Ukraine yapokea miili ya wanajeshi wake waliouawa Urusi

[The Zanzibar Echo]

Ukraine imepokea miili 1,212 kutoka Urusi ya wanajeshi wake waliouwawa wakati wa vita vilivyodumu miaka mitatu kati ya majirani hao wawili.

Wanajeshi hao wanadaiwa kuuwawa katika mapigano kwenye jimbo la Kursk pamoja na maeneo mengine ya Ukraine ya Kharkiv, Luhansk, Donetsk, Zaporizhzhya na Kherson.

Taasisi inayoshughulikia wafungwa wa kivita mjini Kiev, imesema kuachiwa kwa miili hiyo kumejiri baada ya siku kadhaa za mvutano.

Urusi imekuwa ikiishutumu Ukraine kukataa kuchukua miili ya wanajeshi wake na kuitaka kuheshimu makubaliano yaliyofikiwa kati ya pande hizo hasimu katika mazungumzo yaliyofanyika mjini Istanbul mwanzoni mwa mwezi huu.

Urusi ilisafirisha miili hiyo kwa makabidhiano mwishoni mwa juma lakini Ukraine ikasema hakuna tarehe ya makabidhiano iliyofikiwa.

Makubaliano ya Istanbul yalijumuisha kurejeshwa kwa miili ya wanajeshi 6000 kutoka Urusi kwenda Ukraine. Haijawa wazi iwapo Urusi nayo itapokea miili ya wanajeshi wake kutoka Ukraine.

 

[Perfectz]

HII VITA KAMA KIINI MACHO WANAPIGANA KWELI HAWA???!!!

 

[Sinoni]

Tarehe ya mabadilishano	Urusi	Ukraine
June 22	374	365
March 2024	29	121
April 24	23	99
Agosti 24	38	250
Oktoba 24	89	501
Novemba 24	37	563
Desemba 24	42	501
Januari 2025	49	757

Februari 2025	45	757
Machi 2025	43	909
April 2025	41	909
May 2025	34	909

 

[Threesixteen Himself]

Okey Na Sisi Tutadai Ya Akina Soka Na Wenzake Akiwemo Mdude Na Chaula

!
!
No Reforms No Election

 

[Numbisa]

Inasikitisha sana

 

[Head up]

hizo namba ni binadam ama! aisee

 

[Kasongo yeeyee]

Kazi ya jeshi ni kazi ya kipuuzi zaidi kuwahi kutokea duniani. Sijawahi kujuta kupiga chini fursa ya kujiunga huko.

 

[Crocodiletooth]

Kazi ya jeshi ni kazi ya kipuuzi zaidi kuwahi kutokea duniani. Sijawahi kujuta kupiga chini fursa ya kujiunga huko.

Duniani kote watu wakawa na mindset kama zako sijui dunia itakuwaje?

 

[Champion number one]

Tarehe ya mabadilishano	Urusi	Ukraine
June 22	374	365
March 2024	29	121
April 24	23	99
Agosti 24	38	250
Oktoba 24	89	501
Novemba 24	37	563
Desemba 24	42	501
Januari 2025	49	757

Februari 2025	45	757
Machi 2025	43	909
April 2025	41	909
May 2025	34	909

Aisee Ukraine wanakufa

 

[Kasongo yeeyee]

Duniani kote watu wakawa na mindset kama zako sijui dunia itakuwaje?

Ukimaliza kujiuliza swali hilo jiulize pia duniani kote watu wakiwa na mindset kama zako wewe na wale wenzio akina lucas msambwanda, tlaahtlaah, jingalao, chinembe, choice variable nk za kufurahia wakati majeshi hayo yakitumika ovyo kuumiza watu badala ya kuwalinda dunia itakuwaje?

Nasisitiza tena, sijawahi kuielewa kazi ya jeshi tangu enzi hizo za wafalme waliotajwa kwenye maandiko hadi leo hii, maana wao hutumika kwa maslahi mapana ya wenye mamlaka. Wataua na kuuawa ovyo kisa tu wenye mamlaka waliokaa kwenye viyoyozi wameshindwa kukubaliana, watatumika kunyanyasa wapinzani na watu wengineo ili tu kulinda keki ya wanasiasa nk.

Kwani Urusi na Ukraine mgogoro wao hautatuliki kabisa mezani hadi leo hii wakabidhiane maelfu ya maiti za vijana wao huku kukiwa hakuna hata dalili ya makubaliano? Kubwa zaidi waliotibuana wao bado wapo hai hawajawahi kupata hata mchubuko tangu kuanza kwa vita!