa, ambayo awali ilikuwa wilaya moja na Karagwe Luteni Kanali Benedict Kitenga alikiri kutokea kwa vifo hivyo.
Luteni Kanali Kitenga ambaye ni mtaalam wa kulipua mabomu, alisema vifo hivyo vinahofiwa kusababishwa na bomu la kutupwa kwa mkono.
"Tukio hili limetokea wakati watoto na watu wazima, wakiota vyuma chakavu, ghafla kulitokea mlipuko mkubwa wa bomu na kuwauawa hapo hapo,"alisema.
Kutokana na tukio hilo, Luteni Kanali huyo aliwashauri wakazi wa wilaya hiyo kuwa watulivu wakati huu ambao Serikali ikiendelea na uchunguzi wa tukio hilo.
Pia aliwaonya wananchi kuacha tabia ya kupokea wageni, wasiowafahamu ambao hufika vijijini na kuwataka wawasaidia kuokota vyuma chakavu.
Alisema wilaya hizo, zinapakana na nchi nyingi za Rwanda, Burundi, Uganda na Jamhuri ya Kidemokrasia ya Kongo (DRC),hivyo kumekuwa na mwingiliano mkubwa wa watu ambao hawawataki mema.
Kamanda wa Polisi Mkoa wa Kagera, Philip Kalangi alithibitisha kutokea kwa tukio hilo na kuahidi kutoa ufafanuzi zaidi leo.
