Nimepitia maelezo ya akina Shonza na Mwampamba kwenye gazeti la mtanzania la tarehe 27 March na April 3, 2015 wakieneza propaganda zinazohusu siri ya mpango wa kumuua Zitto, lakini kwa kukosa umakini na labda kwa kuchanganyikiwa wamejikuta wakitoa maelezo tofauti kuhusu mpango huo.
Katika gazeti la Mtanzania March 27.
" Shonza alidai kuwa siku ya tukio, yeye na Zitto walikuwa wamekaa meza moja na Saanane ambaye mkono wake wa kushoto ulikuwa umefungwa bandeji aliyowaeleza kuwa aliifunga kutokana na maumivu ya mkono.
Alisema wakiwa katika maongezi, huku Saanane akionyesha kuzidiwa na kilevi alichokuwa amekunywa, alitoa bahasha ya kaki yenye fedha ili alipie gharama za vinywaji vya wote ambayo ilidondoka na ndani yake ikatoka karatasi ndogo ya nailoni ikiwa na unga mwekundu."
Wiki iliyofuata kwenye gazeti hilo hilo la Mtanzania lakini la April 3, 2013, bibie akaanza kujichanganya,
Anadai siku ya tukio zitto hakutokea. Nanukuu ya gazeti hii hapa chini.
"Kama nilivyosema awali, tulikutana na Saanane nikiwa na Mwampamba lakini Zitto hakutokea na siku hiyo ndiyo tulimkamata akiwa na ile sumu."
Tulikuwa tunazungumza huku tunakunywa vinywaji tukimsubiri Zitto na muda ulipotutupa mkono huku tukiamini kuwa hawezi kufika, Ben alitoa bahasha kwa ajili ya kulipia gharama za vinywaji ndipo kile kifuko kilichokuwa na sumu kilipondoka, tukakiona wote, akanyanganya na hakupewa mpaka alipokiri ukweli kuwa alipewa na Dk. Slaa ili ammalize Zitto
Alisema, sumu ingewekwa kwenye kinywaji cha Zitto akiwa katika kikao hicho, lakini hatua yake ya kutohudhuria ndiyo iliyomuokoa.
Uongo mwingine ni huu, gazeti la tarehe 27 March anadai alikuwa amekaa meza moja yeye (shonza), Zitto na saanane lakini gazeti la tarehe 3 April anadai Ben Saanane na Zitto hawajawahi kukutana.
Anasema (Shonza) "Lakini ni kweli kwamba Zitto hamfahamu Ben Saanane na kwa ninavyojua mimi hawajawahi kukutana kwa sababu siku zote Saanane amekuwa akisisitiza tumkutanishe na Zitto kwa vile sisi ndiyo tulikuwa na uwezo wa kuonana naye".
Maswali yangu kwa Shonza na Mwampamba.
1. Ben alipotaka kumuwekea Zitto sumu, zitto alikuwepo hotelini au alikuwa Marekani na hakuhudhuria?
2. Na je ni kweli Ben na Zitto hawajawahi kukutana?
3. Kwa nini mlimsubiri Zitto arudi Marekani ndipo mumuulize kama muende polisi au la badala ya kwenda na huo ushahidi mkononi? Mkiambiwa kwamba nanyi mlishiriki kwenye njama za kumuua Zitto mtakataa?
4. Ben alipodondosha hiyo sumu nani aliiokota? Na kwa nini mumng'ang'anize Ben akiri kwamba ule unga ulikuwa sumu na si kilevi chake kama alivyojibu mwanzo.(kama ni kweli alidondosha kifuko cha unga mwekundu)
5. Na kama Ben alikuwa amelewa chakari hamuoni kwamba majibu yake yalikuwa ya mlevi?
6. Na kwa maoni yenu Ben angewezaje kumwekea zitto Unga mwekundu (sumu) kwenye kinywaji chake mkiwa mmekaa meza moja? is Ben Stupid?
Ninamuomba Nape na Nchemba wawaangalie hawa vijana kwa jicho la tatu kwani badala ya kuijenga CCM wanazidi kuibomoa. Hapa ni dhahiri kwamba Shonza na Mwampamba wanadhihirisha jinsi wanavyotumiwa na CCM kutaka kuiua chadema kabla ya 2015, lakini kwa uongo huu CCM itatangulia kaburini.
