Katika kufanya tafiti ya jumla nimegundua moja ya tofauti kubwa kati ya Mwafrika na Mzungu ni kwamba, Sisi waafrika tuna ungana na kushirikiana zaidi kimwili wakati wenzetu wanashirikiana na kuungana zaidi kimawazo na kiakili.
Mzungu akipata elimu, ataandika vitabu ili mwenzake asome aendeleze pale yeye alipo ishia, ataunganisha mawazo yake na ya mwenzake wataunda ama watatengeneza kitu au machine fulani. Ndiyo maana utakuta kifaa kimoja kimetengenezwa na watu wa fani mbalimbali ili kiweze kufanya kazi kwa ufanisi.
Wazungu hawashirikiani kimwili zaidi, ni vigumu kukuta wanapelekeana mialiko kama ya kitchen party au misiba, ni vigumu kujua jirani yake ni nani na anafanya nini. Hata akitoka out na girlfriend wake, kila mtu anatalipia bili yake kwa mfuko wake. Harusi zao hazikusanyi watu wengi na kutumia siku nzima wakila na kunywa labda awe ni mtu maarufu sana!
Sisi waafrika hatuko pamoja kiakili, hata mtu akiwa nawazo zuri kivipi, litadharauliwa na kila mtu kubaki na mambo yake. Tumekuwa wajinga wa kuwa achia wanasiasa kutuamulia nini cha kufanya na nini tusifanye hata kwenye mambo ya kisayansi na utafiti kwa mambo ya kawaida. Wasomi wazuri hawatungi vitabu bali wanakimbilia kwenye siasa, sii ajabu ukakuta profesa haandika kitabu chochote kwa miaka 20 na bado anajiita Profesa!
Waafika tunashindwa kuunganisha tafiti za kisayansi za fani mbalimbali ili kupata kitu bora kwa matumizi ya kila siku na tumebaki kununua vilivyotengenezwa na wazungu. Watunga sera wamekuwa wakidharau hata mawazo ya wengine na kuona ya wazungu ndo bora kuliko ya mwafrika mwenzao. Lakini likija swala la kuzikana, harusi na mengi yanayofanana na hayo, utakuta waafrika wamerundikana utafikiri wana umoja wa kweli!
Ni mada nzuri tu hiii ikiwa tunataka kujifunza kufahamu mapungufu yetu ambayo hayatokani na maumbile bali FIKRA...
Kweli zipo tofauti nyingi tu baina na mzungu na mwafrika (mtu mweusi) na nakubaliana na maneno yako uliposema - "
Katika kufanya tafiti ya jumla nimegundua moja ya tofauti kubwa kati ya Mwafrika na Mzungu ni kwamba, Sisi waafrika tuna ungana na kushirikiana zaidi kimwili wakati wenzetu wanashirikiana na kuungana zaidi kimawazo na kiakili."
Lakini haya ni matokeo tu ya kihulka ambazo zimetokana na neno moja kubwa sana - UTAMADUNI.. Waafrika kwa ujumla wetu tumepoteza Utamaduni wetu na kujaribu kuiga wa mzungu ambaye mambo yote anayoyafanya ni kutokana na MAHITAJI yake yeye. Hivyo mzungu anakwenda shule kusoma ili kupata elimu yakumwezesha kukabiliana na matatizo ktk mazingira yake nasi weusi kwa kuiga tunakwenda shule ili kujifunza mbinu za kukabiliana na matatizo ya mzungu badala ya matatizo yetu.
Sasa kwa nini tunashirikiana zaidi kimwili, Ni kwa sababu hatuna ufumbuzi wa matatizo yetu hivyo nguvu ya pamoja ambayo haihitaji elimu ndio hutumiwa kama mbadala ya mahitaji ambayo tumeyaiga kwa mzungu. Haya ya Kitchen Party tumeyaiga na kuyachukua kama yalivyo wakati hayakuwa ktk mahitaji yetu isipokuwa maadam wazungu wanafanya basi nasi tukaiga mila zao ili tuonekane tumeendelea.
Tatizo la waafirka halipo kabisa ktk unyonge ama uhafifu ktk maumbile bali tatizo la mwafrika ni kupoteza UTAMADUNI wake, mila na desturi ambazo zinamfanya yeye awe tofauti na mzungu ktk mazingira anayoishi. Tunataka kuibadilisha Afrika iwe kama Ulaya ambayo kila kitu kilichoijengwa kimetokana na mahitaji ya sehemu zao. Tena kama ingewezekana kukata rufaa kwa Mwenyezi Mungu basi tungeoma atupe hata barafu (Snow) na baridi kama la Ulaya, atupe season nne kama ulaya na kadhalika.
Tumeisha poteza Lugha, mavazi, nyimbo na ngoma zetu na sasa tumeiga hadi jinsi ya kujitawala badala yake tumeiga kila kitu kutoka kwa masters wetu kiasi kwamba leo hii tunabishana juu ya vazi la Taifa ati kuna watu wanataka KUVUMBUA vazi la Taifa..na linavumbuliwa kwa sababu tunaklihitaji au kwa sababu na sisi tuonekane tuna utamaduni?.. nani anayevumbua vazi hilo? msanii ambaye hana asili ya Uafrika wala sii mwana historia isipokuwa wamechaguliwa watu kulingana na utamaduni wa mzungu.
Kwa hiyo sii kwamba kushindwa huko kunatokana na rangi ya ngozi isipokuwa kushindwa huko kunatokana na KUTAWALIWA na ndio maana wasomi wenye kuelewa maana husema Umaskini wetu unatokana na KUTAWALIWA..na vijana wa siku hizi wasomi walioshiba mila na desturi za wazungu hushindwa kuelewa kwa nini mtu mweusi husingizia UKOLONI kama sababu ya umaskini wake ili hali akiendelea kutazama mafanikio na mahitaji ya mzungu kama kielelezo cha mwafrika kuweza kufanikiwa pia.
Mzungu ana deal na matatizo yake kwa imani ya kwamba - Necessity is the mother of invention, sisi hatulisomi neno hilo kwa maana ile ile maana elimu tulosoma haihusiani kutazama mahitaji yetu kama neccesity bali tuna DEMAND ya vitu vya Ulaya hivyo tunacho kihitaji ni Supplier ili tuwe sawa na mzungu.
Afrika tuna matatizo ya maji safi toka enzi za nabii Nuhu ingawa maziwa na mito ipo lakini hadi leo tatizo hilo lipo na halijawahi kupatiwa ufumbuzi mahala popote, mazao ya chakula ni shida toka enzi za Azania tukipigana vita kutafuta ardhi kubwa ya kilimo lakini hatujawahi kupata ufumbuzi ktk kilimo na kuondoa njaa hadi imekuwa moja ya identity na mazingia yetu. AFRIKA = UKAME!
