Tunajifunza nini kutokana na msiba wa Fidel Castro Odinga

[mfianchi]

Nimeguswa sana na msiba wa Fidel Castro Odinga,hakika nimepata majonzi makubwa ,Fidel Odinga alikuwa ni mtu wa watu na mtoto wa mujini kweli kweli,pamoja na hadhi ya babu yake , baba yake , ukoo na utajiri wake wa kutisha daima hakulewa sifa na wakati wote alikuwa karibu na watu wa matabaka tofauti,rika mbalimbali,kabila tofauti,na aliweza kutumia fedha zake kuwasaidia watu wa aina mbalimbali bila kuangalia kabila,cheo,au mpinzani wa babake n.k.

Na wote tumeona pia kuwa pamoja na kuwa baba yake alikuwa na tofauti za kisiasa na na rais na Uhuru Kenyatta huyu kijana alikuwa ni rafiki mkubwa wa Uhuru na hata Ruto.Ni kijana mdogo ambaye aliweka nyuma dhambi kubwa ya Kenya ambayo ni ukabila.

Pia Fidel alikuwa ni rafiki wa watu masikini alitumia fedha yake kuwasomesha watoto wenye shida wengi tu,aliweza kuwa karibu na masikini wa Manzese (Kibera,Mathare).

Fidel aliwekeza kwenye ukarimu na sio kwenye fedha,na hakika kwa kuonyesha jinsi alivyokuwa anapendwa na ndicho Wakenya wamekifanya kwenye kumuaga Fidel.

Naweza kukiri kwamba sijawahi kuona msiba uliovuta hisia za watu na kuagwa na watu wengi kama Fidel na si Wajaluo tu bali watu wa makabila mbalimbali.

Na kifo cha Fidel kiwe ni funzo kubwa kwa watoto wa viongozi na matajiri ambao hujali zaidi pesa zao na maisha yao kuliko kuwasaidia wasio na uwezo.

Tumeona watoto wengi wa wanasiasa wa hapa Tanzania jinsi wanavyokuwa jeuri kwa kutegemea vyeo vya wazazi wao na utajiri walio nao kuwasema watu ambao ama wanapingana na wazazi wao kisiasa au mitizamo ya kisiasa.

Je, ni wangapi ambao huwatembeleawenye shida huku Manzese,Mburahati,Keko,Tandika na kwenye makazi duni mengine?

Je, ni nani ambaye angalau anatoa sehemu ya utajiri wake kuwasomesha watoto masikini?

Ndugu zangu Fidel aliwekeza kwa watu na ndio maana ameagwa kwa maelfu huko Kenya,Fidel hajaagwa hivyo kutokana na baba yake bali kutokana na yeye mwenyewe kuwapenda watu kwa moyo mmoja,alikuwa habagui alikuwa hashindi tu O'bay,Masaki,Upanga.Naamini kifo cha Fidel ni mwanzo wakuwaleta Wakenya pamoja.

Mwisho tujifunze kuwa siasa sio ugomvi wakati sisi akina yakhe tukitukanana humu kuhusu nani anafaa urais hao ambao tunawashabikia ni watu ambao ni marafiki kifamilia,wamesoma pamoja na hata watoto wao wamesoma,wamecheza pamoja na hata dili wanafanya pamoja.

Tumeshuhudia rais Uhuru akisema Fidel alikuwa ni rafiki yake wa karibu na si uongo,hata mtoto wa dadake Uhuru alikuwa wakati fulani mchepuko wa Fidel,hawa wanakunywa whisky pamojanna hata picha zinasema tumemuona rais Uhuru,Ruto na wanasiasa wengine walivyoungana katika huu msiba.

Wakati huu ni wakati wa kusherehekea maisha ya Fidel kama alivyosema baba yake,Fidel amefanya yake makubwa katika umri wake mdogo,basi yatupasa na sisi wengine kuiga yale mazuri aliyoyafanya Fidel.

