Tuwe creative kutengeneza story fupi.

[YNNAH]

charminglady aliendelea kuomba msamaha bila mafanikio. Akaamua akate simu yake na kujaribu kuutafuta usingizi, lakini usingizi haukuweza kuja hadi kwenye saa kumi alfajiri ndio akapitiwa na usingizi. kulipokucha akaona ni bora aende hukohuko kwa kina Filipo lakini akaona ni busara ampitie rafiki wa Filipo aitwae Erickb52 akamsimulie yaliyojiri usiku wa jana baina yake na mpenzi wake............

 

[Asulo]

Kwa upande wa Peta usiku ule nao ulikuwa ni mzito kusonga mbele..
Kilikuwa na kitu kilichomgusa moyoni mwake toka kwa kijana Katavi.
Alitamani aamke usiku ule amfate mgeni wao huyo Katavi,ila ilikuwa ngumu maana alishamkabidhi kwa mdogo wake Filipo.

 

[Viol]

Hivo ndo jinsi penzi la Filipo na charminglady ilivyosuasua charminglady alikaa na Erick52 mchana kutwa na akajikuta amesahau maumivu aliyopata.

(turudi kwa wahusika wakuu katavi na Preta ili tusipotezee mtiririko wa maisha ya wahusika wakuu)

 

[Watu8]

Hivo ndo jinsi penzi la Filipo na charminglady ilivyosuasua charminglady alikaa na Erick52 mchana kutwa na akajikuta amesahau maumivu aliyopata.

(turudi kwa wahusika wakuu katavi na Preta ili tusipotezee mtiririko wa maisha ya wahusika wakuu)

afadhali mkuu umetoa angalizo maana kastory kalinoga lakini ghafla wajuzi wa chit chat wakakateka utamu ukaanza kupotea lol...my daughter charminglady haya ngoja nikaendeleze kidogo haka kariwaya

 

[Watu8]

Ni katikati ya jiji la Dar es Salaam maeneo ya Posta mpya, jua kali linawaka likiambatana na upepo mwanana wa bahari ya Hindi. "Mbagala gari, Mbagala gari, nauli yake 400 oyaa kuna mwendaji?", hiyo ilikua ni sauti ya kondakta akiulizia kundi la abiria wachache waliokuwa wamejibanza katika moja ya jukwa kuukuu. Katikati ya hilo kundi alikuwa amesimama binti mmoja mwenye uso wa unaoonesha tumaini jipya na kujawa na tabasamu linalofifia, mkonowe wa kushoto ulikua umeshikilia bahasha ya khaki na ule wa kuume ulikua umeshikilia simu ya kiganjani. "Shikamoo mama, jamani mama nimefanikiwa kupata kazi,nitakupigia baadae tuongee...", hiyo ilikuwa ni sehemu ya ujumbe ambao binti Preta alikua akiutuma kwa mama yake Kaunga. Masaa mawili kabla ya kufika hapo kituoni, Preta ambaye ni mhitimu wa chuo kikuu katika fani ya sheria za haki za binadamu, wanawake na watoto alikuwa ameitwa kwenye usahili katika kampuni ya mawakili ijulikanayo kama Bishanga Advocates (BA), kampuni yenye kujihusisha na kutetea wanawake,watoto na wale wasiojiweza.

 

[souvenir]

Wo!excellent i like it mbarikiwe kwa kunichekesha

 

[Madame B]

...lakini kwa kuwa kampuni yenyewe ya Bishanga Advocates ilikuwa imeshakubali kufanya kazi na Preta,
iliamua impangishie Nyumba kubwa Mikocheni pamoja na kumpatia gari aina ya N. Patrol.
Preta alipewa dereva aitwae Kaizer, ila kwa kuwa platozoom aliwahi kufika,alikabidhiwa jukumu la kumuendesha Preta.
Siku ya Kuanza Kazi Preta alipitia pale Madame B's Unique Boutique ili kununua Suti ya Kijivu kwani aliijaribu na kusema kuwa atakuja kuinunua.
Baada ya Kuinunua,aliingia kwenye gari....

 

[YNNAH]

Preta baada ya kuona amefanikiwa kupata kazi na kupatiwa nyumba, akaona amchukue mgeni wake Katavi akae nae ili ajue ni jinsi gani angeweza kumsaidia....

