UGANDA : Museveni kama Magufuli aamua kufufua shirika la ndege.

[Ghazwat]

Serikali ya Uganda imetangaza kutekeleza dhamira yake ya muda mrefu ya kufufua shirika lake la ndege ili lianze kutoa huduma ambapo maofisa wa Serikali wametaja Agosti 2017 kuwa mwezi ambao Shirika la ndege la Uganda litaanza kurusha kwa mara nyingine baada ya miaka zaidi ya 16 ya kusimama kwa shughuli zake

Aidha taarifa hiyo imedhibitisha kuendelea vizuri kwa majadiliano baina ya kampuni ya utengenezaji ndege ya Canada, Bombardier na Airbus ya Ufaransa ili kukodi ndege yanaendelea vyema

"Kufufua shirika la ndege la taifa ni mchakato, hivyo tunatakiwa kuendelea kwa uangalifu na kufuata hatua vizuri lakini naweza kuthibitisha kuwa uamuzi ulifanyika na mipango yetu kwa sasa imefika mahala pazuri

Shirika la ndege la Uganda likarudi tena mwaka ujao", Waziri wa Kazi na Usafirishaji, Aggrey Bagiire ameripoti

Hatua hii ya Uganda inatarajiwa kuwa na athari za moja kwa moja kwa mashirika ya ndege ya nchi za Kenya, Rwanda, Ethiopia na Afrika Kusini, ambazo kwa takribani miaka 15 yalitawala sekta ya usafiri wa anga wa ndani na nje ya Uganda.

Chanzo : The East African

 

[Mkidi Mwako]

Ameona umuhimu katika kukuza uchumi,halafu kwetu baadhi wanabeza wakati wengine wanasifu na kuiga nyendo zake

 

[Black Sniper]

Yaani Cranes wameomba $2m wamenyimwa.

 

[Bukyanagandi]

Kwa mawazo yangu badala ya kila nchi kutaka kumiliki shirika lake la ndege wanapashwa kushirikiana na kuwa na shirika moja lenye nguvu, hapa namaanisha Tanzania, Rwanda na Uganda baadae Sudan Kusini na DRC - biashara ya anga ni ngumu sana Mashirika makubwa ya ndege huko Ulaya na Merikani yanaungana ili yasianguke sembuse sisi? Hayo ni maoni yangu.

 

[Kisu Cha Ngariba]

Kwa mawazo yangu badala ya kila nchi kutaka kumiliki shirika lake la ndege wanapashwa kushirikiana na kuwa na shirika moja lenye nguvu, hapa namaanisha Tanzania, Rwanda na Uganda baadae Sudan Kusini na DRC - biashara ya anga ni ngumu sana Nashirija makubwa ya ndege huko Ulaya na Merikani yanaungana ili yasianguke sembuse sisi? Hayo ni naoni yangu.

Sidhani kama tutaweza uku kila mtu ni kambale.

 

[Ngongo]

Kwa mawazo yangu badala ya kila nchi kutaka kumiliki shirika lake la ndege wanapashwa kushirikiana na kuwa na shirika moja lenye nguvu, hapa namaanisha Tanzania, Rwanda na Uganda baadae Sudan Kusini na DRC - biashara ya anga ni ngumu sana Mashirika makubwa ya ndege huko Ulaya na Merikani yanaungana ili yasianguke sembuse sisi? Hayo ni maoni yangu.

Hili nalo neno Mkuu wangu Bukyanagandi lakini katika mazingira yetu hasa EA suala hilo lingekuwa gumu kweli kweli labda nianze na sababu mbili tatu.

Mosi,Kenya na Rwanda tayari walikuwa na msingi mzuri wa mashirika yao ya ndege wakati Tanzania na Uganda hawakuwa na mashirika ya ndege kabisa au kama yalikuwepo yalikuwa katika hali mbaya kweli kweli.Mfano Tanzania ilikodisha ndege moja huku ikiwa na wafanyakazi mia mbili.Uganda hawakuwepo kabisa walisha sahau kama kuna The Crens.

Pili unapotaka kuunda shirika la ndege imara na kubwa lazima wanaokusudiwa waonyeshe wana nini kwanza.Sasa hapo ndio utawajua waKenya na Rwanda wataanza kusema wanastahili share nyingi na hata suala la ajira wangependa wapate upendeleo,ikumbukwe tayari wana marubani na wataalam wengine wengi sisi Tanzania na Uganda tataenda na nini ????.

Mwisho nadhani kuanzisha ATC na Uganda kufufua shirika lake la ndege ni mwanzo mzuri kama tutaona umuhimu wa kuungana kila nchi itakwenda katika meza ya majadiliano na wakiwa katika level nzuri si mmoja au wawili wako juu sana na wengine hatuna kitu hata kiduchu.