Fidel aliwekeza kwa watu na watu nao wanamuaga kwa heshima kipenzi chao Fidel,wema unalipa jamani na kielelezo cha wema wa Fidel ni jinsi anavyoagwa .

RIP Fidel.
Cc Ab-Tichaz ,pole .

 

[MO11]

kichwa changu kimenituma cuba

 

[BrightonMsia]

rip big bros fidel

 

[Mjamii]

mfianchi, Binafsi nimeielewa mada yako kuwa vijana wa viongozi wetu hapa nchini wasidhani wanaishi mbinguni lah! Wajue kuwa wamezungukwa na wananchi wanaojua namna wanavyofuja na kunufaika na keki ya nchi kupitia mikataba waliyofanya wazazi wao. Hivyo watafute namna ya kuishi vyema na wananchi

 

[Fatu]

Aliyekwambia tandika kuna Maisha duni Nani...Fanya tena tathmini yako. Au vile ni neno rahisi kulitamka...

 

[SAUTI YAKO]

basi humu ndani thread kama hizi zisizo za kidini,kisiasa,uadui,ukanda,magreat thinkers uzipuza na kusubili uzi wa kuwashambulia watendaji wa nchi,masheikh,mapadri,wachaga,wakristo,waislamu,bila kumsahau kagame na wapinzani wa jadi buku 7.Mim sitokataa tamaa kuanzisha uzi wenye kuleta matumaini mapya kwa jamii, thank u mleta mada hapa umeleta kitu muhimu cha kutukumbusha namna tunavyopaswa kuishi humu ulimwenguni.Ikiwezekana peleka makala hii gazetini,radio na tv ikumbushe jamii ya east afrika ulafi haufai.sAsa umenipa kitu ntajitahid kuwatendea mema wengine

 

[mfianchi]

Binafsi nimeielewa mada yako kuwa vijana wa viongozi wetu hapa nchini wasidhani wanaishi mbinguni lah! Wajue kuwa wamezungukwa na wananchi wanaojua namna wanavyofuja na kunufaika na keki ya nchi kupitia mikataba waliyofanya wazazi wao. Hivyo watafute namna ya kuishi vyema na wananchi

Ni kweli ndio maana yangu

 

[ng'ambakwa]

mfianchi, Binafsi nimeielewa mada yako kuwa vijana wa viongozi wetu hapa nchini wasidhani wanaishi mbinguni lah! Wajue kuwa wamezungukwa na wananchi wanaojua namna wanavyofuja na kunufaika na keki ya nchi kupitia mikataba waliyofanya wazazi wao. Hivyo watafute namna ya kuishi vyema na wananchi

issue ni hayo mabunduki yaliyokutwa kwake. Duuu binadamu bana

 

[Pdidy]

Binafsi nilikuwa kenya nakama kweli citizen tv walikuwawakweli kuonyedha mvt alizofanya usikuwakifo chake basi aikuitendeahaki familia,,,alipotoka kwaparty akaenda club zaidi ya tatu usikummoja babamwenye mtotowamiaka miwiliyuko chumbani namamake unamwekawapi hata kama mtoto wa mkubwa,,,tujifunze kulinda nakuheshimu familia hasawakati wamajukumu ikiwemo watoto,,,leo nawatoto hawa ntawaambiajke nimefia nikitokea clkub yamuziki??

Sosad nilimwona yulemkewe akulia tu kifochamumewe amelia akiwaza kwanini akuwa nae

 

[abiko]

Ukabila sio dili alafu msiba sio uwanja wa siasa

 

[KIOO]

Aliyekwambia tandika kuna Maisha duni Nani...Fanya tena tathmini yako. Au vile ni neno rahisi kulitamka...

Anachomaanisha mtoa mada ni kwamba huwezi kufananisha Tandika na maeneo kama Oysterbay au Masaki.

Na pia inawezekana isiwe maisha duni kwa mmoja au wawili lakini kwa majority ya huko inaeleweka uzuri tu mkuu Fatu .

 

[missnyakanazi]

C utani kijana amezikwa.....apumzike kwa amani