 

[Siri Sirini]

Katavi alimshukuru sana Preta, alijua atapopata kibarua na kupata pesa, ndo ataanza kumtafuta binamu yake vizuri,
Siku ya siku wakahamia kwenye mjengo wao, Katavi alikuwa na kimfuko chake cha rambo tu, akapewa chumba kikubwa kizuri, yani alikuwa anashangaa uzuri wa ile nyumba....

 

[Watu8]

Siku, miezi na hatimaye mwaka sasa umepita tangu Katavi alipoondoka kijijini kwao Mwamapuli kuja jijini Dar es Salaam. Kichwani alikuwa na wazo moja tu, ni namna gani atatimiza malengo yake kimaisha. Labda nikurudishe nyuma kidogo, Katavi ni mtoto wa mwisho wa kati ya watoto nane wa mzee Mtambuzi ambaye ni mzee maarufu sana katika viunga vya mji wa Mpanda. Mzee Mtambuzi ni mmoja wa waasisi wa vyama vya ushirika wakati Mpanda ikiwa ni sehemu ya mkoa wa Rukwa. Ndugu zake Katavi karibia wote walikataa kuendelea na masomo, dadaze wakubwa wameshaolewa na kakaze nao wameoa na wanajishughulisha na ukulima. Kwa upande wa Katavi, yeye ni mhitimu wa cheti cha ufundi magari kutoka chuo cha VETA Mpanda.

 

[Kaunga]

Mapenzi ya Katavi kwa Preta yalianza kuingia taswira nyingine baada ya Preta kuendelea kuonesha moyo wake wa huruma na mapedo, shukrani zimfikie mama yake (Kaunga) kwa malezi mazuri.

Maskini Katavi hakujua kuwa Preta ana mchumba wake aliyeko masoni Wyoming huko Marekani, si akaanza kuonesha hisia za kumtamani Preta. Badala ya kuanza kutafuta kibarua, akawa anatumia muda mwingi kuota ndoto jinsi gani atakavyouchojoa Nguo mwili teke teke wa Preta. Preta aligundua hiyo hali, akajaribu bila mafanikio kumwambia Katavi kuwa, wao ni urafiki wa kawaida tu kwani anaye chaguo la moyo wake tayari bila mafanikio.

Maskini Preta, sio tu Katavi alimsumbua lakini hata bosi wake Bishanga kule kazini!

 

[Watu8]

"Mtaka cha uvunguni, sharti ainame Katavi, kumbuka hali duni tulioiacha kule kijijini kwetu Mwamapuli.... ",ndivyo ambavyo Preta alionekana akimuasa Katavi. Preta ameamua kwa moyo mkunjufu amsaidie rafikiye kujiendeleza kielimu, makaratasi yaliyopo mezani ni barua za kujiunga na Chuo cha Usimamizi wa Fedha. Lengo kubwa la wakili huyu ni kwamba, Katavi akasomee mambo ya usimamizi wa fedha ili aweze kusimamia miradi mbalimbali ambayo karibuni wakili huyu ataifungua. "Nimekuelewa", hilo lilikua ni jibu fupi kutoka kwa Katavi kuonesha kahafikiana na ushauri aliopewa.

 

[platozoom]

"Mtaka cha uvunguni, sharti ainame Katavi, kumbuka hali duni tulioiacha kule kijijini kwetu Mwamapuli.... ",ndivyo ambavyo Preta alionekana akimuasa Katavi. Preta ameamua kwa moyo mkunjufu amsaidie rafikiye kujiendeleza kielimu, makaratasi yaliyopo mezani ni barua za kujiunga na Chuo cha Usimamizi wa Fedha. Lengo kubwa la wakili huyu ni kwamba, Katavi akasomee mambo ya usimamizi wa fedha ili aweze kusimamia miradi mbalimbali ambayo karibuni wakili huyu ataifungua. "Nimekuelewa", hilo lilikua ni jibu fupi kutoka kwa Katavi kuonesha kahafikiana na ushauri aliopewa.

