MaxShimba
Platinum Member
- Apr 11, 2008
- 36,008
- 4,093
Treni ya abiria iliyoanza kazi leo Dar es Salaam ikiwa kituo cha Ubungo Maziwa
Baadhi ya abiria wakipanda kwenye treni kituo cha Ubungo Maziwa kabla ya kuanza safari kuelekea katikati ya jiji.
Baadhi ya abiria wakikata tiketi za treni muda mfupi kabla ya kuondoka kuelekea katikati ya jiji la Dar es Salaam.
Baadhi ya wafanyakazi wa TRC wakiendelea kukatisha tiketi ndani ya treni kwa abiria wanaopandia njiani ama kutokuwa na tiketi wakati wa safari.
Hapa ni ndani ya behewa la treni kama linavyoonekana kwenye picha
Na Joachim MushiUSAFIRI wa kutumia treni jijini Dar es Salaam kutokea eneo la Ubungo Maziwa kuelekea katikati ya Jiji la Dar es Salaam (Stesheni ya Treni) umeanza leo. Treni ya kwanza imeondoka Ubungo majira ya saa 12:00 asubuhi kuelekea katikati ya jiji, ambapo kwa mujibu wa maofisa wa Shirika la Reli Tanzania (TRC) imetumia wastani wa dakika 30 kufika katikati ya jiji.
Treni ilioanza kazi leo iliyokuwa na injini mbili (vichwa vya traini) moja ikiwa imefungwa nyuma na nyingine mbele huku ikiwa na mabehewa sita, yaani matano ya abiria wa kawaida (watu wazima) na moja likiwa ni maalumu kwa ajili ya kubeba wanafunzi. Abiria mmoja ni sh. 400 kwa tripu huku wanafunzi wakitakiwa kulipa sh. 100 kwa kila mmoja.
Waziri wa Uchukuzi, Dk Harrison Mwakyembe ndiye aliyezindua usafiri wa leo ambao ni wamajaribio, akiwa pamoja na viongozi waandamizi kutoka TRC, Mamlaka ya Usafiri wa Nchi Kavu na Majini (SUMATRA), TAZARA pamoja na Polisi Kitengo cha Reli. Treni hiyo pia imezinduliwa pamoja na treni ya TAZARA ambayo itafanya kazi kama ya Ubungo, lakini yenyewe ikianzia eneo la TAZARA kuelekea Mwakanga.
Kwa utulivu na usafiri wa starehe kama hivi kwanini usisome gazeti ukiwa safarini..! Abiria akijisomea gazeti ndani ya treni leo kama alivyonaswa na mpigapicha.
Akizungumza mara baada ya ufunguzi huo Waziri Mwakyembe alisema atahakikisha treni hiyo inaendelea kufanya kazi ili kuwasaidia kiusafiri wananchi wa Dar es Salaam ambao wamekuwa wakisumbuliwa na kero ya usafiri hasa kwa foleni, ambapo utumia muda mrefu njiani kuingia na kutoka jijini.Alisema jumla ya mabehewa ya treni 14 pamoja na injini mbili zimekarabatiwa na mafundi wazalendo nchini, ambayo ndiyo yatakayokuwa yakifanya kazi ya kusafirisha abiria kuingia na kutoka jijini kila asubuhi na jioni. Alisema kwa sasa inafanya treni moja kwa majaribio lakini baada ya uzinduzi mkubwa zitafanya kazi treni mbili, na zitakuwa zikipishana njiani moja ikirudi na nyingine ikienda.
Waziri wa Uchukuzi, Dk Harrison Mwakyembe (katikati anayepunga mkono dirishani) akiwa na baadhi ya viongozi walioshiriki katika uzinduzi wa treni leo.
Waziri wa Uchukuzi, Dk Harrison Mwakyembe (aliyesimama) akizungumza kwenye hafka fupi ya uzinduzi mdogo wa treni ya abiria jijini Dar es Salaam leo. Wengine ni baadhi ya viongozi walioshiriki katika uzinduzi huo.
Leo baadhi ya wakazi wa jiji la Dar-es-Salaam wameanza rasmi matumizi ya usarifi wa kutumia treni. Una maoni yeyote juu ya usafiri wa treni jijini?
