Lukolo
JF-Expert Member
- Dec 2, 2009
- 5,143
- 3,209
Ndugu zangu,
Watanzania tuna usemi usemao "Mungu hamfichi mnafiki". Usemi huu umethibitika kupitia malumbano ambayo yamekuwa yakiendelea kwa siku kadhaa hapa JF. Kwa muono wa haraka haraka tunaweza kutambua kwamba wote wanaolumbana ni wasaliti kwa CHADEMA na wamekuwa siku zote wakijipambanua kama wapiganaji wakati kwa hakika walikuwa ni wanafiki na wasaliti wakubwa wa watanzania wanaiangalia CHADEMA kama chama mbadala kwa ukombozi wa nchi yetu. Nashawishika kuamini kwamba CHADEMA ina Mungu, na Mungu hajataka hawa akina Ben na kundi lake waukwamishe mpango wa Mungu. Hatimaye ameamua kuwaweka peupe na kuwafanya wafarakane wao kwa wao. Kwa hakika hii ni hatua mhimu sana katika kuelekea kuwa na CHADEMA yenye umoja na malengo ya aina moja ya kushika dola na kuwakomboa watanzania. Maana kama hawa wanafiki wangeendelea kuwepo hadi 2014, ni dhahiri wangekwamisha juhudi nyingi za kuiwezesha CHADEMA kuchukua madaraka katika serikali za mitaa na hata nchi mwaka 2015.
Nimezisoma kwa umakini mkubwa sana hoja zote za upande wa Ben, na ule wa akina Machange. Na nina mambo kadhaa ambayo nimeyaona hapa, na ningependa niseme machache kutokana hoja hizi.
Katika mabandiko ya Ben na Mamuya, wote kwa pamoja wanakubali kwamba Ben alikuwa ni mmoja wa waasi na alishiriki kwa kiasi kikubwa katika kutekeleza mipango na mikakati ya kukihujumu chama na hasa uongozi wa juu wa chama (mwenyekiti na katibu mkuu wa chama), lakini baadaye akajiondoa kwenye hili kundi na kuanza kulipinga. Katika bandiko la Mchange na Mwampamba wao kwa pamoja wanaonyesha kwamba Ben ndiye aliyekuwa mwanzishaji wa hili kundi lililolenga kukivuruga chama. Na inaonekana alifanya hiyo kazi kwa kutumia kiasi kikubwa sana cha pesa. Lakini hawasemi baadaye ilikuwaje na ni kwa vipi walishindwa au walifanikiwa kutekeleza hiyo mipango ya Ben Saanane. Lakini hoja hizi zinaonekana kuwa hazina uzito kwa kuwa tayari Ben alishakiri kwamba alikuwa ni msaliti kwa chama. Kwa hiyo Ben amewawahi (pre-empty) akina Mwampamba katika hili kwa kuwa tayari tunafahamu ushiriki wa Ben katika haraka za kumhujumu Heche na hata uongozi wa juu wa CHADEMA.
Lakini la pili, ukisoma kauli za akina Mchange, Juliana, Mwampamba na mtu anayeitwa Taswira, inaonekana kwamba Ben Saanane alikuwa anatumwa na Dr Slaa kwenda kuunda hilo genge la kukihujumu chadema na uongozi wa juu wa CHADEMA. Hii hoja haileti maana kabisa. Sidhani kama hata mtoto mdogo anaweza kukubaliana na upuuzi huu kwamba Dr. Slaa alimtuma Ben akaandae kikundi cha kumhujumu yeye Dr. Slaa. Huu ni ulimbukeni uliopindukia. Na katika hili, nafikiri ant-Ben, wamekoboa. Hawana hoja ya msingi hapa. Ni wazi kwamba Dr. Slaa anatamani kubaki na jina lililosafi mbele ya jamii na atakuwa ni mwendawazimu iwapo ataamua kuandaa kundi la kuchafua yeye mwenyewe. Hapa hamjanishawishi bado. Mkatafute sababu nyingine.
