TCRA: Wenye akaunti ‘feki’ kukiona

[Mwanahabari Huru]

MAMLAKA ya Udhibiti wa Mawasiliano hapa Nchini (TCRA) imewaonya watumiaji wa mitandao ya kijamii wanaojisajili katika mitandao hiyo kwa kutumia majina na taarifa za uongo, anaandika Charles William.

James Kilaba Kaimu Mkurugenzi wa TCRA amesema, vitendo vya watu kujisajili katika mitandao ya kijamii kwa kutumia majina na taarifa zisizo sahihi, ni kosa kisheria na kwamba wanaofanya hivyo watachukuliwa hatua kali za kisheria.

Kilaba ameyasema hayo leo, wakati wa uzinduzi wa kampeni ya kuongeza ufahamu kuhusu matumizi sahihi na salama ya mitandao ambayo inasimamiwa na Kitengo cha dharura cha kuitikia matukio ya usalama kwenye mitandao hapa nchini (TZ-CERT).

“Tumeamua kuzindua kampeni hii ili kuwasaidia wananchi kuepuka makosa ya kimtandao na kuepuka kufanyiwa utapeli au wizi mitandaoni kwa sababu matukio mengi ambayo yamekuwa yakiripotiwa au kulalamikiwa yanazuilika kwa watu kupewa elimu ya matumizi sahihi ya mitandao,” amesema Kilaba.

Kampeni hiyo ya kuongeza ufahamu kuhusu matumizi sahihi na salama ya mitandao, itafanyika kupitia matangazo ya redio, televisheni, magazeti pamoja na mitandao ya kijamii ambapo katika mitandao ya kijamii itajulikana kama, “Darasa mtandao”.

“Miongoni mwa mambo ambayo tutawafundisha wananchi ni kutoweka wazi taarifa zao binafsi zote katika mitandao, kubadili na kutunza neon la siri (password), kutojibu ujumbe unaosema umeshinda bahati nasibu na mengineyo mengi,” amesisitiza Kilaba.

 

[Mr Hero]

Mmeshindwa tu kuyasimamia Makampuni ya simu kwenye usajili wa line tu, ije kwenye mitandao? Facebook wenyewe wameshindwa hayo Ndio maana kuna account fake, sasa tuambieni Sheria ya JF inaruhusu watu kutumia majina fake, nyinyi mmasema ni kosa kisheria, ina maana mnampango Jf ikate roho?
Siku mkianza kukamata fake account basi ndio itakuwa mwisho wangu kutumia mitandao

 

[Shin Lim]

Sasa wenye akaunti fake si ndio tumejaa hapa! Au sijaelewa!

 

[Kingo]

Mwanahabari Huru hatumii jina halisi.
Ni busara kama wangeainisha kipengele cha sharia husika kinachovunjwa na adhabu yake, lakini pia kwanini sharia hiyo isiruhusu anonymity katika kupashana taarifa?

 

[Eddy Love]

nikijiita PANYA BUKU nani atabisha kuwa siyo jina langu

 

[mrangi]

Hawa TCRA shida tu

Ova

 

[bampa 2 bampa]

Mataamko yanaendelea kila siku

 

[Isike Moses]

Mambo ya msingi VING'AMUZI wanakwepa, upuuzi huu ndiyo wanashughurika nao.

 

[lukesam]

Hizi kauli za ajabu hizi..eti kukiona.

 

[Yimakatso]

Khaaah...wanashindwa kutatua matatizo sugu yanayofanywa na mitandao ya simu wanahangaika na vitu visivyo vya msingi.

 

[Slim5]

Katika magazeti kila siku kuna waandishi sijui undugu wao ukoje, lakini wengi wanaitwa NA MWANDISHI WETU. Yaani kila gazeti wapo!

 

[RASHIDI OMARY]

Wanatumika vibaya hawajui watendalo

 

[CK Allan]

waambie watueleze kupanda kwa bei ya vifurushi wao pia wanahusika ama LA.. kama hawahusiki ina maana hawaoni? na kodi pia imepanda katika miamala ya simu..

 

[KENZY]

watuache tufanye yetu kwani inashindikana nini kumkamata mtu hata kama anatumia jina fake mtandaoni si watumie mitambo kutrack..
alaf usikute na viongozi wapo humuhumu na fake id hapo chacha yangu maskio kampa kampa tena..🙁🙁🙁

 

[Isike Moses]

waambie watueleze kupanda kwa bei ya vifurushi wao pia wanahusika ama LA.. kama hawahusiki ina maana hawaoni? na kodi pia imepanda katika miamala ya simu..

Ukigusa huko nchi itayumba.... Deals za "wakubwa"

 

[maringeni]

Kuna maneno yamezoeleka kuhalalisha hoja. Eti ni kosa kisheria, ukimuuliza kutaja kifungu ananuna.

 

[The hammer]

Nafikiri matatizo sugu ya malalamiko ya wananchi wa nchi hii yameshatatuliwa yote ndo maana matatizo madogo kama haya yanapewa uzito sasa.

 

[lukesam]

Mambo ya msingi VING'AMUZI wanakwepa, upuuzi huu ndiyo wanashughurika nao.

Unajua hii nchi watu wanatumia nguvu kubwa sana kupambana na vitu vya kijinga sana..

Sasa kama mtu anatumia utambulisho fake na wala hajihusishi na vitendo vya kitapeli au kuvunja sheria unahangaika naye wa nini??

 

[Mkomavu]

Msituzingue na mkitaka mzifunge ila suala la jina halisi la mtu nyinyi mnajuaje ili mradi mtu havunji sheria tatueni kero zetu acheni kufuatilia vitu kama ivo

 

[Clarity]

Imeshakua Nchi ya matamko kila mtu na lake anavyojisikia mara wamachinga waondolewe mwingine wamachinga wasibugudhiwe, mara uniform za polisi, yaani ili mradi vululuvululu