Tanzania kuzalisha megawati 200 za umeme wa nishati ya joto ardhi ifikapo 2025

[Donatila]

Tanzania inatarajia kuanza kuzalisha umeme wa jotoardhi zaidi ya megawati 20 ifikapo mwaka 2018 mradi utakaopunguza gharama za nishati hiyo nchini.

Kiwango cha nishati hiyo kitakachozalishwa kutoka miradi minne inayoendelea kufanyiwa kazi kwa sasa, kinatarajiwa kuongezeka mpaka megawati 200 ifikapo mwaka 2025.

Mkurugenzi wa Kampuni ya Jotoardhi nchini (TGDC), Mhandisi Boniface Njombe aliwaeleza wajumbe wa mkutano wa wataalamu wa jotoardhi jana kuwa, mbali na mpango huo wa muda mfupi, wamejiwekea malengo ya kuzalisha zaidi ya megawati 200 ndani ya miaka tisa ijayo.

“Hii ni nishati salama na rafiki wa mazingira,” alieleza bosi huyo wa TGDC ambayo ni kampuni tanzu ya Shirika la Ugavi wa Umeme Tanzania (Tanesco).

Mpaka sasa miradi inayoendelea kufanyiwa kazi ikiwa kwenye hatua mbalimbali ni Ngozi na Mbaka iliyopo mkoani Mbeya, Kisaki wa Morogoro, Mlima Meru na Ziwa Natron kwenye Mlima Lengai.

Alisema, TGDC inashirikiana na Shirika la Umoja wa Mataifa linaloshughulikia Mazingira (UNEP) kufanya mapitio ya jotoardhi, kuendeleza na kuchakata nishati hiyo kabla haijaanza kutumika.

Akifungua mkutano huo, Naibu Katibu Mkuu wa Wizara ya Nishati na Madini, Dk Juliana Pallangyo alisema Tanzania ina hazina ya takriban megawati 5,000 ya nguvu za kuzalisha nishati hiyo na kwamba ipo karibuni kuanza kuitumia.

Alisema mpango wa Serikali ni kuifanya Tanzania kuwa nchi ya viwanda na utafikiwa endapo kutakuwa na nishati ya kutosha kwa matumizi ya nyumbani na viwandani.

 

[Ulukolokwitanga]

Tumechoka na ngojera zenu, wakati sasa umefika nyie na yule Profesa wenu wa Escrow ku-Walk the Talk...

Naskia Singas hawajalipwa miezi 12!!!!

Na haka kamgao ka kimya kimya kalikoanza recently huku tunajua Mtera na Kidatu zimefurika mnakaelezeaje?

 

[chini ya muti]

tangia nizaliwe nilianza kusikia umeme wa mafuta ya jenereta, maji (wanafungua maji ili wapige dili), mara vyura wa kihansi sijui bado wako marekani (sina uhakika) ukaja umeme wa gesi (songas wanagoma japo gesi ni yetu na tunayo ya kutosha) mara makaa ya mawe yaliyojaa kule mchuchuma, mara upepo wa singida sasa tunaletewa umeme wa jotoardhi. najiuliza kama vyote tumeshindwa na tunavyo vya kutosha tutaweza huo?

 

[fattys]

Ni kweli kabisa kumekuwa na maelezo mengi kuliko vitendo. Wanasema kuliko na ukweli hakuhitaji maelezo mengi ya kujieleza.
Suala la Nishati Tanzania limekuwa na maelezo mengi kuliko yanayoonekana kufanya. Mara nyingi inashangaza kuona vyanzo halisi vya Nishati havizungumzwi badala yake kunakuwa na maelezo ya vyanzo vya majaribio. Mfano mzuri ni umeme wa Makaa ya Mawe. Hakuna nchi yoyote duniani iliyoendelea ambayo hakutumia au haitumii Nishati ya Makaa ya mawe kwa namna moja au nyingine.
Makaa ya mawe Mchuchuma na Liganga yangetumika kufua umeme lakini pia kuzalisha chuma ambacho ni malighafi kwa viwanda vingine. Lakini zaidi ya miaka 50 maelezo kuhusu Mchuchuma ipo hewani. Miaka miwili iliyopita tuliambia nitakuwa na Umeme wa Utakaozalishwa na uranium, hicho pia ni kituko. Wakati nchi nyingine zinaachana na Nishati hiyo kutokana na athari zake Tanzania ndiyo kwanza tunaridhia!. Tatizo je hakuna watu wanaofikiri kwa usahihi huko Serikalini ( rational thinking)? Mbona kila anayenda huko anageuka kituko?

 

[MATHIAS KABYEMERA]

Kwavyovyote iwavyo, usalama wa mazingira uzingatiwe

 

[Safari_ni_Safari]

Megawati 200 ni umeme mdogo sana kwa nchi inayotegemea kupata maendeleo kwa haraka! Let alone in 2025