Tatu, Mchange anasema, Ben alikuwa anamtafuta Zitto ili akifadhiri kikundi, wakati Mwampamba anasema Ben alikuwa anamtafuta Zitto ili ampe sumu. Hapa kuna mchanganyo tayari. Inaonekana hata hamjajipanga na kuelewa ni nini mnataka kukiwasilisha kwa jamii. Katika hili Napata hofu kwamba hili kundi la akina Mchange lilikuwa linamlisha Zitto maneno ya fitina na uchonganishi dhidi ya Ben kwa kuona kwamba Ben amejitoa kutoka kwao. Zitto, ni vema ukayachunguza kwa umakini mkubwa maneno ya hawa akina mchange na mwampamba. Anayetaka kukulisha sumu hawezi kufanya kazi ya kukutafuta mchana kweupe. Atatumia njia nyingine yoyote lakini siyo kuja uso kwa uso anakutafuta. Hivi unataka kusema kama Ben alikuwa amepewa pesa ya chama ya kuhakikisha anakuua angeshindwa kukutafuta popote? Hata Dodoma angekufuata ukiwa bungeni. Kama hawa jamaa zako walikuwa wanakuambia haya, ni dhahiri yana walakini.
Nne, wakati Mchange na Mwampamba wakidai kwamba Ben ndiye aliyekuwa analifadhiri kundi la kukihujumu chama na kuwachafua viongozi wa chama. Ushahidi wa kimazingira unaonyesha kwamba Tuntemeke and company walikuwa wapo busy kuzunguka kwenye mitandao ya kijamii (facebook, jf etc) kumchafua Dr Slaa kwa maneno ya hovyohovyo, na kuwauzia akina Nape siri za ndani za chama na za Slaa, ili kumfanya Slaa adharirike na kupoteza mvuto ndani ya chama na kwa jamii kubwa ya watanzania. Lakini ni bahati mbaya kubwa kwamba hakuna popote nilipoona Ben akimkashifu kiongozi yeyote, si Zitto wala Slaa au kiongozi wa juu wa CHADEMA. Kama kwa hakika Ben ndiye aliyekuwa analifadhiri hili kundi la uasi ni vipi tena kundi hili likaifanya kazi ya Ben kiufasaha, na kumsafishia Zitto njia ya kuelekea kwenye Uraisi ilihali halikubaliani na hoja za Ben. Hapa kimantiki haiwezekani. Hili kundi lilikuwa linafanya kazi ya mtu mwingine, tofauti na Ben Saanane.
Tano, ukiuangalia mwanzo wa migogoro hii yote ni Zitto kuutaka urais. Na hili kundi linaloongoza propaganda za kumchafua Slaa na kumsifia Zitto lina nia moja tu ya kumuwezesha Zitto kupata Urais. Hili kundi linamwona Slaa ni tishio ndani ya chama kwa nafasi ya urais, na hivyo linajaribu kuibua kila aina ya propaganda ili kumfanya Slaa aonekane hafai kwa nafasi hiyo ya urais. Kama tatizo siyo urais, kwanini kundi hili halimchafui Tundu Lissu au Mabere, au Prof Safari, au Mnyika au Mbowe? Tatizo ni Slaa kwa kuwa ana potentials za Urais. Kwa ushahidi wa kimazingira, Zitto ndiye anayelifadhiri hili kundi la akina Mwampamba, Mchange na wenzake wanaoendesha propaganda mbaya dhidi ya Dr. Slaa, ili kumuwezesha yeye Zitto kukubalika zaidi kwa wanachama. Katika hili hamuwezi kujinasua.
Sita, namfahamu Zitto tangu akiwa kiongozi wa DARUSO pale UDSM, ninamfahamu kama ni mtu mwenye misimamo na asiyeyumbishwa na kitu chochote. Ni mtu anayejiamini, asiyemwogopa mtu wala matokeo ya misimamo yake. Lakini pia namfahamu kama ni mtu mpenda madaraka sana. Na hili limejionyesha pale alipoanza harakati za kuutafuta uenyekiti wa CHADEMA, na baadaye kuutafuta urais. Ni dhahiri akibahatika kuwa Rais wa Tanzania atautaka pia Urais wa Africa Mashariki, Africa na hatimaye urais wa dunia kama utakuwepo. Mimi sipingani na uchu huo wa madaraka ilimradi anaamini kwamba anao uwezo wa kuongoza, maana hiyo ndiyo demokrasia. Lakini sikubaliani na approach yake ya kuutafuta urais, wenzake wote wanaoutafuta urais hata wale wa ndani ya CCM hadi hivi leo hawajajitangaza, yeye amejitangaza ili kiwe nini kama si kwa nia ya kujenga haya makundi ya akina Mchange? Zitto usipokuwa makini, hata kama utapata urais, unaweza kuwa Rais mbovu kumshinda hata Kikwete. Na unaweza ukaua kabisa matumaini ya watanzania dhidi ya vyama vya upinzani.
