Mnyakatari
JF-Expert Member
- Oct 25, 2010
- 2,113
- 1,926
Mhariri mtendaji wa Tanzania daima bw.Absalom Kibanda ataripoti tena polisi kesho na ikiwezekana ataburuzwa mahakamani. Huu ni muendelezo wa kesi inayoitwa ya"Uchochezi" kufuatia ile makala ya Samsoni Mwigamba kwa jeshi la polisi. Ikiwa imebaki masaa machache kabla ya kuripoti polisi Kibanda ameandika yafuatayo kwenye ukurasa wake wa facebook:
"Kesho saa 3:00 asubuhi natarajia kuripoti Makao Makuu ya Jeshi la Polisi jijini Dar es Salaam tayari kwa lolote, kubwa likiwa ni kuburuzwa kortini Kisutu kusomewa shitaka la uchochezi. Hatua hii inakuja siku tatu tangu niliposhikiliwa , nikahojiwa, nikatoa maelezo yangu na kisha nikawekewa dhamana na rafiki na mdogo wangu, Saed Kubenea.
Taarifa tulizozipata kutoka kwa viongozi waandamizi serikalini ambao wanatutakia mema zinaeleza kwamba limekuwapo shinikizo kubwa kutoka kwa wakuu wa dola la kutaka mimi ambaye ni Mhariri Mtendaji wa Tanzania Daima nifunguliwe mashitaka ya Jinai kama njia ya kujibu hasira za wakubwa dhidi yangu binafsi na dhidi ya gazeti la Tanzania Daima ninaloliongoza.
Habari kwamba nilikuwa miongoni mwa wahariri waliokuwa wamewekwa katika orodha ya kufikishwa mahakamani kwa makosa ya jinai na siyo ya madai kama ilivyo ada tulielezwa miezi kati ya mitatu na minne iliyopita. Taarifa hizi zilitolewa na mmoja wa mawaziri kwa mmoja wa wahariri ambaye ni rafiki yake mkubwa.
Baya katika uamuzi huu si kwamba anayeshitakiwa ni Absalom Kibanda, ambaye ni Mhariri wa Tanzania Daima na Mwenyekiti wa Jukwaa la Wahariri la hasha, bali ni uamuziwa hatari wa baadhi ya viongozi wa serikali ambao wameamua kuminya uhuru wa kikatiba wa watu kutoa maoni yao.
Uamuzi huu wa sasa wa kuanzakuwashitaki wahariri kwa makosa ya jinai yanatukumbusha maneno ya Waziri Mkuu mstaafu Frederick Sumaye aliyetabiri kwamba kiongozi anayesaka umaarufu na ikulu kwa njia ya vyombo vyahabari akiingia madarakani atalinda himaya yake kwa risasi.
Ni wazi kwamba dhamira ya kupambana na watu wanaokukosoa wewe binafsi au serikali yako kwa njia ya kuwakomoa au kuwaumiza si tu ni udikteta unaofanana kimantiki na wa zama za Adolf Hitler bali unadhihirisha namna tulivyo na madikteta wanaofichwa na uhuru wa kidemokrasia waliokuta ungalipo hata kabla hawajaingia madarakani.
Hatua ya kulitumia Jeshi la Polisi kukandamizi uhuru wa habari kwa kuwakamata waandishi wa maoni kama walivyofanya kwa Samson Mwigamba wiki iliyopita na wahariri wa magazeti kama inavyofanyika kwangu haina budi kupingwa kwa matamko na kwa njia nyingine za kudai haki iliyowekwa rehani.
Hakika kama taifa tupo njia panda. Nimeamua kwa dhati kulitumia tukio hili kama somo kwa madikteta wa Tanzania na wengine wa Bara la Afrika. Nimehamasishwa kujitoa mhanga kuleta mabadiliko ya kweli ya uhuru wa habari na wawatu kutoa maoni yao pasipo kuvunja sheria. Ukisoma makala ambayo imewapotezea polisi, mahakama, magereza na wapendwa wetu muda adhimu huwezi ukaamini kwamba tuna viongozi wanaofikiri sawasawa.
Ni hatari kuwa na kiongozi mkuu aliye tayari kuumiza watu wadogo kama sehemu ya kupumua au kupunguza hasira na machungu yake moyoni ambayo yamesababishwa na kupwaya kwake au kushindwa kwake mwenyewe. Ni aibu kuwa na viongozi dhaifu ambaokwao kuumiza wengine ndiyo kipimo cha nguvu za kikatiba walizopata tena kwa njia ya sanduku la kura.
Kama kweli tunalitakia mema taifa hili hatuna budi kuanzisha mapambano makali ya kupigania uhuru ambao sasa umewekwa rehani. Wanahabari na wanahabari tunapaswa kujitoa mhanga kuyaongoza mapambano haya mapya".
