Aziz Ali wa Gerezani na Mtoni Dar es Salaam

[isambe]

typingi error mkuu a doubted

Tena , utasema typing error?, kubali usahihishwe FaizaFoxy naomba ujongee huku na kifimbo chako.

 

[Umenitoa Gizani]

Kleist Sykes asili yake huyo babu alikuwa doubted na wazungu na alikuja kuwa mwanajeshi.

Adopted?

 

[madimule]

Endelea kutushibisha kwa historia zako murua kabisa. Mohamed Said

 

[Sky Eclat]

Sky,
Kleist alizaliwa Pangani na mara tu baada ya kuzaliwa mama yake kabila Mnyaturu akafariki.

Kleist kaja Dar es Salaam akiwa mtoto mdogo hakuwahi kuishi Pangani.

Baba yake Sykes Mbuwane alikuja Tanganyika na nduguye akiitwa Ali Katini tayari Waislam.

Hawakuja kupigana na Wareno bali na Watanganyika - Bushiri bin Salim na Chief Mkwawa.

Ndugu yao mwingine Ramadhani Mashado Plantan alikuja Tanganyika 1905 akiwa
na umri wa miaka mitano akiwa Muislam.


M

Shukrani mkuu.

 

[Mohamed Said]

Sky ahsante.

 

[Yamakagashi]

"Mwafrika wa kwanza kununua gari na kujenga nyumba ya vigae na vioo mtoni " Aziz Ali ,hapa ulikuwa na maana gani ? Kwamba Afrika nzima Aziz Ali ndio alikuwa wa kwanza kujenga au ulimaanisha Mtanzania mweusi wa kwanza kujenga nyumba ?

 

[Mandevis]

Wednesday, 4 January 2017

Aziz Ali
Kleist Sykes alikuwa na duka la vyakula Kipata Street sasa mtaa huo umepewa jina lake unaitwa Mtaa wa Kleist. Hizi zilikuwa juhudi za Kitwana Selemani Kondo alipokuwa Meya wa Dar es Salaam kuwaadhimisha watu maarufu wa waliopata kuishi Dar es Salaam na wakaitumikia jamii. Nilipata kumsikia Mzee Kondo akisema, ‘’Hivi vipi litawekwa jina la mtu ambae hana nasaba yoyote na mji wa Dar es Salaam katika mji huu na kuwaacha wenye mji wao?’’ Hakika jambo hilo halikughalis. Mzee Kondo aliendelea na kusema, ‘’Hivi jina la Matola kwa nini lisiwekwe Dodoma lije liwekwe Dar es Salaam na wakati huo huo wakawasahau wazee wetu wa Dar es Salaam?

Turejee kwa Kleist Sykes. Hili duka lilikuwa nyumbani kwake na hapo ndipo ilipokuwa barza ya wazee maarufu wa mjini kukutana jioni inapoingia alasiri kuzungumza. Miaka ile Dar es Salaam kulikuwa na wauza kahawa wanapita mitaani na kahawa zao ndani ya madeli ya shaba yanayong’aa kwa kupigwa braso wakiuza kahawa na wao wenyewe wamevaa nadhifu, kikoi na kizubau na kofia kichwani. Basi baraza ile kila muuza kahawa akipita ataitwa na kuagizwa apige duru kwa wanabarza. Ikawa pale ile barza waungwana wale wanakunywa vikombe na vikombe vya kahawa hadi wanapoagana Maghrib inapoingia.

Mmoja wa wanabarza wa barza hii alikuwa babu yangu Salum Abdallah ambae nyumba aliyokuwa anaishi ilikuwa inatazamana na nyumba ya Kleist. Hawa walikuwa si majirani tu bali hata kazi wanafanya pamoja Tanganyika Railways. Hii ilikuwa miaka ya mwanzo ya 1920. Kleist akiwa Karani wa Mahesabu na babu yangu Mfua Vyuma kwenye karakana ya Railway iliyokuwa Arab Street sasa Mtaa wa Nkrumah. Mle ndani kulikuwa na king’ora kikipigwa saa moja kamili asubuhi barabara na saa saba mchana. King’ora hiki cha Railway kiliwasaidia sana wakazi wa Kariakoo na Ilala kujua majira.