Lakini zaidi ya yote, Zitto una bahati mbaya sana kwamba watu uliowachagua kukupigia debe au kukubeba kuelekea huko unakotaka kufika ni weupe mno katika uwezo wa kuchambua mambo. Hili nimeshakuandikia mara kadhaa. Hivi watu kama akina Mchange, Mwampamba na Juliana utawalipa fadhira gani utakapotokea kuwa Rais? Nadhani hata kwenye nafasi ya ukuu wa wilaya tu hawawezi kufit, kwa jinsi wasivyojua kupembua mambo. Hawa watu uliowatuma wakupigie debe na kumkashifu Dr. Slaa ili apoteze mvuto mbele ya jamii na akose sifa ya kugombea Urais ili wewe ugombee, wamekosa maarifa ya kufanya kazi hiyo. Badala ya kukupigia debe wenzako wanakisambaratisha chama. Ni mwendawazimu tu atakayeanza kulivunja daraja kabla hajavuka mto. Wewe unautaka urais halafu daraja la kukupeleka kwenye urais unawatuma akina Mchange na kundi lake walivunje. Kwanini usingetulia, ukashirikiana na wanachama wenzako, mkajenga umoja wa chama, mkakitangaza na kukikuza chama kwa bidii, na baadaye watu wakuone kwamba unaweza, na wakupe hiyo nafasi? Kwanini usifanye mambo mazuri ndani na nje ya chama ili sisi tukuone kwamba unatufaa kuwa rais? Rejea kauli ya Butiku pale Nkurumah.
Zitto, kwa sasa huna sifa za kuwa Rais. Ukishaona unajiandaa kuingia kwenye mpambano halafu mpinzani wako anakusifia, basi ujue huna kitu wewe. Ni ajabu sana kwamba akina Nape, Le Mtuz na January Makamba wanakusifia wewe na kumkashfu Slaa. Kwa mazingira haya tu, ni dhahiri kwamba Slaa ndiyo tishio kwa CCM na si wewe. I am sorry, lakini huo ndiyo ukweli. Nadriki kusema kama nia ni kupata Rais kijana, basi John Mnyika au Tundu Lissu wanaweza kuwa macandidate wazuri zaidi kwa nafasi ya urais kuliko wewe. Ni vema ujitafakari, na uangalia misimamo na determinations za hao niliowataja, halafu jilinganishe na wewe.
Mwisho, napendekeza kwamba, kwa kuwa unafiki wenu umeshawekwa wazi, basi yavunjeni haya makundi mliyoyaunda ya kummaliza Dr Slaa kisiasa, mrudi chamani mkaombe radhi kutokana na ushiriki wenu wa kukihujumu chama na hatimaye mrudi katika harakati za kukijenga chama ikiwemo kushiriki kikamilifu katika vuguvugu la mabadiliko linaloendeshwa na CHADEMA hivi sasa. Miaka mitatu iliyobaki inatosha sana kujijenga kisiasa na kurudisha imani ya watanzania kwenu. Pengine japo mtaambulia ubunge. Kwa kuwa tumeshayaskia mengie yatokayo kwenu, napendekeza pia, tuishie hapa, turudi kwenye vikao tukayamwage yote, na kukubaliana juu ya njia nzuri ya kujenga umoja wa chama kwa maslahi ya watanzania. Kuendelea kuleta watu wajiandikishe kwenye JF na kuleta ushahidi wa uongo kwa sasa hautasaidia tena. Ushahidi wa kimazingira upo wazi kwamba kuna hujuma dhidi ya Dr. Slaa.