+++++++++++++++++
Habari zilizopatikana kutoka Mahakama ya Kisutu zinasema tayari Kibanda ameshafikishwa mahakamani hapo tayari kwa kuunganishwa katika shitaka alilofunguliwa mwenzake Samson Mwigamba.
"Kesho saa 3:00 asubuhi natarajia kuripoti Makao Makuu ya Jeshi la Polisi jijini Dar es Salaam tayari kwa lolote, kubwa likiwa ni kuburuzwa kortini Kisutu kusomewa shitaka la uchochezi. Hatua hii inakuja siku tatu tangu niliposhikiliwa , nikahojiwa, nikatoa maelezo yangu na kisha nikawekewa dhamana na rafiki na mdogo wangu, Saed Kubenea.
Taarifa tulizozipata kutoka kwa viongozi waandamizi serikalini ambao wanatutakia mema zinaeleza kwamba limekuwapo shinikizo kubwa kutoka kwa wakuu wa dola la kutaka mimi ambaye ni Mhariri Mtendaji wa Tanzania Daima nifunguliwe mashitaka ya Jinai kama njia ya kujibu hasira za wakubwa dhidi yangu binafsi na dhidi ya gazeti la Tanzania Daima ninaloliongoza.
Habari kwamba nilikuwa miongoni mwa wahariri waliokuwa wamewekwa katika orodha ya kufikishwa mahakamani kwa makosa ya jinai na siyo ya madai kama ilivyo ada tulielezwa miezi kati ya mitatu na minne iliyopita. Taarifa hizi zilitolewa na mmoja wa mawaziri kwa mmoja wa wahariri ambaye ni rafiki yake mkubwa.
Baya katika uamuzi huu si kwamba anayeshitakiwa ni Absalom Kibanda, ambaye ni Mhariri wa Tanzania Daima na Mwenyekiti wa Jukwaa la Wahariri la hasha, bali ni uamuziwa hatari wa baadhi ya viongozi wa serikali ambao wameamua kuminya uhuru wa kikatiba wa watu kutoa maoni yao.
Uamuzi huu wa sasa wa kuanzakuwashitaki wahariri kwa makosa ya jinai yanatukumbusha maneno ya Waziri Mkuu mstaafu Frederick Sumaye aliyetabiri kwamba kiongozi anayesaka umaarufu na ikulu kwa njia ya vyombo vyahabari akiingia madarakani atalinda himaya yake kwa risasi.
Ni wazi kwamba dhamira ya kupambana na watu wanaokukosoa wewe binafsi au serikali yako kwa njia ya kuwakomoa au kuwaumiza si tu ni udikteta unaofanana kimantiki na wa zama za Adolf Hitler bali unadhihirisha namna tulivyo na madikteta wanaofichwa na uhuru wa kidemokrasia waliokuta ungalipo hata kabla hawajaingia madarakani.
Hatua ya kulitumia Jeshi la Polisi kukandamizi uhuru wa habari kwa kuwakamata waandishi wa maoni kama walivyofanya kwa Samson Mwigamba wiki iliyopita na wahariri wa magazeti kama inavyofanyika kwangu haina budi kupingwa kwa matamko na kwa njia nyingine za kudai haki iliyowekwa rehani.
Hakika kama taifa tupo njia panda. Nimeamua kwa dhati kulitumia tukio hili kama somo kwa madikteta wa Tanzania na wengine wa Bara la Afrika. Nimehamasishwa kujitoa mhanga kuleta mabadiliko ya kweli ya uhuru wa habari na wawatu kutoa maoni yao pasipo kuvunja sheria. Ukisoma makala ambayo imewapotezea polisi, mahakama, magereza na wapendwa wetu muda adhimu huwezi ukaamini kwamba tuna viongozi wanaofikiri sawasawa.
Ni hatari kuwa na kiongozi mkuu aliye tayari kuumiza watu wadogo kama sehemu ya kupumua au kupunguza hasira na machungu yake moyoni ambayo yamesababishwa na kupwaya kwake au kushindwa kwake mwenyewe. Ni aibu kuwa na viongozi dhaifu ambaokwao kuumiza wengine ndiyo kipimo cha nguvu za kikatiba walizopata tena kwa njia ya sanduku la kura.
Kama kweli tunalitakia mema taifa hili hatuna budi kuanzisha mapambano makali ya kupigania uhuru ambao sasa umewekwa rehani. Wanahabari na wanahabari tunapaswa kujitoa mhanga kuyaongoza mapambano haya mapya".
+++++++++++++++++
Habari zilizopatikana kutoka Mahakama ya Kisutu zinasema tayari Kibanda ameshafikishwa mahakamani hapo tayari kwa kuunganishwa katika shitaka alilofunguliwa mwenzake Samson Mwigamba.