Mtu mwingine maarufu katika ile barza alikuwa Aziz Ali, Mdigo kutoka Moa Tanga. Huyu Aziz Ali alikuwa mwamba katika miamba ya Dar es Salaam. Alikuwa tajiri ‘’contractor,’’ wa kujenga, majumba, Mwafrika wa kwanza kununua gari na kujenga nyumba ya vigae na vioo Mtoni. Nyumba hii hadi leo ipo na sehemu hiyo katika Kilwa Road inaitwa Mtoni kwa Aziz Ali. Lakini katika sifa hizi sifa yake kubwa sana Aziz Ali ilikuwa ujenzi wa misikiti na kuihudumia misikiti. Hii ilikuwa miaka ya 1930 na hapakuwa na umeme Kariakoo. Misikiti ilikuwa ikitumia karabai kuonea. Aziz Ali yeye alinunua karabai kwa kila msikiti na ikifika Maghrib mwanae Hamza alikuwa akizitia mafuta na kuziwasha kisha akizipeleka kila msikiti tayari kwa sala ya Maghrib. Inapomalizika sala ya Isha alikuwa anapita tena katika ile misikiti kukusanya karabai zake na kurudi nazo nyumbani kwao Mtaa wa Mbaruku na Kongo. Hii ndiyo ilikuwa kazi yake kila siku. Aziz Ali alipokufa mwaka wa 1951 miaka miwili baada ya kifo cha rafiki yake Kleist gazeti la Tanganyika Standard liliandika kifo chake kwa maneno haya: ‘’Aziz Ali the Builder of Mosques is Dead,’’ yaani, ‘’Aziz Ali Mjenzi wa Misikiti Amekufa.’’ Iko siku nilimtembela Rose Aziz mjukuu wa Aziz Ali, mtoto wa Hamza Aziz. Rose akanionyesha picha katika ukumbi wake ya mtu amevaa tarabushi akanambia, ‘’Mohamed unamuona mume wangu?’’ Nikiwa katika hali ya kushangaa huku nikiikodolea macho ile picha Rose akaendelea, ‘’Huyu babu yangu Aziz Ali.’’

Aziz Ali alikuwa na nyumba nyingi sana Dar es Salaam na ndiyo zilikuwa moja ya utajiri wake. Katika nyumba hizi nyumba ambayo imaecha historia ya pekee ni hii nyumba ya Mtaa wa Mbaruku na Congo kwa sababu nyumba hii ilikuwa moja ya sehemu ambazo harakati za kupigania uhuru wa Tanganyika zilianza. Nyumba nyingine ilikuwa Mtaa wa Kipata kwa Ally Sykes, hapo zamani lilipokuwa duka la baba yake na barza ya wazee. Nyumba nyingine ilikuwa Stanley Street kwa Abdul Sykes. Nyumba hii ilikuwa pia ya Kleist na kulikuwa na duka la vifaa vya ujenzi katika uhai wake. Hii ilikuwa mwanzoni mwa mwaka wa 1950. Mambo yalipamba moto sana kuanzia mwaka huo pale vijana wazalendo walipoanza kufanya mipango ya kuunda chama cha siasa halisi kupambana na ukoloni wa Muingereza. Hizi ndizo zikawa nyumba ambazo Nyerere alikuwa akifika kuanzia mwaka wa 1952 kila anapokuja mjini kutokea Pugu alipokuwa akifundisha. Mama Ali mke wa Aziz Ali bado yu hai, Bi Mkubwa huyu ana mengi katika historia ya nyumba ile ya Mbaruku alipokuwa akiishi na mumewe katika miaka ile ya 1940 na akaendelea kuishi hapo na wanawe baada ya kifo cha mumewe. Hivi sasa Mama Ali anaishi Ilala na ni mtu mzima sana.