Lukolo
Dar es salaam
Watanzania tuna usemi usemao "Mungu hamfichi mnafiki". Usemi huu umethibitika kupitia malumbano ambayo yamekuwa yakiendelea kwa siku kadhaa hapa JF. Kwa muono wa haraka haraka tunaweza kutambua kwamba wote wanaolumbana ni wasaliti kwa CHADEMA na wamekuwa siku zote wakijipambanua kama wapiganaji wakati kwa hakika walikuwa ni wanafiki na wasaliti wakubwa wa watanzania wanaiangalia CHADEMA kama chama mbadala kwa ukombozi wa nchi yetu. Nashawishika kuamini kwamba CHADEMA ina Mungu, na Mungu hajataka hawa akina Ben na kundi lake waukwamishe mpango wa Mungu. Hatimaye ameamua kuwaweka peupe na kuwafanya wafarakane wao kwa wao. Kwa hakika hii ni hatua mhimu sana katika kuelekea kuwa na CHADEMA yenye umoja na malengo ya aina moja ya kushika dola na kuwakomboa watanzania. Maana kama hawa wanafiki wangeendelea kuwepo hadi 2014, ni dhahiri wangekwamisha juhudi nyingi za kuiwezesha CHADEMA kuchukua madaraka katika serikali za mitaa na hata nchi mwaka 2015.
Nimezisoma kwa umakini mkubwa sana hoja zote za upande wa Ben, na ule wa akina Machange. Na nina mambo kadhaa ambayo nimeyaona hapa, na ningependa niseme machache kutokana hoja hizi.
Katika mabandiko ya Ben na Mamuya, wote kwa pamoja wanakubali kwamba Ben alikuwa ni mmoja wa waasi na alishiriki kwa kiasi kikubwa katika kutekeleza mipango na mikakati ya kukihujumu chama na hasa uongozi wa juu wa chama (mwenyekiti na katibu mkuu wa chama), lakini baadaye akajiondoa kwenye hili kundi na kuanza kulipinga. Katika bandiko la Mchange na Mwampamba wao kwa pamoja wanaonyesha kwamba Ben ndiye aliyekuwa mwanzishaji wa hili kundi lililolenga kukivuruga chama. Na inaonekana alifanya hiyo kazi kwa kutumia kiasi kikubwa sana cha pesa. Lakini hawasemi baadaye ilikuwaje na ni kwa vipi walishindwa au walifanikiwa kutekeleza hiyo mipango ya Ben Saanane. Lakini hoja hizi zinaonekana kuwa hazina uzito kwa kuwa tayari Ben alishakiri kwamba alikuwa ni msaliti kwa chama. Kwa hiyo Ben amewawahi (pre-empty) akina Mwampamba katika hili kwa kuwa tayari tunafahamu ushiriki wa Ben katika haraka za kumhujumu Heche na hata uongozi wa juu wa CHADEMA.
Lakini la pili, ukisoma kauli za akina Mchange, Juliana, Mwampamba na mtu anayeitwa Taswira, inaonekana kwamba Ben Saanane alikuwa anatumwa na Dr Slaa kwenda kuunda hilo genge la kukihujumu chadema na uongozi wa juu wa CHADEMA. Hii hoja haileti maana kabisa. Sidhani kama hata mtoto mdogo anaweza kukubaliana na upuuzi huu kwamba Dr. Slaa alimtuma Ben akaandae kikundi cha kumhujumu yeye Dr. Slaa. Huu ni ulimbukeni uliopindukia. Na katika hili, nafikiri ant-Ben, wamekoboa. Hawana hoja ya msingi hapa. Ni wazi kwamba Dr. Slaa anatamani kubaki na jina lililosafi mbele ya jamii na atakuwa ni mwendawazimu iwapo ataamua kuandaa kundi la kuchafua yeye mwenyewe. Hapa hamjanishawishi bado. Mkatafute sababu nyingine.
