Ukumbusho kwa ndugu zangu Waislamu

[Fene]

Ukumbusho kwa nafsi yangu kwanza, kisha kwa ndugu zangu vijana.

Ewe kijana, dunia inatupumbaza kwa starehe zake.
Leo tunaona muda ni mrefu, kesho tunasikia habari za aliyekuwa anacheka jana, leo yuko kaburini.

Tunahangaika kutafuta raha za muda mfupi; pombe, uzinzi, mahusiano ya haramu, na mambo mengine yanayomkasirisha Allah (Subḥānahu wa Ta'ālā).
Shaytwan hutunong'oneza: "Bado una muda wa kutubu." Lakini nani amepewa ahadi ya kuiona kesho?

Hakika kila pumzi inayotoka haitarudi tena. Kila siku inayopita inatukaribisha kwenye kaburi.

Tutasimama mbele ya Allah peke yetu; si marafiki, si umaarufu, si mali, si starehe za dunia zitakazotetea nafsi zetu.

Tujiulize: Je, tukifa leo hii, tutakutana na Allah tukiwa katika hali gani?

Allah ni Mwingi wa Rehema, na mlango wa tawbah uko wazi
Lakini mlango huo hauko wazi milele kwa kila mmoja; hufungwa pale mauti yanapofika.

Tusicheleweshe kurejea kwa Mola wetu.
Tumuombe atusafishe nyoyo zetu, atujaalie tupende ibada kuliko maasi, na atupe mwisho mwema.

Ewe Allah, usiichukue roho yetu isipokuwa ukiwa umeturidhia. Āmīn.

"Hakika sisi ni wa Allah, na hakika Kwake tutarejea."

 

[MAWEED]

Inna llah maa swabiriina
"Hakika yake mungu ni mwenye subra na kusamehe"

 

[ShesRise_1]

Kila la kheri kwako na ndugu zako waislam

 

[Fene]

Kila la kheri kwako na ndugu zako waislam

Ahsante

 

[gwiji wa mchongo]

Asante kwa ukumbusho