Wabunge kusimamia mfumo wa kielektroniki

[Donatila]

Kamati ya Bunge ya Bajeti imesema itaendelea kusimamia ukusanyaji wa mapato ya Serikali kwa njia ya kielektroniki kwa kuwa mfumo huo umeonyesha mafanikio.

Akizungumza leo Agosti 28 baada ya kamati kutembelea Mradi wa Mabasi Yaendayo Haraka (Dart), mwenyekiti wake, Hawa Ghasia ameipongeza kampuni ya Maxcom kwa ubunifu.

Amesema kabla ya utaratibu wa malipo kwa njia ya kielektroniki fedha za Serikali zilikuwa zikipotea, hivyo kukwamisha maendeleo ya nchi.

“Napongeza kwa ubunifu huu, njia hii ya ukusanyaji mapato inatakiwa kuigwa na taasisi zote na wafanyabiashara,” amesema.

Mkurugenzi Mtendaji wa Kampuni ya Maxcom Africa Plc,Jameson Kasati amesema wanakabiliwa na changamoto ya ukosefu wa kadi za malipo ya mabasi yaendayo haraka.

Amesema kwa sasa wananchi waendelee kutumia tiketi za kawaida na kadi zitakuwa tayari hivi karibuni.

“Kadi za mabasi yetu zitakuwa tayari hivi karibuni, endeleeni kutumia tiketi,” amesema.

Chanzo: Mwananchi

 

[kigogo warioba]

Ngoja na mimi nibuni app ya kukusanyia mapato nije kuwashika, maana kwa sasa dili ni hilo tu hamna namna!

 

[singojr]

Ubunifu gani

 

[Kisu Cha Ngariba]

Hivi huu mfumo umefika kwenye mabus ya mikoani?

 

[mchumia tumbo]

Kama maxmalipo wanafanya vizuri kwani tangu LGRCIS ianze kutumika halmashauri zimeacha kutumia POS na mfumo wa maxmalipo?Kuna haja ya kutafakari kwanza kabla ya kuendelea kutumia maxmalipo kwenye udart.