Tatu, Mchange anasema, Ben alikuwa anamtafuta Zitto ili akifadhiri kikundi, wakati Mwampamba anasema Ben alikuwa anamtafuta Zitto ili ampe sumu. Hapa kuna mchanganyo tayari. Inaonekana hata hamjajipanga na kuelewa ni nini mnataka kukiwasilisha kwa jamii. Katika hili Napata hofu kwamba hili kundi la akina Mchange lilikuwa linamlisha Zitto maneno ya fitina na uchonganishi dhidi ya Ben kwa kuona kwamba Ben amejitoa kutoka kwao. Zitto, ni vema ukayachunguza kwa umakini mkubwa maneno ya hawa akina mchange na mwampamba. Anayetaka kukulisha sumu hawezi kufanya kazi ya kukutafuta mchana kweupe. Atatumia njia nyingine yoyote lakini siyo kuja uso kwa uso anakutafuta. Hivi unataka kusema kama Ben alikuwa amepewa pesa ya chama ya kuhakikisha anakuua angeshindwa kukutafuta popote? Hata Dodoma angekufuata ukiwa bungeni. Kama hawa jamaa zako walikuwa wanakuambia haya, ni dhahiri yana walakini.
Nne, wakati Mchange na Mwampamba wakidai kwamba Ben ndiye aliyekuwa analifadhiri kundi la kukihujumu chama na kuwachafua viongozi wa chama. Ushahidi wa kimazingira unaonyesha kwamba Tuntemeke and company walikuwa wapo busy kuzunguka kwenye mitandao ya kijamii (facebook, jf etc) kumchafua Dr Slaa kwa maneno ya hovyohovyo, na kuwauzia akina Nape siri za ndani za chama na za Slaa, ili kumfanya Slaa adharirike na kupoteza mvuto ndani ya chama na kwa jamii kubwa ya watanzania. Lakini ni bahati mbaya kubwa kwamba hakuna popote nilipoona Ben akimkashifu kiongozi yeyote, si Zitto wala Slaa au kiongozi wa juu wa CHADEMA. Kama kwa hakika Ben ndiye aliyekuwa analifadhiri hili kundi la uasi ni vipi tena kundi hili likaifanya kazi ya Ben kiufasaha, na kumsafishia Zitto njia ya kuelekea kwenye Uraisi ilihali halikubaliani na hoja za Ben. Hapa kimantiki haiwezekani. Hili kundi lilikuwa linafanya kazi ya mtu mwingine, tofauti na Ben Saanane.
Tano, ukiuangalia mwanzo wa migogoro hii yote ni Zitto kuutaka urais. Na hili kundi linaloongoza propaganda za kumchafua Slaa na kumsifia Zitto lina nia moja tu ya kumuwezesha Zitto kupata Urais. Hili kundi linamwona Slaa ni tishio ndani ya chama kwa nafasi ya urais, na hivyo linajaribu kuibua kila aina ya propaganda ili kumfanya Slaa aonekane hafai kwa nafasi hiyo ya urais. Kama tatizo siyo urais, kwanini kundi hili halimchafui Tundu Lissu au Mabere, au Prof Safari, au Mnyika au Mbowe? Tatizo ni Slaa kwa kuwa ana potentials za Urais. Kwa ushahidi wa kimazingira, Zitto ndiye anayelifadhiri hili kundi la akina Mwampamba, Mchange na wenzake wanaoendesha propaganda mbaya dhidi ya Dr. Slaa, ili kumuwezesha yeye Zitto kukubalika zaidi kwa wanachama. Katika hili hamuwezi kujinasua.
Sita, namfahamu Zitto tangu akiwa kiongozi wa DARUSO pale UDSM, ninamfahamu kama ni mtu mwenye misimamo na asiyeyumbishwa na kitu chochote. Ni mtu anayejiamini, asiyemwogopa mtu wala matokeo ya misimamo yake. Lakini pia namfahamu kama ni mtu mpenda madaraka sana. Na hili limejionyesha pale alipoanza harakati za kuutafuta uenyekiti wa CHADEMA, na baadaye kuutafuta urais. Ni dhahiri akibahatika kuwa Rais wa Tanzania atautaka pia Urais wa Africa Mashariki, Africa na hatimaye urais wa dunia kama utakuwepo. Mimi sipingani na uchu huo wa madaraka ilimradi anaamini kwamba anao uwezo wa kuongoza, maana hiyo ndiyo demokrasia. Lakini sikubaliani na approach yake ya kuutafuta urais, wenzake wote wanaoutafuta urais hata wale wa ndani ya CCM hadi hivi leo hawajajitangaza, yeye amejitangaza ili kiwe nini kama si kwa nia ya kujenga haya makundi ya akina Mchange? Zitto usipokuwa makini, hata kama utapata urais, unaweza kuwa Rais mbovu kumshinda hata Kikwete. Na unaweza ukaua kabisa matumaini ya watanzania dhidi ya vyama vya upinzani.
