Utitiri wa ada na gharama katika shule binafsi

[kudra hamidu]

Habari zenu wanajukwaa.Natumai ni wazima wa afya.Poleni na majukumu.

Leo nimekaa zangu nyumbani natafakari mawili matatu. Ghafla mwanangu wa miaka 7 akanigusa bega na kunisalimu. Baada ya salamu akaniambia kuhusu pesa ya tution(40,000) kwa mwezi. Ambayo ni nje ya ada (900,000). Bila kusahau 30,000 ya usafiri kwa mwezi. Hapo kuna gharama nyingine kama pesa ya watoto yatima 20,000 kwa mwaka. Nikiandika zote nitaanza kuchukia lugha ya kiingereza.

Kwa nini nichukie kiingereza? Ok ni kwasababu ndo lugha iliyonifaNya nimpeleke mwanangu shule za school bus.

Nimeanza kujiuliza mimi nimesoma (CBE) kwa ada ya 1.2 mill kwa mwaka (hapo msosi na usafiri juu yako) iweje mtoto wa darasa la pili au grade 2 kwa kimombo afikie zaidi ya pesa hiyo? Hata kuikaribia tu inatosha mimi kujiuliza maswali.

Wakuu nachoona mimi ni hawa wamiliki wa hizi shule wamezidi kufanya watakavyo kana kwamba hakuna serikali.

Sijui akifika hadi chuo nitatumia shilingi ngapi. Inabidi niandike kwenye daftari kama kumbukumbu. Maana mali bila daftari huenda bila habari.

WAMEZIDI!

 

[REAGAN C.MABOGO]

Mtoe huko umpeleke shule za serikali: zinatoa elimu bure. Kwa nini ulalamike na kukonda bure wakati kuna shule za bure?! Mtoe huko haraka!

 

[Sky Eclat]

Tafuta mwalimu mzuri wa tuition, J'mosi anapigwa shule ya English, Hesabu na Science. Huku huku St Kayumba watu wanafika lakini weka viungo kidogo.

 

[kson m]

Hawajazidi wengi ni majizi ya kinamna !

 

[kudra hamidu]

Mtoe huko umpeleke shule za serikali: zinatoa elimu bure. Kwa nini ulalamike na kukonda bure wakati kuna shule za bure?! Mtoe huko haraka!

Mimi mwenyewe nimesoma kayumba.hadi namaliza form 6 sijui kujielezea kwa kimombo kwa dakika 1.Sitotaka mwanangu aingie mkumbo huo.shule za serikali hakuna lugha. Naona watu wanavyopata shida chuo. Mi nashukuru sana British council

 

[kudra hamidu]

Hawajazidi wengi ni majizi ya kinamna !

Ndo maana mkuu wa nchi anataka kudeal nao

 

[Ombudsman]

Mkuu nenda shule ukahoji na kuwaletea noma balaa utaona kama watakuliza tena

 

[kudra hamidu]

Mkuu nenda shule ukahoji na kuwaletea noma balaa utaona kama watakuliza tena

Wanaboa sana. Hawajui kwamba watu tunaungaunga siku.

 

[REAGAN C.MABOGO]

Mimi mwenyewe nimesoma kayumba.hadi namaliza form 6 sijui kujielezea kwa kimombo kwa dakika 1.Sitotaka mwanangu aingie mkumbo huo.shule za serikali hakuna lugha. Naona watu wanavyopata shida chuo. Mi nashukuru sana British council

Ni tatizo lako binafsi. Hata mimi nimesomea kayumba lakini english inashuka ile mbaya. Kwa form six shule za serikali ziko juu.

 

[kudra hamidu]

Hivi mchakato wa ada elekezi kwa shule binafsi umeishia wapi?

 

[evonik]

Kiukwel shule binafs inabid serikal iangalie gharama zake ,pamoja na kwamba wanatoa elim bora lkn upande wa gharama wapo juu sana

 

[real G]

mh, mi nashangaa obsession ya wazazi wa siku hizi na shule za English medium,
mtoto ukimpeleka shule ya serikali anafanya vizuri endapo utamsimamia vizuri, na utampatia vitabu vizuri

shule za government zinamkomaza mtoto anakuwa soldier mapemaa,
kuliko asome primary hadi chuo private na ada ya million 50 akitoka hapo hana ajira na hata kujiajiri hawezi shauri ya kuzoea kutafuniwa