Tatizo jingine kubwa la Katavi alikuwa anapenda sana majimama (yaani wanawake waliokuwa wanamzidi umri), na hili Preta aliligundua baada ya kumkuta mtaa wa Mbagala maji matitu akiwa amekaa na huyo mama kimahaba.Kwa hakika siku hiyo Preta alilia sana na ni siku ambayo hatoisahau maishani.
Katavi baada ya fumanizi hilo aliomba msamaha na preta akampa msamaha lakini kwa sharti moja kuu............

 

[Katavi]

hahahahaah! hii thread inaifanya wikendi iende fresh, watu8 unatisha kaka. Ngoja niende nikawatazame vijana wa Emirates nikirudi huenda nitakuta hadithi imefika mwisho.

 

[SnowBall]

watu8 umetisha yaani umenikumbusha mbali tangu safari ya Katavi na Preta kutoka kijijini mpanda ndani ya gari ambalo dereva Autorun alikuwa anaendesha bila kufuata sheria za usalama barabarani. Mpaka Dar ndani ya jiji la maraha ambapo Preta anakutana na Bishanga na kupata kibarua..lol

 

[Watu8]

SHARTI kwamba asimuone tena na mama huyo.Licha yakua ni mgeni katika jiji hlo la Maraha na tabu nyingi Katavi
ndani ya mwaka huo mmoja alio kaa pale ali weza kufahamu mitaa na viunga mbalimbali vya jiji hilo Katavi ali tokea kufahamiana na watu wengi na kuwa MTU WA WATU kama mdogowake Preta Filipo alivyo penda kumuita.
Preta alikuwa na kazi nyingi sana pale ofisini kwake Bishanga Advocates(BA) ambazo wakati mwingine humfanya arudi nyumbani usiku na akiwa amechoka,hvyo kutokupata wasaa mzuri wa kuongea na Katavi kwa siku kadhaa.
Weekend moja kama kawaida yake Preta hupenda sana kwenda salon then hupitia Madame B's Unique Boutique kuangalia viwalo kwaajili ya kuvaa ofisini, alipo rudi nyumbani Katavi aligundua kuawa Preta alikua si mtu mwenye furaha kama alivyo mzowea....
" Preta vipi unaumwa?" Katavi ali uli muuliza Preta, "hapana siumwi ila najisikia uchovu tu" alijibu Preta huku akitikisa kichwa Katavi alidhani kichwani mwake kunakitu kamuudhi binti huyu mzuri na mpole Preta lakini ukweli ni kwamba Bishanga bosi wa Preta ndiye anaye mkosesha raha Preta kwakua anamtaka preta kimapenzi kwa muda mrefu hivyo Preta kukosa raha muda mwingi lakini hakutaka mtu yeyote afahamu Jambo hilo hivyo akaamua..............

"Ngoja nimshirikishe mama jambo hili kabla ya kuongea na Katavi", Preta alikuwa akijisemesha ndani ya moyo wake. Muda wote huo Katavi alikuwa kimya asijue ni kipi kinamsibu binti huyo. "Preta, kwa jinsi niuonavyo uso wako hapana shaka lipo jambo linaloitatiza mtima wako", Katavi aliongea kwa utaratibu na katika hali ya kubembeleza. Akaendelea, "kwa sasa ninatoka, baada ya kama masaa mawili nitakuwa tena hapa nyumbani, ninakuomba sana tuongee ni lipi lakusibu". "Sawa, hakuna shaka", ni jibu kutoka kwa Preta likisindikizwa na pumzi ndefu.

 

[Watu8]

Ukumbi wa Samaki samaki umejaa kila aina ya washabiki, ni moja ya kumbi chache hapa mjini kuweza kukita watu wa mataifa mbalimbali. Ni saa nane unusu mida ya alasiri, kama ilivyo ada, Katavi akiwa amevalia jezi ya Blue anaingia ukumbini na kwa haraka anajumuika na "washikaji" zake ambao ni mara zote hutizama nao mpira. "Leo lazima tuwakalishe chini, we si unaona mbele yupo Podolski na Carzola?", hiyo ilikua ni sauti ya majigambo kutoka kwa ruttashobolwa, ambaye kando yake kulikua na binti mwenye macho maangavu aliyejaaliwa uzuri na Maulana, Madame B, ndio lake jina. Maneno hayo ya ruttashobolwa yalipokewa na tabasamu toka kwa Katavi na hao washikaji wengine waliokuwepo katika hiyo meza. "Mhudumu tafadhali ongeza Tusker baridi", hayo yalikuwa ni maneno toka kwa Kongosho ambaye muda wote alikuwa kimya. Hicho kilikua ni kinywaji kikiagizwa mahsusi kwa ajili ya Katavi.