Lakini zaidi ya yote, Zitto una bahati mbaya sana kwamba watu uliowachagua kukupigia debe au kukubeba kuelekea huko unakotaka kufika ni weupe mno katika uwezo wa kuchambua mambo. Hili nimeshakuandikia mara kadhaa. Hivi watu kama akina Mchange, Mwampamba na Juliana utawalipa fadhira gani utakapotokea kuwa Rais? Nadhani hata kwenye nafasi ya ukuu wa wilaya tu hawawezi kufit, kwa jinsi wasivyojua kupembua mambo. Hawa watu uliowatuma wakupigie debe na kumkashifu Dr. Slaa ili apoteze mvuto mbele ya jamii na akose sifa ya kugombea Urais ili wewe ugombee, wamekosa maarifa ya kufanya kazi hiyo. Badala ya kukupigia debe wenzako wanakisambaratisha chama. Ni mwendawazimu tu atakayeanza kulivunja daraja kabla hajavuka mto. Wewe unautaka urais halafu daraja la kukupeleka kwenye urais unawatuma akina Mchange na kundi lake walivunje. Kwanini usingetulia, ukashirikiana na wanachama wenzako, mkajenga umoja wa chama, mkakitangaza na kukikuza chama kwa bidii, na baadaye watu wakuone kwamba unaweza, na wakupe hiyo nafasi? Kwanini usifanye mambo mazuri ndani na nje ya chama ili sisi tukuone kwamba unatufaa kuwa rais? Rejea kauli ya Butiku pale Nkurumah.
Zitto, kwa sasa huna sifa za kuwa Rais. Ukishaona unajiandaa kuingia kwenye mpambano halafu mpinzani wako anakusifia, basi ujue huna kitu wewe. Ni ajabu sana kwamba akina Nape, Le Mtuz na January Makamba wanakusifia wewe na kumkashfu Slaa. Kwa mazingira haya tu, ni dhahiri kwamba Slaa ndiyo tishio kwa CCM na si wewe. I am sorry, lakini huo ndiyo ukweli. Nadriki kusema kama nia ni kupata Rais kijana, basi John Mnyika au Tundu Lissu wanaweza kuwa macandidate wazuri zaidi kwa nafasi ya urais kuliko wewe. Ni vema ujitafakari, na uangalia misimamo na determinations za hao niliowataja, halafu jilinganishe na wewe.
Mwisho, napendekeza kwamba, kwa kuwa unafiki wenu umeshawekwa wazi, basi yavunjeni haya makundi mliyoyaunda ya kummaliza Dr Slaa kisiasa, mrudi chamani mkaombe radhi kutokana na ushiriki wenu wa kukihujumu chama na hatimaye mrudi katika harakati za kukijenga chama ikiwemo kushiriki kikamilifu katika vuguvugu la mabadiliko linaloendeshwa na CHADEMA hivi sasa. Miaka mitatu iliyobaki inatosha sana kujijenga kisiasa na kurudisha imani ya watanzania kwenu. Pengine japo mtaambulia ubunge. Kwa kuwa tumeshayaskia mengie yatokayo kwenu, napendekeza pia, tuishie hapa, turudi kwenye vikao tukayamwage yote, na kukubaliana juu ya njia nzuri ya kujenga umoja wa chama kwa maslahi ya watanzania. Kuendelea kuleta watu wajiandikishe kwenye JF na kuleta ushahidi wa uongo kwa sasa hautasaidia tena. Ushahidi wa kimazingira upo wazi kwamba kuna hujuma dhidi ya Dr. Slaa.
Lukolo
Dar es salaam
