Sifa za rafiki wa ukweli

[naipenda nchi]

Kuna vitu vimenitokea ambavyo sikupata ushirikiano wa kutosha toka kwa watu wa karibu,hivyo nahitaji kujua sifa za rafiki wa kweli? Mana nahitaji nifanye uamuzi mgumu wa mchujo wa marafiki wanafiki,kabla sija hukumu nahitaji sifa za rafiki wa kweli nizipi?

 

[Nyani Ngabu]

Una umri gani kwani wewe?

Manake hakuna sifa zilizo universal.

Sifa zilizopo ni relative tu.

Hivyo inategemea kwanza wewe ni mtu wa aina gani.

Mwisho wa siku ni tajiriba ya maisha yako pamoja na busara zako za kawaida (kama unazo za kutosha) ndizo zitakupa muongozo mzuri wa kubaini yupi anazo na yupi hana sifa za kuitwa rafiki wa kweli.

 

[mamanzara]

Kwa mtazamo wangu ni ngumu sana kumfahamu rafiki wa kweli kwa haraka maana tabia ya mtu haina alama ya kuweza kumtambulisha. Utamtambua rafiki wa kweli kwa jinsi unavyoishi naye na jinsi anavyojitoa kwako kwa hali na mali hasa unapokuwa na tatizo, na kukupa ushauri mzuri na sio mnafiki.

 

[Viol]

Sikiliza wimbo wa Fid Q -sihitaji marafiki,humo utapata kila sifa ya marafiki

 

[miss chagga]

awe anakupa pesa

 

[jichopevu]

Kuna vitu vimenitokea ambavyo sikupata ushirikiano wa kutosha toka kwa watu wa karibu,hivyo nahitaji kujua sifa za rafiki wa kweli? Mana nahitaji nifanye uamuzi mgumu wa mchujo wa marafiki wanafiki,kabla sija hukumu nahitaji sifa za rafiki wa kweli nizipi?

Kwa mlevi, rafiki wa kweli ni yule anaekesha nae bar na kupeana ofa za bia

Kwa wanadini, rafiki wa kweli ni yule wanaoongozana na kukumbushana mema muda wote na yule anaeshiriki nae ibada

Kwa majirani, rafiki wa kweli ni yule anaesaidiana nae katika shida na raha na kuishi nae vizuri

Kwa jambazi, mwizi, tapeli na fisadi, rafiki wa kweli ni yule anaesaidiana kupiga dili haramu...ukijifanya mwema utaitwa mnoko.

Mlolongo hapo juu ni mrefu na mengine haibebi maana sahihi ya rafiki wa kweli.

Sasa, wewe ni mtu wa aina gani? Hii itakusaidia kujua rafiki yako wa kweli. Ila all in all, rafiki wa kweli mara zote ni yule akuongozae katika mazuri na akusaidiae kuyafikia mazuri na kuyafanya mazuri. Shida yako shida yake na furaha yako furaha yake pia.

 

[Tyta]

Unafahamu kama una rafiki wa kweli au? - Mwananchi

Kwa miaka mingi wanadamu wamekuwa wakitafakari na kuandika vitabu vingi kuhusu namna ya kupata marafiki.ukikutana na mtu barabarani akakuuliza kama una rafiki wa kweli utaweza kumjibu kama ndiyo au hapana?


Hapana shaka utasita kumjibu, huenda hutaweza kupata jibu moja kwa moja na kama utaweza kumjibu mara tu atakapokuuliza, utakuwa una bahati sana.

Hili ni moja kati ya matatizo ya maisha. Tunapata marafiki wengi, lakini tunashindwa kuwafanya kuwa marafiki zetu wakati wote, hata wakawa marafiki wa kweli.

Pengine hata sisi wenyewe tunashindwa kuonekana kama marafiki wa kweli kwa wenzetu. Lakini tujiulize Je, ni lazima tuwe na marafiki? Je tunaweza kuishi bila marafiki?

Kwa hakika tunahitaji kuwa na marafiki katika maisha yetu kwa sababu ndiyo wanaotupenda na kutujali. Ni washirika wetu katika raha na shida, furaha na huzuni, tabu na raha, njaa na shibe, umaskini na utajiri, ugonjwa na afya na pengine hata katika uzima na kifo na mengineyo mengi. Husemwa kuwa na marafiki wema na wa kweli hushinda kuwa na mali.

Sasa hebu turudi tulikoanzia. Acha swali la marafiki wa kweli kwa muda, ili tujiulize swali jingine. Je, ukiwaorodhesha marafiki zako wote wanaweza kufikia wangapi?

Je kama ungefariki leo, unafikiri ni marafiki zako wangapi wangefika kwenye msiba wako? Kama ni wachache sana bado unahitaji kutafuta marafiki.

Nina hakika kila mmoja wetu ana marafiki aliowapata katika nyakati mbalimbali za maisha. Lakini pengine kuna wengi tuliowapoteza. Pengine tumewapoteza kwa kutenganishwa na kifo. Pia wapo wale ambao tumetenganishwa nao kwa kuwa mbali, kwa kukosana au wamekata tamaa kwa kuwakatia mawasiliano . Lakini kwa liwalo lolote, tunahitaji kuwa na marafiki. Hivyo, tunapaswa kujua namna ya kujenga urafiki na namna ya kufanya urafiki wetu udumu siku zote.

Kwa hakika, hakuna kitu kinachojenga urafiki kama kutendeana mema. Upendo hautupatii tu marafiki, bali hujenga heshima na utu wetu. Kwa kuwatendea watu mema na kuwa wakarimu tunapata marafiki wengi katika maisha. Tunapopata marafiki tukawapenda kwa dhati na wao wakatupenda, tukawathamini na kuwajali na wale wa kweli hatutaweza kuwapoteza.

Kwa hakika, tutakuwa tumejijengea mazingira yenye matumaini ya kupata marafiki wa kweli. Tukiwa na marafiki wengi wa kweli, tutakuwa tumejipatia furaha ya kudumu katika maisha.