Vibaka na waharifu wengine wameachwa wakitamalaki

[Ntemi Kazwile]

Eneo la Vingunguti viwandani majira ya saa sita mchana lori lililosheheni mbolea linapakuliwa na vibaka, naambiwa hii ndiyo sababu malori ya wa wazi hulazimika kuvunja sheria za barabarani kwa kuweka walinzi kwenye mizigo yao ingawa kwa kufanya hivyo wanahatarisha maisha ya walinzi wale.Saa saba mchana mkuu wa jeshi la polisi anaamrisha vijana wake wapambane na raia wema wanaodai haki kupitia maandamano ya amani.Ni mapambano makubwa, naona magari na vifaa vingine vya jeshi letu la polisi vilivyobora na maridadi kuliko vyote nilivyowahi kuviona, hata katika sinema.Natoka hapa naelekea polisi makao makuu nakutana na kikosi kazi kinachotangaza kukamilika kwa uchunguzi uliohusu udhalilishaji aliofanyiwa mtoto wa waziri wa uswazi eti wamemsingizia anatembea na mke wa waziri wa ufukara. Wanajisifia kwa kukamilisha kazi ile ndani ya dakika 10 na mtuhumiwa yuko chini ya ulinzi.Mama watoto ananiamsha niwahi nisije nikakikosa hata hicho kidogo ninachokiita ujira, kumbe zilikuwa ni ndoto tu

 

[Lukansola]

Whaaaat???