 

[Watu8]

Mabao 2 - 1 ndio yalikuwa matokeo ya mwisho katika mpambano baina ya Arsenal na Chelsea. Katavi akiwa na furaha alikuwa njiani kuelekea nyumbani. Kutoka eneo la Samaki samaki na mahali alipokuwa akiishi na Preta ni mwendo wa dakika 10, ni eneo lenye nyumba za kifahari ambazo wanaoishi humo huwezi kusita kusema ni watu wa daraja la juu. Akiwa njiani ghafla anakumbuka kile walichoongea na Preta hapo awali. "Ni nini kitakuwa kinamsumbua Preta, mbona ni mtu asiye na raha na muda mwingi amekuwa akijifungia tu ndani", hayo ni baadhi ya maswali yaliyokuwa yakitamalaki mawazo mwa Katavi. "Lazima nihakikishe namsaidia Preta", wazo hilo lilimjia akiwa karibu kabisa na mlango wa mbele wa hekalu analoishi...

 

[Watu8]

Kesho ni siku ya Jumapili na ni mahsusi kwa ajili ya gulio kijijini Sitimbi. Wachuuzi na walanguzi kutoka hapo kijijini na vijiji vya jirani hupeleka bidhaa zao mbalimbali katika viwanja vya Sabasaba.
Katika upenu wa nyumba pekee iliyoezekwa paa la bati, anaonekana mwanamke mmoja wa makamo akijishughulisha na upepetaji wa alizeti na mtama alizozivuna takribani mwezi mmoja unusu uliopita. Mama Preta ni mwanamke maarufu na ushupavu ambaye hujishughulisha na ufugaji nyuki, kilimo pamoja na biashara za ulanguzi. Mavuno ya mwaka huu hayakuwa mazuri kwa Kaunga, hii ni kutokana na kucheleweshwa kwa mbolea ya kukuzia toka serikalini, vilevile uhaba wa mvua.
"Mamaaaa, mamaaa...dada Preta anapiga simu", kwa mbali Mphamvumdogowe Preta alikuwa anakuja huku anakimbia mithili ya mwanambuzi ajitaabishae kwa mbio za vihunzi. Kijana Mphamvu,ambaye kijijini hapo hufahamika almaarufu kama Joti, mkonowe wa kuume ulikuwa umeshikilia simu aina ya Nokia tochi huku mkonowe wa kushoto ulikuwa na ringi la baiskeli na katika shingo yake kulikuwa na topito"manati" iliyotengenezwa kwa umaridadi mkubwa.

 

[Watu8]

"Nashukuru sana kwa ushauri ulionipatia mama, moyo wangu umefarijika na hakika umenirudishia tena tabasamu usoni pangu", Preta alimshukuru mamaye. "Usijali mwanangu, siku zote tambua, dunia hadaa walimwengu shujaa",alimalizia Kaunga kumuasa mwanawe.
Mlango wa mbele ulifunguliwa na ni Katavi alikuwa akirejea kutoka Samaki samaki. Wakati huo Preta alikuwa anamalizia kumimina juisi ya mchanganyiko wa parachichi na embe."Eenh mmefungwa ngapi huko?", lilikuwa ni swali la kichokozi toka kwa Preta. "Mwaka huu lazima tubebe kombe, sisi ndio wa Darajani bwana, leo tumeshinda 2 - 1", Katavi alizungumza kwa kujiamini. "Haya bwana mi yangu masikio tu, hahaha, vipi nikumiminie na wewe juisi?", Preta aliuliza. "Mhhh nitashukuru kweli, tafadhali", Katavi alisisitiza.
Dakika tano baadaye wawili hawa walikuwa juu ya viti katika bustani tulivu mbele ya nyumba yao, nia ya kukaa mahali hapo ilikua ni kufanya mazungumzo ya kipi kinamsibu Preta.
"Katavi.....", Preta aliamua kuvunja ukimya na alianzisha mazungumzo......