Angalia picha:Mohamed Said: AZIZ ALI WA GEREZANI NA MTONI DAR ES SALAAM

Pia mzee wetu tuambie majina yafuatayo yametoka wapi?
1. Kibasila
2. Mwaisela
3. Sewa Haji
Nahisi sio bure kuwa pale Muhimbili.

 

[Mohamed Said]

"Mwafrika wa kwanza kununua gari na kujenga nyumba ya vigae na vioo mtoni " Aziz Ali ,hapa ulikuwa na maana gani ? Kwamba Afrika nzima Aziz Ali ndio alikuwa wa kwanza kujenga au ulimaanisha Mtanzania mweusi wa kwanza kujenga nyumba ?

Yamagashi rudi kusoma upya taratibu utaelewa.

 

[Yamakagashi]

Yamagashi rudi kusoma upya taratibu utaelewa.

Nieleweshe hapo nilipo omba unieleweshe shida iko wapi ? Sijaelewa ndio maana nikaomba

 

[Mohamed Said]

Yamagashi,
Nakufundisha vipi uwe mtu wa kujitegemea.

Tuingie darsa.
Naanza na swali.

Kwani mwandishi anazungumza historia ya wapi?

 

[finyango]

Huyu ni babu yake dully sykes?

 

[Lipyotoo]

Mzee Muhammad Said aje atupe jibu, nani alitoa nyumba ilipozaliwa TANU(Sasa Lumumba)

 

[Yamakagashi]

Hisitoria ya Tanzania japo neno Mwafrika wa kwanza lina maana pana ,unaposema Mwafrika wa kwanza kuwa na nyumba ya vigae una maana ipi ?

 

[Muharango]

Imefikia hatua Waafrika tunafurahia mtu mwingine anapodidimia kimaisha huku tukiuliza "huyu nae ni wa kwetu?"
(Hautaweza kufanikisha kile inachokifanya hapo)!!.

 

[rosemarie]

Napenda uandishi was Mohammad Said,tatizo anaweka sana dini mbele kama vile uislam ndio uliopigania Uhuru wa Tanganyika,badilika kaka

 

[MTOCHORO]

Hivi kuna siku tutabadili historia Waislam waandikwe waligombea uhuru wa Kariakoo,

 

[Mohamed Said]

Hisitoria ya Tanzania japo neno Mwafrika wa kwanza lina maana pana ,unaposema Mwafrika wa kwanza kuwa na nyumba ya vigae una maana ipi ?

Yamagashi,
Ni rahisi sana kumuamsha mtu aliyelala kuliko yule ajifanyae amelala.
Nimekuelekeza vipi utapata jibu.

 

[Mohamed Said]

Napenda uandishi was Mohammad Said,tatizo anaweka sana dini mbele kama vile uislam ndio uliopigania Uhuru wa Tanganyika,badilika kaka

Rose...
Unayo historia kinyume ya hivi?
Iweke hapa tuisome ikiwa unayo.

 

[Mohamed Said]

Mzee Muhammad Said aje atupe jibu, nani alitoa nyumba ilipozaliwa TANU(Sasa Lumumba)

Lipyoto,
Nyuma ilipozaliwa TANU ikijengwa kwa kujitolea kati ya mwaka
wa 1929 - 1933 wakati wauongozi wa Kleist Sykes.

Abdul Sykes anasema kuwa anakumbuka kwenda pale na baba
yake kila Jumapili kwa ajili ya ujenzi wa nyumba ile.

Ingia hapo kuangali picha ya ufunguzi wa ofisi ya African Association 1933
KUTOKA JF: UNAJINASIBISHA NA CCM VIPI UNAWACHUKIA WAASISI WA TANU?

 

[Mauza uza]

Rose...
Unayo historia kinyume ya hivi?
Iweke hapa tuisome ikiwa unayo.

Mohamed Said, historia zako nzuri sana tatizo haziko balanced zimeegemea sana kuonyesha ni waislam tu waliopigania uhuru wa Tanganyika kitu ambacho ni uongo! Angalizo: mimi ni muislamu..jitahidi kua fair kidogo ili hizi historia ziwe zimebalance na sio kuvutia upande mmoja tu. Thanks.